رفيق العمر ❤️

الحلقه السادسة

#رفيق-العمر❤️

#الحلقة-السادسة

#للكاتبة-بيسان أحمد🦌🏹
الحاج هارون:اكيد كلكم تبوا تعرفوا من هذي وأشر بيده ع سعاد وشن قصتها
طبعًا هذي تكون جوزت صالح ولدي
سالمه:من الصدمة لعند عيطت بصوت عالي وتبكي انا ياصالح ادير فيا هكِ نهاية العمر تجيب عليا ضره ياصالح اخخخخ ياقلبي
صالح:منزل راسه ومش قادر يبرر شن يبي يقول وشن يبي يبرر وهوا المصيبه اللي دايرها تحشمم وماتنحكش 💔
الحاج هارون:سعاد ح تعيش هنا هيا وولدها وبنتها يلي يكونوا ولاد صالح واحفادي انا ومانبيش اي حد يعارض او يناقش واي حد مش عاجبه كلامي وقراري هذا الباب ويطلع مربوحه
الحاجه سليمه:فهمنا بلحاج كيف تجينا مره وحده وتقوللنا ان هذي مرا صالح صالح يلي يكون ولدي انا نبي نفهم وسالمه حقها ان تفهم
الحاج هارون:اكيد ح تفهموا كل شيء بس اللي ح يفهمك هوا صالح
سالمه:انا مش قادره كيف تجي عليا ضره كيف انا سالمه سالمه الي ينضرب بيها المثل انا سالمه اللي مافيش حد كيفها تجي عليها ضره شن بتقول عليا الناس وصحباتي توا يبدن هازيات عليا ويحكن عليا في التجمعات ويشمتن
*طبعاً سالمه مغروره وتحب كل شيء ليها ولاعيالها ومتكبره لوطه مانحقوا في والي😂😂المهم وهيا اللي قاهرها في الموضوع ان ماتبيش صحباتها ع اساس يتشمتن فيها وأصلا الصاحب الصح مايتشمتش في صاحبه المهم نردو لروايتنا انا كان بديت نحكي معاش نسكت🥲💔*
صالح:وانتي كل الي يهمك صحباتك والناس صح استغفر الله وخلاص😩
الحاج هارون:قمعزوا كلكم وتوا صالح يحكي القصه كلها من البدايه لعند النهايه وانتي يابنتي ياسعاد قمعزي تريحي

قمعزت سعاد ع الكنبه بكل ثقه بس الثقه هذي وراها خوف كبير خوف مالي قلبها خوف من اللي ح تشوفا وتعانيه في القصر هيا وعيالها 💔🔥

الحاج هارون:احكي ياسعاد انتي قصتك بدل صالح لان ولدي جبان مش قادر يواجه الحقيقه
صالح:شاف لاباته وشاف لسالمه وتنهد
سعاد:بدت تسرد في قصتها او بي الاحرى مئساتها اللي عانت منها كل هالسنين وكل كلمه تطلع منها كانت ترد في ل23 سنه لورا😣💔

فلاش باك🎬

- قبل 23 سنه كانت سعاد في بداية شبابها فِ العمر22جميله ذات شعر فاتن طويل لامع اشقر ذات عيانن فتنتان خضروتان وبيضا جسمها ك صفاء الحليب وجسم رفيع ممشوق وطويلة القامه ❤️
طبعًا سعاد من عائله عاديه جدًا كانت هيا وحيددت امها وبوها في يوم كانت سعاد طالعه من العمل وكان وقت متئخرطبعًا سعاد بحكم ان اهلها حالتهم المديه عاديه جدا فَ اضطرت تشتغل باش تحصل مصروف وتصرف ع اهلها المهم وهيا مروحا مالقتش تاكسي يوصلها بحكم ان الوقت ليل ومن الصعب تحصل موصلاات وهيا مروحا ع رجليها وكَانت الطريق طويله ومتعبه وفي نفس اللحظه كان صالح طالع من عند جماعته وكان شارب لدرجة مش قادر حتى يشوف قدامه وبس الشيء الوحيد اللي خلاه يركز في الطريق هوا جسم سعاد الفاتن المغري خلاه يبطء من سرعة السياره ويفصل فيها من لوطه احد فوق وسعاد ماكنتش منتبه لوجوده لانها كانت خايفه وتبي توصل بي اسرع وقت ممكن لحوشهم في الشيء اللي خلا سعاد تفطن هوا صوت صالح لما قاللها الجمال هذا ولا اخره في نص الليل 😍
سعاد:التفتت عليه بخوف اول ماسمعت صوته لان حست ان صوته مش صوت واحد واعي او فاطن لان كان صوته مرخييي وهذا دليل ع ان شارب
وسرعان مااسرعت سعاد بخطواتها متوجه لبيتهم بمجرد ماشافت شكله المتبهدل اللي واضح منه ان هوا شخص شارب
صالح:تي خيرا السمح هذا تبي توصيله خليني توصلك اكيد رجليك وجعوك من المشي والوقت متئخر شن رايك ناخذك لي شقتي قريبه من هنا😉
سعاد:خيرك انت شن فيك
صالح درس السياره ونزللها ومسكه من عند مرفقها لا ماخيرنيش بس لفتني نظري وانا الشيء اللي يلفت نظري مانطلقش لعند نملات نظري كله بيه
ساعد خافت وبدت ادف فيه بلقوه وهوا حط يده ع خصرها ولفها وقرب ع وذنها ماتخافيش مش ح نئدبك بس نديروا شيء ع السريع في شقتي وانا توصلك بعدها وقامه وسعاد كانت تبي تصرخ بس ماقدرتش لان كان حاط بدا ع فمها وضاغط علي يدها من شده الالم نزلوا دموعها ع يده صالح له له ليش البكا صدقيني ح يعجبك الجو اول ماحطها في السياره بدا تصرخ وتخبط وهوا يهزب اي صكري فمك خيرك انتي تبي تفضحينا وعطاها كف وطلع مسدس من القجر ووجه لها كلمه وحده منك بس نقتلك فهمتي وهيا هبله خافت وسكتت سلمت شرفها ع حساب انها تعيش بس شنو تعيش بدون شرف وصل بيها للشقه وخذا اللي يبيه منها وحذفها عند الباب وصكر الباب عليها كانت سعاد تبكي من شدة الالم هيا خلاص انكسرت خصرت اغلى شيء عندها وندمت انها اختارت حياتها ع حساب شرفها بس شنو ينفع الندم توا فات الاوان لمت باقي جسمها وطلعت بحيل مهدود تفكر شن ح يصير فيها وشن ح تقول لهلها نزلت من دروج العماره وطلعت لشارع وفي تفس اللحظه طلع صالح وراها لان كان يبي يعرف وين تسكن عشان يراقبها ويستغلاها مرا كم دقيقه وصالح يراقب فيها وصلت سعاد لبيتهم وكان عادي جدا ويدل ع انهم ناس فقراء رد صالح لشقته كمل باقي نومه وبعد كم شهر وهوا يراقب في سعاد في يوم سمع صوت عالي وضرب طالع من حوش اهلها و فجأه. ........
شن تتوقعوا يصير في سعاد وسالمه شن باقي قصتها

طبعاً الابطال لعند توا مزلت ما بديت في قصتهم لان انا حابه الروايه تكون طويله ومعبره وتحكي ع كل شخصيه وبطل هيا دعمكم ومزال في احداث احلى واحلى بعد ماتبدا قصة الحب اللي في الروايه اللي ح يعيشوها كل ابطالنا ❤️❤️❤️❤️❤️

نتلاقواا في الحلقه الجايه دمتم في حفظ الله❤️