رفيق العمر ❤️

الحلقة الثالثة

# رفيق_العمر

#الحلقة_الثالثه

الكاتبة بيسان أحمد 💎

ريان:شوف قدامك هنا نشالله😡
نورالدين:تي انتي اللي خبطتي فيا را 😠
ريان:خلاص فوتني انت الثاني وجت بتمشي ومسكها نورالدين من يدها برمها شورا
ريان:مش عارفه ليش اسكيت وصرحت في عيونه بعدها فطنت لروحي كنك شن فيه
نورالدين:نبي نعرف خيرك متعصبه من اللي معصبك
ريان:هوا شيء يهمك عشان تبي تعرف😒
نورالدين:اكيد يهمني لان انتي اللي ديما تعصبي في الناس توا هما اللي معصبينك وضحك بانت غمزته 😂
ريان:شفت غمازته صرحت فيها وقلبي بيطلع من مكانه  فكيت يدي منه ومشيت بسرعه قبل مانضعف قدامه ونفضح روحي ومشيت ورا الحوش ع الحوض مكاني انا ونايا لما نتضايقوا❤️💔
نورالدين:خيرها توا زعما زعلت مني عشان قلتلها هكِ تي خيرني انا امتا عمري فكرت في مشاعر بنت لا عيب هذي بنت عمك مهما كان مش كيف اي بنت اي انا نهبلت قاعد ندوي مع روحي نخش نكسد ع جدتي خير😂
.
.
.

عند روان بعد خشت للمطبخ شافت ناصف ارتبكت لان عمرها ماقعدت معاه في نفس المكان بروحهم وخاصتنا ناصف عصبي وحشومي ومايحبش البنات خذت نفس وخشت وقلبها سابقها ❤️
روان:السلام عليكم
ناصف:التفت وعليكم السلام وكان يدور ع القهوه
روان:اااااء في شنو ادور نقدر نساعدك
ناصف:وللهِ ندور في القهوه عندي شغل نبي نكمله بس ماتعبي روحك توا ندير بروحي
روان:لا عادي مافيهاش تعب أصلًا كنت نازله بندير قهوه لنايا😊
ناصف:تمام بس خيرها نايا
روان:لا عندها امتحان وراسها يوجع فيها قلت نديرلها
ناصف:باهِ بارك الله فيك مش مخليتها بروحها لان نايا وحيده
روان:ولو نايا وخيتي وقدمت حطت الميه ع الغاز ودير في القهوه بكل حب لناصف ❤️❤️
وكملوا حديثهم ع العمل والقرايه وكانت روان بطير من الفرحه لان ناصف لي اول مره يفتح معاها حديث ويكون بروحهم ❤️

.
.
.

عند نايا كملت دوش وطلعت لبست ولفت شعرها وجلست ع سريرها
نايا:اووفف منك ياعلاء ليش ادير فيا هك ليش بس 😔
انا لازم نركز في امتحاني توا لازم نسترخي عشان نعرف نقرا السنه شهاده ولازم نجيب نسبه كويسه ونخش طب ونحقق حلمي ❤️

خذت شهيق وزفير وفتحت كتباتها وبدت تقرا
.
.
.
عند ابتهاج خشت غ الفيس وبحثت ع ايميل علاء بي العربي والانجليزي وطلعلها بي العربي وشافت ان في صديق مشترك بينهم وهوا نايا
دارتله اد وهيا بطير من الفرحه من ناحيت ان ح تخرب ع نايا ومن ناحيه ثانيه ان طرف وح تحاول اطيحه وتخليه لها
(طبعاً اكيد فِ وحدات ح يقولن معقوله فِ بنات عم بِ الحقد هذا نحب نقولكم اها فِ اكيد انا شخصيًا بنات عمي هكِ وشر ديما حط الحظر من قريبك قبل البراني في مثل يقول ان الاقارب عقارب يلا خلينا نردوا لروايتنا طولت عليكم اسفه❤️)
سهى:توا شن تبيه فيه هذا علاء اللي قلتيه يقعد حبيب نايا
ابتهاج: توا تشوفي شن نبي فيه الصبر بس😏
سهى:ريتي يما يطلع منها هل نايا طلعت تحب ونحنا نقولوا عليها مسكينه
ابتهاج:الساكت ناكت مقيوله توا خليني في علاء وشن نبي نقوله
سهى:يما منك انتي وافكارك الشيطانيه تخوفي 😂
ابتهاج:ههههههه مزلتي ماعرفتيني😏
سهى:قالت فِ سرها انا اللي نعرفك يستر الله منك🔥
.
.
.
نرودا لروان وناصف❤️
روان كملت لقهوه ودارت كيك توفي وجوز الهند والقشطه (طبعًا انا الكيك هذا نموت فيه يابنات القشطه اضافه مني انا لمستي الخاصه فِ الكيك لان كل شيء نديرا ضروري نضيف عليه لمستي الخاصه او السحريه 😂❤️) وعطت ناصف الفنجان القهوة ومعاه طرف كيك وخذت صفره لنايا وجت بتطلع ولتفت ع ناصف
روان:اءءءء تبي شيء ناصف قبل مانطلع😊
ناصف:لاشكراً روان تعبتك معايا
روان:ولو هيا باي😊
ناصف:بِ ابتسامه باي❤️
ناصف(ليش نحس فِ شيء غريب كائني اول مره نشوفها و اول مره نحكي معاه ليش حسيت بقلبي رف لما ابتسمت ونطقت اسمي بكل لطافه ❤️اخخخخ شن نقول انا خلني نطلع نكمل شغلي)
.
.
.

ماتقولش قصيره نبي دعم ياانتوا ياريت تعطوني رايكم في التعليقات عشان نكمل كتابتها❤️