احببت بلطجي

الجزء 14.. تكمله

وقفنا المره اللي فاتت لما مريم كانت بتحكي لمحمد علي اللي حصل معاها في الكليه
مريم: بعد مخلصت الامتحان وطلعت كنت فرحانه وبظقطط والبت اللي ورايا كانت بتغلي ومولعه في نفسها عشان كانت عايزاني اغششها بس علي مين الغش حرام المهم البت دي كانت ناويه تعمل معايا مشكله بس بصتلها حته بصه خليتها ولعت اكتر اصل انا في المكايده مفيش زيي خالص المهم لقيت الراجل ده جايلي بيقولي: عملتي اي في الامتحان
فقولتله: الحمد لله حليت حلو
لقيته بيقولي: انا عايزك بقي في خدمه قصاد اللي عملتهالك
فقولتله: اي اؤمرني بس يا اخويا مش عارفه لي الناس ضميرها بقي كده بس يلا مش مهم قول
قالي: انا هنقلك في كليه احلي من الكليه بتاعتك دي وهخليكي تدربي في مستشفى احلي ميه مره من المستشفى اللي انتي فيها وهخلي اسمك يتردد في مصر كلها وتتشهري
روحت قيلاله: انا شمه ريحه رشا بس مش عارفه انا صح ولا اي
قالي: مين رشا دي
قولتله: رشوه يعني
قالي: ولا رشا ولا حاجه انا بس حبيتك وحبيت اساعدك بس طبعا ده مقابل انك تعمليلي خدمه صغننه
قولتله: اي هيا بقي
قالي: في واحد اسمه ****مريض في المستشفي اللي بتدربي فيها عنده سرطان في المخ عايزين نحطله في المحلول بتاعه الحقنه دي
قولتله: حقنه اي دي
قالي: دي حقنه هتذود السرطان اللي عنده وتخليه يموت ويرتاح
انا اتصدمت ومكنتش عارفه ارد بأيه قولتله ده اصلا مش المجال بتاعي انا قسم جراحه وقسم المخ ده مش تبعي عن اذنك
وجيت اسيبه وامشي لقيته مسك ايدي وقالي انتي لو مسمعتيش كلامي هتندمي جدا
قولتله: اي ده بصدمه كده عارف انت لما تكون شوفت حاجه صدمتك فتقول او ماي جاد انا بقي قولت اي ده
قالي: اي في اي
قولتله: شامه ريحه تهديد بس شكلك متعرفنيش انا مريم والاجر علي الله واللي يقولي كلمه متعجبنيش اقوله قصيده تمسح بكرامته الارض اذا كنت انت يا باشا كبير فاحنا كبير مش قليلين احترم نفسك واقف معدول كده واظبط كلامك مش انا اللي اشارك في قتل واحد بريء وروحت بصاله حته بصه بمعني يلا يحقير وسيبته ومشيت وفضلت اغني طب ليه بيداري كده ولا اهو داري كده ولا اهو ده وبس كده روحت وقولت لبابا وفضل يقولي شاطره ومتخافيش وكده وتوكلي علي الله
هنا تذكرت مريم والدها ونزلت عبره من عينيها فمسحتها بسرعه
محمد لاحظ وقالها قوليلي بقي عملتي اي مع ام فاروق
مريم بضحك:اما كان يوم عالمي بعد ما الوليه راحت قالت علينا كده امي ندهت عليها من البلكونه عشان هيا سكنه قدامنا ففضلت امي تشتمها وهي ترد فانا معجبنيش الموضوع روحت مسخنه امي لحد منزلت الشارع وضربتها جامدوانا وقفت في البلكونه اصفر واشجع امي واقولها تسلم ايدك يحجه فانا كنت عايزه انزل اضرب الوليه مع امي بس لقيت ابويا لسه صاخي من النوم روحت مسخناه علي الوليه راح نازل يحوش في الخناقه انا طبعا مش حبيت كده روحت نازله للوليه فضلت اضرب فيها وابويا يحوشني وانا اعمل زي عادل امام واقول متحوشنيش سبوني عليها الوليه دي وضربتها وبعد مطلعنا البيت وكل حاجه خلصت روحت طلعت البلكونه وفضلت اطلعلها لساني واقولها ءاءاءا احنا اللي كسبنا.....وبس تاني يوم عديت علي بنتها عشان نروح الكليه مع بعض
محمد:وبنتها مش زعلت منك
مريم:تزعل مين يابا صلي علي النبي كده دانا مريم دي لو كانت زعلت كنت فتحتلها دماغها عشان تحرم تقول الكلمه دي تاني بس اصلا احنا واخدين علي كده قبل كده كنت طالعه من المحاضره مدايقه وجعانه روحت ماسكه ايدها وعضاها....عادي يسطا فكك
محمد:مريم انا عاوز اقولك حاجه بس ياريت متفهمنيش غلط
مريم:بالله عليك تسيبني امثل الحوار ده عشان حافظه المشهد ده
محمد بتعجب:قولي
مريم:انت مريم عاوز اقولك حاجه
انا:اتفضل يابو الصحاب ولا يهمك
انت:مريم انا انا بصي انا ان انا بحبك
انا:oh la la ايده محمد اي اللي انت بتقوله ده انا مكنتش مستعديه لكده ومكنتش عامله حسابي انت فجاتني بجد
اي رايك.
محمد لن يستطيع تمالك نفسه من الضحك علي تعابير وجهها وقال:يؤسفني اقولك انك فهمتيني غلط خالص انا كان قصدي اقولك انك تافهه ومفتريه في نفس الوقت
ضحكت مريم وقالت: عارف انا مش هشتمك لي
محمد:لي يا اخره صبري
مريم:عشان صدقت والله ما كذبت (بصوت محمد هنيدي في فيلم يا انا يا خالتي)
محمد: انا هطلع بقي عايزه حاجه
مسكت فيه وقالتله:بالله ماتسيبني يا محمد انا محتجاك جدا معايا انا بقيت بخاف اقعد لوحدي
محمد وافق علي انه يقعد معاها وقضو اليل كلو في ضحك وهزار لحد مانامو وهما بيتكلمو
في الجانب الاخر من الشقه كانت ام مريم جالسه حزينه علي فراق زوجها وكانت لا تهتم بمريم ولا بمحمد وكانت حامله صوره لزوجها الراحل وظلت تبكي وهي تحدثه (وبما اني رخمه مش هقلوكو قالتله اي 😂عشان دي اسرار ناس متجوزه مينفعش احنا نعرفها 😂😂)
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ