Game of Love Retold

Chapter 7

Chapter 7

JUST RIGHT IN the moment na bibitaw na si Jin sa kinakapitan niyang damo ay may biglaang humawak sa kamay niya. She tried to look at the person who is helping her pero madilim para mamukhaan niya ito. Pinilit siya nitong iakyat mula doon kahit na halatang hirap ito at nang maka-alis siya doon ay nakita niya na it was Zeke who saved her.

"Zeke! Thank you!" she said and hugged him. She was too scared a while ago dahil akala niya ay walang tutulong sa kanya doon but he came just the moment when she really needed him.

"Jin, I'm glad you're safe," with relief na sinabi nito.

Nang bumitiw siya sa pagkakayakap dito ay nakita niya na napahawak na lang si Zeke sa dibdib nito at halatang hirap makahinga.

"Zeke, anong nangyayari sa'yo?" nagpapanic na tanong niya witnessing Zeke na nagkakagano'n. That was the very first time na nakita niyang gano'n si Zeke.

"Jin... my heart."

Lalong nagpanic si Jin dahil sa narinig. Para kasi itong hinihingal at hirap na hirap na makahinga. And now, she couldn't think of any other way to help him but to shout.

"Help! Somebody, tulungan niyo kami!" sigaw niya. "Zeke, promise me you'll be okay. Hihingi ako ng tulong and I will get us out of here."

NAKAUPO SI JIN sa kama habang hawak hawak ang kamay ni Zeke. Nasa kuwarto ito at nagpapahinga. Nandoon din ang mommy nito at ang doktor na tumitingin dito.

Matapos nang nangyari sa camping site ay dinala ito sa ospital para matingnan at ngayon ay pinayagan na sa bahay na nito ipagpatuloy ang pagpapahinga.

"He needs some rest and still take his medications. Hindi rin siya puwedeng ma-stress lalo na sa condition ng heart niya," pagpapaalala ng doktor.

"Thanks, doc," sabi ng mommy ni Zeke sa doktor at sinamahan ito palabas.

Nang bumalik ang mommy ni Zeke ay tinabihan nito si Jin. Parehas silang nakatingin kay Zeke nang magsalita ito.

"May congenital heart problem si Zeke. Nang ipanganak ko siya, we thought we would lose him but thank God, nagawan ng paraan," pagkukuwento ng mommy nito.

"Pero bakit hindi niya nabanggit sa'kin 'to, tita? Ngayon ko lang nalaman ang tungkol dito,"

"Zeke wants to act cool and tough pero sa totoo lang, delicate ang condition niya. Maybe he doesn't want you to worry about him kaya mas pinili niya na h'wag na lang sabihin sa'yo. I'm so glad, you are there for him, Jin... lalong lalo na ngayon na kailangan ka niya. Alam ko na nagkahiwalay kayo and I'm very happy na malaman na nagkabalikan na pala ulit kayo. There is no reason now para magka-heart break pa ulit ang anak ko. Please, take care of his heart," pakiusap ng mommy ni Zeke sa kanya.

Natahimik siya. Now she is feeling guilty. Matapos nang nangyari sa camping site, sa naging pag-amin nilang dalawa ni Gab sa tunay na nararamdaman, pakiramdam niya ay maling mali ang nangyari noong gabing iyon. But why does something so wrong feels so right? Pero ngayon, she is torn lalo na nang malaman niya ang condition ni Zeke.

Tinitigan niya ng mabuti si Zeke. I owe you my life, Zeke. If it wasn't for you, hindi ko na alam kung nasaan ako ngayon. I will be here for you as long as you need me.

Mas hinigpitan ni Jin ang pagkakahawak sa kamay ni Zeke. Nagising ito and as soon as he saw her, he smiled sweetly.

"Jin, I love you."

Tumango lang siya at nginitian ito pabalik.

HAWAK HAWAK NI Gab ang electric guitar at sinusubukang tumugtog pero wala talaga siya sa mood para gawin iyon. Hindi pa rin siya mapakali na he wasn't able to explain to Jin what happened that night at alam niya na na-misinterpret nito ang nakita. Hindi niya ginusto iyon at nabigla lang rin siya sa ginawa ni Mika sa kanya.