دخلت غرفتها وهي ماسكه كوب بابونج تحتاج تهدي اعصابها بعد أسبوع منهك شغلت اضاءه خافته وشغلت موسيقى الجاز واشعلت شمعه هادئة وصلت لأرفف كتبها وهي تختار الكتاب اللي سينال نصيبه من هذا اليوم ووقع الاختيار لكتاب (حديث المساء).
صوره الكتاب حرفيا يستاهل القراءه👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وقبل ما تبحر بعالمها أزعجها رنين هاتفها من سيتصل فيها في هذه الاثناء؟ التقطت هاتفها من أحد الطاولات الجانبية للسرير او كما تدعى (كوميدينه) طبعا من سيتصل اليها غير صديقتها ميثه
ميثه: شموخ أدري قاطعت عالمج الهادئ بس جد ضروري.
شموخ: احمدي ربج م بديت ولا شياطيني بتسفل فيج
ميثه: الحمدالله انهم هاديين المهم بطرش لج مخورتين (لبس تراثي اماراتي) أي وحده البس تعرفين باجر الجمعة ولازم اكشخ بدر بيجوفني
شموخ: هذا بدر ما سوا لنا خير يوم خطبج!! ابتلينا فيج والله
!!ميثه: حرام عليج ما تبيني(تبغييني) اطلع حلوه جدامه ولا تبينه يشرد عني
شموخ: لا دخيلج خل إييي(يجي) ياخذج ويفكنا منج يوم الهنا بصراحة
ميثه: مب من قلبج اعرف المهم جوفي طرشتها سناب وصح باجر بنروح بيت يدي يعني كرفف من خاطر(كرف لانه اكيد بيكون في خطار فصبي، حطي، سوي ، تعالي، سلمي..... )وشي فعاليات(خطار =زائرين )
شموخ وهي تتطالع المخورات وحده خضرا فيها نقش خفيف والثانية سماويه او تركواز شوي ربشه (حشره او فيها شغل وايد)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
