شفتك حروف الحُب مكتوبة قصيد

البارت الرابع(4)

البارت (4)

📍في ميلس (مجلس) بيت ابو احمد 

9:00ص

ميثه تبخر الميلس وتساعد  امها بترتيبه 

ميثه: اميه الحين منو بييي(بيجي)؟

ام احمد: يعني لازم  نرتب البيت  ونبخره عشان  حد ايي(يجي) ؟(جمله الامهات الشهيره🤣😅)

ام احمد: روحي فوق الحين خلي المدخن وروحي اكشخي لبسي لج شي حلو

ميثه: اميه اكيد بلبس شي حلو اليوم الجمعه بس منو ياي الحين

ام احمد: قولي ان شاءالله  واسمعي الرمسه(الكلام) وروحي بلا اسئله زايده!

ميثه بأستغراب : زين بعده وقت الساعه 9 

ام احمد: زين روحي فوق ولا تنزلين 

ميثه : اميه ليش بقعد شوي 

ام احمد بصراخ: ميثهههههههههههههه

ميثه تصعد وهي تتحلطم : زين اوكي 

📍عند شموخ ويوسف

يوسف ساكت

شموخ تكمل:  قبل كل شي لا تحاتي ترا انت اخوي ومستحيل أأذيك او اني اخبر عليك بالعكس بس مستحيل اشوفك تسوي الغلط  و اسكت عنه ..

يوسف  انت م قدرت ثقه يدي ويدوه يوم دخلوك بيتهم وهي واثقين فيك  واثقين ان انت حفيدهم  وتربيتهم ..م فكرت بعمي وعموه شو بيصير فيهم لو دروا فيك 

م فكرت بنتيجه ها الفعل يمكن خالي مانع و خالي محمد يتضاربون وم يرمسون بعضض عشان جواهر اللي الكل يعرف انها لك 

خالي محمد عطاك بنته هو واثق فيك وهو يعتبرك عمر ويحبك ويعتبرك ولده

خلهم كلهم ع صوب م فكرت بجواهر نفسها  وهي من وهي صغيره تترياك  والحين بعد كل ها السنين تخيب ضنها 

صدقني جواهر لو تشوفك تسوي الغلط بعينها م تصدق واثقه فيك  وايد وفوق كل هذا اللي سويته م يرضي ربي اساسا 

يوسف ترا الكل ملاحظ انك متغير على جواهر من سنه تقريبا وين اللي كان يحن ع يدي وخالي محمد وابوك عشان بس يجدمون(يقدمون)موعد الملجه  ترا اذا م تبغيها قول ليش تعلقها فيك اكثر......

يوسف وهو يقاطع شموخ: لا ابغيها اكيدد

شموخ: دام انك صدق تبغيها روح كلم يدي وخالي محمد وخالي مانع شو تتريا

يوسف:م اتريا شي بس الحين صعب 

شموخ: من صدقك يوسف الحين صعب انت من خلصت الثناويه وانت قاعد الهم يلا متى تزوجوني جواهر لوعت بجبدنا هاك الوقت والحين يوم صرت جاهز وتشتغل وعندك شقه  يوسف تراك متغير وايد وم صرت يوسف اللي جواهر بعيونه انا يمكن كلامي يضايقك بس ترا انت اخوي وجواهر واخني واكثر ولا ارضى عليكم يمكن تقولها هاي شدخلها او شو تبا مني الحين او حتى تقول جواهر هي اللي خبرتني ارمسك