شفتك حروف الحُب مكتوبة قصيد

البارت الثامن(8)

قايز ممكن تسوون فوت او تضغطون ع النجمه ⭐🙃

البارت (8)

📍في بيت اليد عبدالله عند شموخ 

بعد م دشت شموخ قعدت شوي بالصاله بعدها خذت دبه ماي و فونها وجرج(شحن) وايقت(اتطل) من الدريشه م شاقته موجود !حمدت ربها 

طلعت بسرعه وهي تروح صوب ملحق ابوها طار النوم من عينها بسبته م توقعت انها بتشوفه اساسا نسته!!..

م درت عن اللي قاعد ع الدري (الدرج) صوب المطبخ ويطالعها وهي تروح صوب ملحق ابوها 

دشت ولحقها بدون م تنتبه له اصلا م كانت معاه ابدااا !

دشت على طول لغرفه امها ابوها وقعدت ع الارض ووراها ع طول الشبريه فكانت متسانده عليها 

الباب كان موايب شوي(اوكي موايب يعني مب مسكر كامل شوي مفتوح) فاللي بالصاله يقدر يشوف شموخ بس شموخ م تروم تشوفه

فكان قاعد بالصاله بالضبط جدام الغرفه وهو يطالعها 

قعدت وهي مصدومه من الاحداث اللي تصير ورا بعض م تلحق تستوعب شي الا يطلع لها شي ثاني

تلاقيها منو شو!! يوم عرفت ان عمر اخوها بعد 23 سنه ولا دخولها ملحقهم واسترجاعها لذكريات امها وابوها معاها ! ولا رجوع صقر المفاجئ!!

بطلت الها بيبان مسكره وانفتح الها جرح كان شبه ملتئم !!!

ابدا م كانت مستعده لشوفته اساسا نسته بعد موت امها وايوها راححح من حياتهاا!

م راح كليا ولا نسته بمعنى اصح بس حاولت تتناساه لين تعودت انه م يطري ع بالها 

بطلت شعرها تحس بصداع  فظييييع

صقر يطالعها مب مصدق انها لين الحين محافظه ع شعرها الطويل توقع انها بكبرها تغيرت مع شخصيتها 

ابتسم وهو يتخيل لو انها تدري بس انه يطالعها احتمال تبط عينه بأظافرها ...

حافظ ها الملحق  مثل اسمه اصلا م كان يعتبره صاحب هذا الملحق الا ولده!

شافها نشت وتتحرك بالغرفه خاف ان تطلع وتشوفه اذا قبل 4 سنين لو فكر بس يسوي ها الحركه بتييب فيه العيد

والحين شو بتسوي فيه بعد م شاف  نظره الاشمئزاز منها ...

رجعت قعدت ع الشبريه شاف بأيدها دبه الماي عرف انها نشت عشانها متعود وين م شموخ رايحه دبه الماي وياها دوممم لازم يكون عندها دبه ماي 

شربت شوي وماي وخذت بندول نايت م تبا تقعد و تفكر واسهل شي انها تنام شوي 

توقع حركتها الثانيه اذا سوتها فهي شموخ اللي يعرفها وم تغير منها الا شوي...

حطت شموخ المخدات العكس بدال م تنام عادي صوب (الهيد بورد) وانسدحت بتنام

ابتسم كان متوقع ها الحركه من يوم هي صغيره تسويها دومم