နာကျင်စရာအတိတ်ဆိုတာ လူတိုင်းမှာရှိတာပဲ ၊ စောင့်ထိန်းရမယ့်ကတိတွေ ၊ ဖုံးကွယ်ရမယ့်ကိစ္စတွေ ၊ အပြုံးတုတွေလှိုင်လှိုင်သုံးပြီး မငိုမိအောင် တင်းခံထားရတဲ့နေ့ရက်တွေ....
●●●●●●●●●●●●●●●●●●
"ကျုံးရန်မင်းဆက်ရဲ့အမွေအနှစ်ပဲ ၊ မပျောက်ပျက်အောင် ထိန်းသိမ်းဖို့ မင်းမှာ တာဝန်ရှိတယ်"
စောင့်ထိန်းရမယ့်ကတိတစ်ခုက သိပ်တန်ဖိုးကြီးပါတယ် ၊ သူ့ဘဝမှာ အဖိုးတန်တာဆိုလို့ မြူတစ်မှုန်တောင် မကျန်တော့တဲ့အထိ ဆွဲထုတ်ခံခဲ့ရတယ် ။
"သိပ်တော့ အခြေအနေမဟန်ဘူး ၊ သူတို့ဘက်ကလည်း အသည်းအသန်ကို လိုက်ရှာနေတာ"
"အနှေးနဲ့အမြန် တွေ့သွားမှာပဲဆိုပေမယ့် ဒီတစ်ခါတော့ ငါရင်ဆိုင်လိုက်တော့မယ်"
"ဖြစ်ပါ့မလားရိပေါ် ၊ ဒီကောင်တွေက ရူးနေကြတာနော် ပိုက်ဆံရဖို့ဆို ဘာမဆို လုပ်ကြမယ့်ကောင်တွေပဲ
ထိပ်သီးပိုင်းတွေကလည်း ဒီဟာကို လိုချင်နေကြတာ"
နှုတ်ခမ်းဖျားကနေ ခပ်ဖျော့ဖျော့ထွက်လာတဲ့ စီးကရက်ငွေ့တွေက သူ့ကို အနည်းငယ်တော့ စိတ်ထွက်ပေါက်ပေးတယ်ဆိုရမှာပဲ ၊ ထမ်းထားရတဲ့ ဝန်ထုပ်ကြီးကို မလျှော့ချပေးနိုင်ပေမယ့် သူ့ကို အသက်ရှုလို့တော့ ရစေပါတယ် ။
"ဝေး...နစ်ကီ ပြန်လာစမ်း မင်း..."
လမ်းတစ်လျှောက်လုံး ခေါင်းငိုက်စိုက်ချပြီး ပြန်လာတဲ့သူ့ကို ထိုအသံပိုင်ရှင်ကပဲ ခေါင်းမော့အောင် လုပ်နိုင်တယ် ၊ အဖြူရောင်စုတ်ဖွားခွေးလေးကို လိုက်ဖမ်းရင်း ပျော်နေတတ်တဲ့ အဲ့ဒီကောင်လေး...။ တစ်နေ့တာလုံးကို ကြည်လင်သွားစေတဲ့ အကြည်ဓါတ်လေး...။
"ဟော အကိုပြန်လာပြီ"
ပြုံးပြလာတဲ့ကောင်လေးကို ခပ်တင်းတင်းပဲကြည့်ရင်း အိမ်ထဲကို သူ မြန်မြန်ဝင်လာခဲ့တယ် ၊ တံခါးရွက်ကိုပိတ်ပြီးတဲ့နောက်မှာ မခိုင်တော့တဲ့ခြေအစုံကြောင့် သူ့မှာ အပြိုပြိုအလဲလဲရယ် ။
ခေါင်းကုတ်ရင်း သူ့အိမ်ဘက်ကို လှမ်းကြည့်နေတဲ့ ကောင်လေးရဲ့ရေရွတ်သံကို ပြတင်းပေါက်ကနေ ခိုးကြည့်ပြီး ပါးစပ်ဖျားလှုပ်ပုံကိုကြည့်လို့ သူ ခန့်မှန်းတယ် ။
"ငါ့ကို တော်တော်အမြင်မကြည်ပုံပဲ"
တဒိတ်ဒိတ်ခုန်နေတဲ့နှလုံးသားကို ဆွဲထုတ်ပြီး ကောင်လေးကို ပြချင်မိပါတယ် ။
ရင်ခုန်သံတွေဆူညံဝုန်းဒိုင်းကြဲနေတာကို ကောင်လေးသိသွားမှာ သူသိပ်စိုးရိမ်ကြောင်း ဘယ်သူ့ဆီကတစ်ဆင့် သတင်းစကားပါးရပါ့မလဲ...
အမြဲပိတ်ထားတဲ့ သူ့ရဲ့နှလုံးသားမှာ အလင်းရောင်ဆိုလို့ အဖြူရောင်ဒေစီပန်းကလေးသာ ရှိခဲ့ပါတယ် ။
●●●●●●●●●●●●●●●●●●
YOU ARE READING
Take A Chance On Me
Fanfiction"ဝေး အကိုကြီး....ခင်ဗျား ကျွန်တော့်အပေါ် မြန်မြန်အခွင့်အရေးမယူရင် ကျွန်တော် တခြားသူကိုပဲ ပေးလိုက်တော့မယ် "
