မွေးကတည်းက သခင်လေးတစ်ပါးလို စောင့်ရှောက်ခံရပြီး ကြီးပြင်းလာရတဲ့အထဲမှာ သူ ပါခဲ့တယ် ။
"ကြည့်ပါဦး ကျန့်ကျန့်က ချစ်စရာကောင်းလိုက်တာ ၊ မား အချစ်ဆုံးလေး"
တစ်ဦးတည်းသောသားမို့ သည်းသည်းလှုပ်တဲ့ အမေ ၊
"ပါး သားကြီးကွ ၊ သား ကြိုက်တာလုပ်စမ်း ၊ ပါးတစ်ယောက်လုံး သားဘက်မှာရှိတယ်"
ဘာပဲလုပ်လုပ် သားဖြစ်သူလုပ်သမျှ ထောက်ခံတဲ့အဖေ ၊
"ကျန့်ကျန့်လေးက လူချောလေး ၊ စာကလည်း တော်လိုက်တာ "
အဖေ့ရဲ့ပိုင်ဆိုင်မှုတွေကြောင့် အမြဲ အလိုလိုက်အကြိုက်ဆောင်ပေးကြတဲ့ ဆွေမျိုးတွေ ...
သူ့ဘဝက ငယ်ငယ်ကတည်းက အဲ့ဒီလိုမျိုး ပြည့်စုံခဲ့တယ် ။
ဆူမယ့်သူမရှိ ၊ အော်မယ့်သူမရှိ ၊ လိုချင်တာကို မရခဲ့ဘူးဆိုတာမရှိ ။
"စက်ဘီးကို ဘယ်လိုစီးနေတာလဲ
ဘရိတ်မမိတာမသိဘူးလား"
ပထမဆုံးပဲ ၊ သူ့ကို အော်လိုက်တဲ့ အဲဒီပုဂ္ဂိုလ်...
စိတ်ဆိုးလို့မဟုတ်ဘဲ စိတ်ပူပြီးအော်လိုက်တဲ့ အဲ့ဒီအသံ...
နားထောင်ကောင်းလွန်းလို့ သူ့နားထဲမှာ စွဲထင်ကျန်ခဲ့ပါသော အဲ့ဒီအသံ...
"ဒီလိုဆို ကျွန်တော်မလိမ္မာချင်တော့ဘူး"
တစ်ဖက်ခြံက မီးခိုးရောင်အရိပ်ရယ်...
ခင်ဗျားအပေါ် ကျွန်တော် အမြဲဆိုးချင်တယ် ။
●●●●●●●●●●●●●●●●●
"ဒီမှာ မြေပေါ်ကျသွားတဲ့ပန်းတွေဆိုပေမယ့် တန်ဖိုးရှိတဲ့ပန်းတွေပါ ၊ ဒီပန်းတွေနဲ့ အကို့ကိုတောင်းပန်ရင်ရော ကျွန်တော့်ကို ခွင့်လွှတ်မလား...."
ပန်းတွေကိုဆွဲယူရင်း ခြေလှမ်းကျယ်တွေနဲ့ ထွက်ခွာသွားတဲ့သူ့မျက်နှာမှာ အရိပ်တစ်ခုကို ငါမြင်လိုက်တယ် ။
အချစ်ရဲ့အရိပ်တဲ့
ငါ့ဘက်ကတော့ ဒီလိုမျိုး နာမည်ပေးခဲ့တယ် ။
"မင်းလည်း လွတ်သွားပြီလား ၊ ကိုယ့်ကို အော်သွားတဲ့ကောင်ကိုများ"
"စိတ်တိုလို့အော်တာမဟုတ်ပါဘူးဆိုနေ"
"မင်းကိုပြောလား စိတ်တိုလို့အော်တာမဟုတ်ပါဘူးလို့"
ဘုကလန့်တွေပြောနေတဲ့ ဝမ်းကွဲအကိုကို ခေါင်းအုံးနဲ့ ရိုက်ထုတ်ပြီး ဟိုဘက်ခြံကို သူ မျှော်ကြည့်လိုက်တယ် ။
ဒီနေ့လည်း အိမ်ထဲမှာပဲနေနေပြန်ပြီထင်တယ်...။
YOU ARE READING
Take A Chance On Me
Fanfiction"ဝေး အကိုကြီး....ခင်ဗျား ကျွန်တော့်အပေါ် မြန်မြန်အခွင့်အရေးမယူရင် ကျွန်တော် တခြားသူကိုပဲ ပေးလိုက်တော့မယ် "
