احببت دخيلتي

البارت الثالث

أفضل شعور هو عندما تلتفت إلى وجهه وتجده يحدق بك

༺نبدي بالبارت ༻
جبل: الموضوع هوه مااعرف شلون اشرحه الج بس اتمنى منج ماتقاطعيني
عسل: اكيد تفضل شيخ
جبل: لازم نزوج
‌عسل: ليش( بتلبك)
جبل: لان ناس صايره تحجي علينه
عسل: مافهمت شنو تحجي
جبل: يكون خالج بالبيت لان عندي علاقه وياج
عسل: بس انا دخيله وكلها تدري ليش يحجون هجي وانا مااريد ازوج وانا من البدايه كتلك وديني للفندق بس انت ماردت وهسه جايلي بعد ماحجوا الناس علي بله شنو لازم ننزوج وانا مالي دخل بالناس وكلامهم مايهمني
جبل: بحده) الناس من تحجي ماتحجي بس عليج جاي تحجي علي وانا شيخ والي قيمتي فلهذا السبب مطره حضرتج تتزوجيني ان رضيتي او لا وها مو عبالج راح اخذج مره الي لا مجرد على الورق وانتي بغرفه وانا بغرفه فهمتي لو اعيد
عسل: فهمت
جبل: عفيه طلعت وعفتها رحت يم الضيوف شوي ونزلت كعدت يم عسل بس اعيونها مورمه ابين باجيه انقهرت بس هاي الشغله مو بيدي المهم راحوا الضيوف والحمدلله هذا المايتسمه ماسوه شي ضلن البنات يلمن انا صعدت فوك بدلت واتمددت ضليت افكر برده فعل عسل اوف ليش هسه انا افكر بيها احاول اطلعها من عقلي ماكو اشوف اول يوم شفتها وشعرها طويل يجنن ولو الضرب على وجها الادري الإنسان يشوها الا هيه مجملها ولوا مشيتها لو نضرتها من تباوع برائه اوف ضليت اتحسر اكتشفت اليوم انا مو بس احب هاي البنيه لا عشقتها ودخلت الكلبي بدون اذن ههه ضليت افكر بيها لحد مانمت

عسل: نزل الشيخ جبل وكعدت ابجي على حضي المصخم ليش هجي ياربي راح اعذب انسان وياي اوف كمت على حيلي رحت للحمام مسحت دموعي ونزلت شفته يباوعلي سويت روحي مامهتمه بس انا كلبي نار 🔥 بسببي را يطر يزوجني وهوه مايحبني اوف كعدت يم رهف المهم راحوا الخطار كعدنه انلم بالمواعين والشيخ صعد لميناهن وغسلتهن جلنار وانا صعدت للغرفه اخذت شاور واتمددت اريد انا ماكو كل بالي يم الشيخ استغفر ربي وارجع وافكر بيه خرب ضليت افكر بشكله شلون هيبه وكلامه الرزن وياي وافكر شنو راح يصير وياي مم ازوجه اوف نمت بال٢ يمكن على الحاله
جبل: كعدت بال ٦ ونص اخذت شاور وبدلت ملابسي ونزلت جوه حضرتلي جلنار الاكل اكلت ورحت للوالده خبرتها عن كل شي وطلعت للشغل خلصت ب رجعت بال١٢ للبيت بدلت ملابسي ونزلت لكيتهم صابين اكلت وانا عيني على عسل مشتاقلها الصبح ماشفتها هسه يله وعينها ماحطتها بعيني ههه المهم خلصنه شربت جاي وصعدت على اساس انام دك علي رقم غريب رديت.............. (خباثه وياكم ماراح اكول منو دك انتضروا البارت واتعرفون السالفه 😜) المهم اذن كعدت بدلت ملابسي لان راح يجون ضيوف صليت ونزلت اجوا فتحت الباب جان تنزل بت كلبي عسل بس الصدمه بعيونها والغضب

وكعدت بال ٩ كمت غسلت واخذت شاور ولبست ملابس وحطيت الشال ونزلت لكيت الكل كاعد (قصدها ام جبل والبنات لان زلم بالشغل) المهم حضرت ريوك الي والرهف لان رهف توها كاعده المهم تريكنه وغسلنه المواعين رحت ساعدتهم بالتنضيف خلصنه رحنه سوينه غده لل١٢ مكملين اجوا الزلم صبينه اكل الكل اكل وخلصنه وانا غسلت المواعين وجلنار سوت جاي ورهف راحت تنضف غرفتها المهم ضلوا يشربون جاي شوي وصاحتلي ام جبل باركتلي وكالت تدري زواج مو حقيقي بس كالت تريد تنصحني شلون اكسبه وانا خجلت المهم ورها صعدت للغرفه افكر بالحجي الحجتها وافكر بجبل ماادري ليش افكر بيه معقوله احبه لا لا مااحبه مجرد توهم حاولت اقنع نفسي هذه الحجي بس كلبي يكول غير يكول اتحبيه وانتي تنكرين واخر شي فاز قلبي وعرفت نفسي احبه بس زعلانه اخاف هوه مايحبني لان يتعامل وياي برود ومرات مسافات اوف اوف ضليت افكر للاذان المغرب مانمت كمت صليت ونزلت جوه جان اشوف صدمه حياتي الخلتني اذكر كل شي جنت ناسيته منو انا وشنو صار ومنو فهد ومنو سرى وكل شي ابالي بعلامه استفهام