احببت دخيلتي

البارت الاول

عسل : كعدت من النوم حسيت راسي كلش ثكيل وكل جسمي ياذيني ولكيت نفسي بغرفه حلوه وبارده مااعرفها وماجاي اذكر اي شي كمت من الفراش اتجهت للباب يم الباب اكو مرايه طويله باوعت النفسي لكيت اكو كدمات بوجهي ( اثار ضرب) وأيدي ملفوفه وراسي طلعت من الغرفه لكيت كدامي درج واسمع اصوات بنات  جوه نزلت جوه سلمت
عسل : السلام عليكم
الكل : وعليكم السلام ورحمه الله وبركاته
ام جبل : صباح الخير حبيبتي
عسل باستغراب : صباح النور
ام جبل : تعاي اصبلج ريوك
عسل : شكرا مااشتهي
ام جبل : ليش يمه لازم تأكلين
عسل : لا ماشتهي خاله شكرا بس عادي أسأل سؤال
ام جبل: تفضلي عمري
عسل : زاد فضلج بس انتم منو وانا شسوي هنا
ام جبل : حبيبتي انتي دخيله الشيخ جبل
عسل : شنو و منو هذا شيخ جبل
ام جبل : ابني لكاج اتنزفين قريب من البيت اخذج للمستشفى وكالوا متعرضه للعنف وبعدين جابج هنا
عسل : زين ليش ما اذكر شي أنا
ام جبل : لأن انضربتي ضربه قويه برأسج  وفقدتي الذاكره
عسل : هاااا لعد وين الشيخ جبل
الشيخ جبل : احم احم صباح الخير
الكل : صباح النور
الشيخ جبل: اخيرا كعدتي خيتي شلون صرتي
عسل : الحمدلله احسن شكرا لمساعدتك الي
الشيخ جبل : الحمدلله على السلامه ومايحتاج اشكريني هذا واجب إنساني
عسل : الله يسلمك وانا بعد ماريد اسبب زحمه بس عادي تحجزلي بفندق
الشيخ جبل : زحمه شنو انتي مثل اختي وماراح احجز بفندق تبقين أهنأ لحد مالله يفرجها وتذكرين واسلمج بأيدي الاهلج
عسل : ماتقصر ياشيخ وشكرا مره ثانيه مااعرف شلون اجازيك على جاي اسوي ويايه لو غيرك جان مااهتم
الشيخ جبل : ولو يله اودعناكم
الكل : الله وياك
نرجع اشوي بالزمن
الشيخ جبل: جنت بالشغل رجعت متأخر يعني بال١٠ باليل وانا بالطريق شفت ابنيه طايحه بالأرض وكفت السياره ونزلت لكيتها راسها ينزف وجها جنها معتدين عليها شلتها واخذتها للمستشفى أجت الدكتوره فحصتها كالت متعرضه للعنف
الشيخ جبل : زين بعدها ابنيه لو لا
الدكتوره : ابنيه بعدها بس ممكن اعرف شنو تقربلها
الشيخ جبل:  ماكو قرابه لكيتها بالشارع وجبتها
الدكتوره: اممم بس أنا لازم أخبر الأمن
جبل : اكيد اتفضلي راحت الطبيبه خبرت الأمن اجوا أخذوا افدتي وراها اجت الطبيبه كالت  وضعها زين بس احتمال فاقده الذاكره وكالت لازم انخرجها واخذتها للبيت مالتي لكيت الكل نايم فوديتها بغرفتي ونزلت انام بالصاله نمت وكعدت الصبح الوالده اتكعد بيه وحجيتلها السالفه وكالت هيه راح اجهزلي غرفه وصدك ضليت انام بغرفه الضيوف عما تصحه ونلكا الحل وره يومين  كعدت الصبح ساعه بال٧ لكيت ملابسي مكويه ( طبعا رهوفه كاويتهن حبيبه اخوها) نزلت لكيت ابنيه كاعده بس شنو مالابسه حجاب شعرها نازل ويخبل صح مامشط وكوشه بس كلش طويل واساسا حلات البنات بشعرهن الطويل استغفرت ربي ونزلت وسلمت وطلعت للأراضي اكو وحده عرضتها للبيع مساحتها ٥٠ متر بعتها ورحت للشريكه واجه حيدر ضلينه انسولف عن الشغل وجان عندي اجتماع بال١٠ وخلصنه ورجعنه للبيت سلمنه بس هل مره لكيتها لابسه حجاب وملابسها مغيرتهن وحاطه مرهم لجروحها  رحت كعدت بالصاله جان تريد اتكوم كلت