احببت دخيلتي

البارت السادس

جبل:  دكينه الباب فتحلنه فهد سلمنه عليه ودخلنه شوي واجت بت كلبي شطالعه اتخبل سلمت علينه وقدمت الضيافه سولفنه وشوي وانا كلت.....

عسل:  دكوا الباب فتحلهم فهودي وره شوي دخلت سلمت عليهم وقدمت الضيافه الهم وكعدت ضلوا يسولفون شوي وكال جبل..

فهد:  اجوا سلمت عليهم وشفت جلنار ماادري ليش كلبي لهف الشوفتها كلش فرحت وجنت مشتاقلها معقوله احبها لا مو حب وين اكو حب من اول نضره ضلينه انسولف شوي وكال جبل.....

جلنار: وصلنه وسلم علينه فهد شلون حلو هوه صارلي فتره ماشايفته كلش اشتاقيتله انا حبيته حبيته من اول نضره يعني جنت اكول الحب من اول نضره بس بالمسلسلات طلع اكو بالحقيقه شوي سولفنه وكال جبل..

جبل:  فهد احنه جاي اليوم اطلب ايد اختك الي
فهد: والنعم منك ماالكه احسن منك بس بالاول لازم اخذ رئيها
جبل: اخذ راحتك
فهد: عسوله شنو رئيج
عسل: خجلت نزلت راسي وكلت مثل ماتكول انت
فهد: لاحبيبتي هاي حياتج وانتي لازم تختارين
عسل: موافقه
فهد: كبع واخذ
الكل: هههههه
عسل: خطبني جبل وكلش فرحانه احس الدنيه ماواسعتني استأذنت اخذت البنات وياي ورحنه بالمطبخ كعدنه والبنات يسولفن بس حسيت جلنار صافنه احاجيها ماترد بعدين تنتبه وتكول ماكو شي وترجع اتغوص بالافكار حيرتني اخذتها على صفحه بدون ماتنتبه رهوفه كتلها شكو

جلنار: لاماكو شي
عسل: الله عليج احجيلي شكو انا فضوليه😂
جلنار: هههه حبي ماكو شي.
عسل: تحجين لو شلون
جلنار: وعد ماتكولين لااحد
عسل: ماتثقين بيه يله وعد
جلنار: اوثق بيج بس لازم اخذ احتياطاتي
عسل: ههه احجي ام الاحتياطات
جلنار: انا احب مدري معجبه
عسل: فهد مو
جلنار: شمدريج
عسل: بس تباوعيله وهوه بس يباوعلج اتخجلين وسوين روحج تحجين ويه رهف او وياي
جلنار: خرب يومج مراقبتني

عسل: اكيد سمعي حبيبتي فهد انا اخوي وحافضته هوه هم معجب بيج او يمكن يحبج تدرين شلون انا حافضته مثل اسمي بس صارله فتره متغير يعني صافن وبس يفكر حتى الدخان المايدخل بحلكه ضل يشرب فعرف اخوي يحبج بس يمكن بعده مامعترف لنفسه وانتي كذالك اخذوا وقت تتعرفون على بعض انطيني رقمج خل انطي وضلوا احجوا

جلنار: بس خاف مايريد
عسل: انطيني الرقم ومعليج
خليتها تنطيني الرقم وره نص ساعه رجعنه يمهم حددوا الخطوبه بعد اسبوعين وثاني يوم العقد وره ساعتين راحوا وكعدت يم فهودي
فهد: خيرج هاي النضره اعرفها
عسل: شنو تنطيني علمود انطيك رقم جلنار
فهد: جلنار
عسل: اي
فهد: وانا شسوي بيه (سوه روحوه بريئ)
عسل: عبالك ماادري معجب بجلنار
فهد: شلون عرفتي
عسل من تصرفاتك ولاتنسه كلوبنه على بعض
فهد: ههههه يله جيبي
عسل: اكتب عندك
فهد: اي
عسل:  ٠٧٧( متأكده انتم الشباب تنتضرون رقم البنيه استحوا عيب 😂😂)
عسل:  كعدنه نسولف شوي ورها صعدت للغرفه جاي احل بالملفات جان يدك رقم غريب مارديت ضل مصر رديت وجان........

( منو تتوقعون 🤔)

ادري بالبارت قصير  بس ولله لان مريضه والبقيه القصص جنت كاتبتها من البارحه  واتمنى نال اعجابكم ولاتنسون التصويت احبكم باي