غزل : كعدت ساعه ٩ كمت اخذت شاور وبدلت ملابسي ومشطت شعري ولبست الحجاب ونزلت لكيت بس البنات وام جبل موجودات البقيه مأكو سالت البنات كالوا الشيخ جبل طلع عنده شغل والبقيه طلعوا يم اصدقائهم المهم بديت اساعدهم بالتنضيف المهم خلصته جان يدخل الشيخ جبل باوعلي بنضره مااكدر افسرها عيونه حمر وجهه هم وبين عصبي صعد لغرفته ونسمع صوت تكسير أنا كلش خفت وصعدت وراه الشيخه وره نص ساعه يمكن واحنه على نار ننتصر أحد يكللنا شنو صاير نزلت الشيخه كلتلي الشيخ رايدني صعدت بس شلون من الخوف نقطه دم مابقه بيه وجانت وياي الشيخه بس شنو امبين عليها الحزن دكيت الباب سمعت كال دخلي دخلت ودخلت وياي الشيخه كالها من رخصتج يمه تركينا بحدنا وفعلا تركتنا بحدنه كلي كعدي على التخم وصدك كعدت كعد هوه على الفراش المقابيلي وكال...
جبل : جنت جاي اخابر بالمركز اجتلي وحده بس شنو لبسها استغفر الله لابسه 👇👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كلتلي اسمها سرى كلش استغربت كتلها شنوتردين ومنو انتي كالت
سرى: أنا صديقه عسل من ايام الطفوله
جبل : اسف بس مااعرف وحده اسمها عسل
سرى : لا تعرف بس اسمها الحقيقي ماتعرفه لأن فاقده الذاكره
جبل: اي صح الحمدلله لكينا أحد من طرفها زين انتي شلون عرفتي بيها هيه أهنأ
سرى : ها ااا ( تلبكت )سالفه طويله بس اريد اشوفها كلش مشتاق الها
جبل : اتشرفين اي وقت انتي اتعرفين شنو صار بيها ومنو وصلها لهاي الحاله
سرى : أنا مااعرف منو بالضبط بس ادري هيه جانت شارده ويه حبيبها وانخطفوا ومات حبيبها
سرى : شنو مات حبيبها ( اجتلي الصدمه معقوله تشرد من بيت اهلها ) كلش عصبت من سمعت هجي كتلها هيه جانت شارده بأيرادتها
سرى : ههه ( بستهزاء ) شي اكيد هيه كلش اتحبه
جبل: عصبت كلش بس احاول الزم بنفسي ( ماادري ليش غرت معقوله احبها. لا مامعقوله يمكن عصبت لأن سمعت بيها شاردة ) اتعرفين ليش شردت زين
سرى: اي اعرف مو ابوها رفضه من طلب أيدها هيه كامت وشردت وياه
جبل : شنو اسم حبيبها
سرى : فهد
جبل : شكرا تعبتج وياي
سرى : ولوا تعبك راحه أنا عن اذنك اروح بس فدوه عادي تكتبلي عنوان البيت
جبل: اي اكيد اتفضلي
سرى : شكرا ( بدلع)
جبل : العفو( برود)
هيه طلعت وانا رحت للبيت ( وانتم تدرون شنو صار ) حجيت الوالده هيه انقهرت عليها من سمعت بخطيبها مات أنا كتلها خطيبها ماكلت حبيبها وماكلت شارده لأن معناتها تنزل من عين امي وانا ماريد تنزل من عين امي لان اذا نزلت ماما راح اتعاملها برود وعدم اهتمام وإذا هجي عاملتها راح أتريد اتروح وهيه امانه عندي مااكدر اخليها اتروح لحد ماتذكر المهم صحتلها وكلت للوالده تتركنا بحدنه وفعلا تركتنا وسدت الباب كتلها اكعدي وانا كدامها كعدت وكتلها
جبل: سمعي اختي الي عرفته راح اكله الج بس هذا الكلام يبقه بينه تمام خويه
غزل: تمام
جبل : اول شي عرفت منو هيه سرى
غزل : منو
جبل : صديقتج من الطفوله
غزل : هاااا بس
جبل: لاتقاطعيني
غزل: اسفه
جبل : ماصار شي وثانيا اسمج عسل
غزل: بتفاجئ عسل
جبل : اي
( راح ارجع اكتب اسمها الحقيقي لأن الكل ينادولها بعد بأسمها الحقيقي)
عسل : اممم
جبل : ثالث شي انتي شارده من بيت اهلج
عسل: شنو ( بصياح بدون قصد)
جبل عكرت حواجبي : صوتج (بعصبيه )
عسل: اسفه مو قصدي بس شلون أنا شارده مستحيل
جبل : ليش مستحيل انتي حاليا كلشي ماتذكرين
عسل: هم صحيح زين أنا ليش شردت
جبل: شردتي لأن ابوج ماقابل بزواجج من حبيبج
عسل: عندي حبيب
جبل : اي وانتي شردتي وياه وخطفوكم ثنينكم
عسل: زين هوه هسه وين
جبل : الله يرحمه
عسل : مات
جبل : اي واسمه
عسل : شنو
جبل : فهد
عسل : شلون
جبل : اي
عسل: ( ماحسيت بأي شعور لا أنا ضايجه ولا أنا فرحانه ولا اي شي ) هسه عادي اطلع اروح لغرفتي
جبل : اتفضلي
هيه راحت الغرفه وانا صحت على البنات ينضفن الغرفه وانا طلعت اشم هوه ضليت صافن بالدنيا ماادري ليش هجي زعلان والمشكلة أنا معتبرها مثل اختي بس ماكادر اشوفها ويه واحد ثاني من عرفت عدها حبيب عصبت ليش ياربي ليش أنا ضايج اوف ضليت كاعد بره الاذان الضهر كمت اريد اصلي رحت للغرفع لكيتها نضيفه صليت وصاحتلي رهف على الغده نزلت شفتها كاعده على الطاوله اكلنا بس اباوعلها ماتكل شي ماحجيت شي كلت خليها على راحتها صعدت نمت وكعدت بال٤ لكيت الولد توهم اجوا ضلينه انسولف كعدت جلنار سوتنه جاي وكعدت البنات راحن للمطبخ وره ساعتين شفناهم اجوا وجايبين كيك وهم رجعوا صبوا جاي وضلينه كاعدين انسولف بس عسل ولا كانوا رايحه بغير عالم اتوقع ضاجت لأن حبيبها ميت إذن الكل كام يصلي خلصته كعدنه بالهول والبنات يلمن بالمواعين فجأ اجه اتصال للوالده وطلعت ام سمير جيرانه يردون يزورونه ( طبعا ام سمير عدها ابنها جبير سمير وشوي مامرتاحله أحسه عيونه زايغه وعدها بنيه وحده واسمها فرح ) وكالوا بال٨ يجون كلنا هلا بيهم وصيت البنات يلبسن لبس عريض لأن راح يجي سمير وياهم والبنات ماعترضن المهم صارت بال٨ جان يدك الباب ...
عسل : طلعت من الغرفه رحت لغرفتي اتمددت ضليت صافنه اريد الفتهم السالفه ماكو أنا شفت اسم فهد واسم سرى واسم عسل بحلمي بس تذكرت فهد شلون ضربوا حبستني البجيه وبجيت رحت جوه الدوش ابجي ساعه وانا ابجي طلعت لبست دشداشة حلوه ولبست حجابي وحطيت بودره من جلنار لأن عيوني صارن جواها احمر وحطيت ايلاينر جوه عيني وفوكها المهم رحت لغرفه البنات سولفنه شوي واذن صليت ونزلت ساعدت البنات بالصب الاكل صبينا وكعدنا على الطاوله نزل الشيخ جبل صارت عينه بعينه أنا رأستا نزلت راسي المهم الكل اكل بس انا مااشتهي اكل ضليت صافنه مااعرف شنو اريد ليش عقلي مشوش ماادري احاول اذكر بس ماجاي يفيد المهم خلصوا اكل ضلينا الم بالمواعين الكل صعدوا ناموا احنه هم صعدنا نمنه وكعدت بال٤ ونص على صوت جلنار اتكعد بيه وكعدت هيه هم البنات نزلنا شفنا الزلم جاين والشيخ جبل كاعد رحنه للمطبخ سوينا كيكه استوت وجبناهها الهم ورهف صابه جاي وانا بيدي الكيك وزعناهم عليهم وره شوي إذن كمنه صلينه احنه رحنه للمطبخ وره شوي اجه الشيخ جبل علمود البس نلبس عريض لأن راح يجون ضيوف المهم رحنه بدلنه سمعنه صوت الباب يندك عرفنه اجوا نزلنا الكانوا جاين مرا جبيرة بالعمر وياها ولد وبنيه بنات سلمن على البينه و الام أما الولد من بعيد سلمن وانا سلمت على الكل من بعيد بس حسيت المرأة نضرتها الي مو حلوه سالت ام جبل عني
ام سمير : هاي الدخيله يام جبل
ام جبل : اي
ام سمير : اممم
جبل : خير ام سمير اكو شي
ام سمير : سلامتك ابني ماكو شي
جبل: عبالي
شفت ام سمير تباوع على عسل بنضره استحقار ماادري ليش كلش ضجت منها وطول الكعده وانا عيني على سمير شفته منزل رأسه ارتاحيت شوي شوي وكال يريد يدخن بره هوه طلع وانا رحت للمطبخ للبنات بحجه الجاي والضيافة خفت لايدخل للمطبخ البنات شافني وكالن
عسل: استرخصنا ورحنه للمطبخ انسوي الضيافه وره شوي دخل الشيخ جبل شفته صافن سألته جلنار
جلنار : خير خويه رايد شي
جبل : ها اي اريد ماي وسون جاي للضيوف
رهف : خويه جاي انسوي جاي
جلنار : تفضل خويه الماي
جبل : شكرا حبيبتي ماجنت منتبه جاي اسون
رهف : ولايهمك انت روح اكعد يمهم واحنه هسه انجيب الجاي
جبل: ها اي اوك خويه عسل
عسل : اتفضل شيخ
جبل : إذا ما بيها زحمه عليج تلفوني نسيته بالحمام الفوك عادي اتجيبنه ( اتقصدت ادزها لان عندي كلام وياها)
عسل : صار ( رحت صعدت فوك ادور على تلفون بس مالكيته طلعت من الحمام شفته دخل الغرفه مادري ليش اتلبكت وخفت منه بالرغم ماشفت شي مو زين منه )
جبل : شفتها صعدت رحت وراها دخلت الغرفه لكيتها تريد تطلع من شافتني تلبكت وخافت أنا عاد سديت الباب وكعدت على فراش مقابيل التخم
عسل : أنا مالكيت التلفون
جبل : ادري لأن تلفون بجيبي
عسل : اها لعد ليش دزيتيني علمود شي ماموجود
جبل : لأن اريد احجي وياج موضوع
عسل : اتفضل
جبل :اول شي كعدي
عسل: صار كعدت على التخم مقابيله
جبل : الموضوع هو......
ماهو الموضوع الذي يريد الشيخ جبل أن يتكلم به معا عسل ؟
وهل كان كلام سرى صحيح ام لا ؟
وماذا تتوقعون سوف يحصل في البارت البارت الثالث ؟
أنت تقرأ
احببت دخيلتي
Romanceفتاة تشتغل محاميه تكون ذاهبه إلى العمل برفقه أخاها الضابط إلا أنها تعرضت إلى هجوم من قبل ارهابين واستيقظت وترى أنها لاتتذكر اي شي وترى نفسها في بيت يعيش فيه الشيخ الجبل كيف وصلت إلى دار الشيخ جبل ؟ وماذا حصل ذلك اليوم عند الهجوم؟ وماذا حصل لاخاها...
