عسل: شفت سرى من شفتها اذكرت كل شيئ ناسيته واذكرتها شلون خانتني هيه جانت اعز انسانه عندي انا وجاي اذكر الصار بعد ماحسيت على نفسي
جبل: نضرات عسل لهاي البنيه ماتنوصف متعجبه على غضب ضلت اشوي صافنه ردت اسألها جان يغمه عليها رحتلها ركض اكعد بيهة
جبل: عسل عسل كعدي شبيج عسل كلت للوالده تنطيني عبايه غطتها واخذتها للمستشفى واجت وياي رهف المهم وصلنه كالوا نازل ضغطها دخلت يمها لكيتها نايمه ودخلت وياي رهف رهف ضلت تبجي لان اتحب عسل وخافت عليها هدئتها وكعدت عسل
عسل: اه راسي
جبل: اشبيج بيج شي حب(سكتت وكلت عسل)
عسل: لا مابيه بس راسي يأذيني
جبل: هسه اصيرين زينه الحمدالله على السلامة
رهف: الحمدلله على السلامة كلش خوفتيني ياحقيره
عسل: ههه الله يسلمكم لاتخافون صرت زينه
جبل: ليش نزل ضغطج بالرغم انتي جنتي نايمه وماكله
عسل: لان اذكرت كل شي
جبل: اذكرتي شنو بالضبط
عسل: كل شي وهسه لو اطلع هذيج المره الاسمها سرى من بيتك احسن لان ارهابيه
جبل: شلون شلون ارهابيه 😨😡😡
عسل: اي وفهد هوه اخوي مو حبيبي مثل ماتدري انت
جبل: اوكفي اوكفي من نرجع للبيت كلشي تحجيلي من الاول للاخير بس بالاول لازم اسلم سرى للشرطه اوكفي خل ادك على الوالده
عسل: اوكف
جبل: شنو
عسل: اذا ادك على ام جبل راح اتشك هيه كلش ذكيه وراح تفهم دك على جلنار
جبل: خوش الوووو
جلنار: ها خويه شلون صارت عسل
جبل: الحمدلله حبيبي سمعيني هذا الحجي راح احجي لاتبينين لسرى
جلنار: تمام راح اشوف شنو ناقصنه بالمطبخ (خويه رحت للمطبخ اتفضل احجي)
جبل: عفي حبيبتي الموضوع احجي من نرجع بس المهم تلفونج انتي كاعده ماينسد وهاي سرى كون ماتطلع من البيت لحد مايجون الشرطه اوك
جلنار: صار خويه بس شرطه شنو
جبل: لاتخافين حبيبتي انا راح اجي
سديته يله امشوا رجعنه للبيت وجانت الشرطه توها توصل فتحت الباب واخذوها للسجن كلت لعسل شرحي شنو جاي يصير
عسل: انا اسمي عسل عمري ٢٣ من بغداد ( انا اسفه بس شلون لهجه البغداديه مااعرف اعرف بس البصراويه)) عندي اخ واحد ابوي وامي انقتلوا بابا عميد وماما ربت منزل جانوا بالبيت بحدهم وانا بالكليه واخوي بالخدمه وصار اطلاق 🔥 نار على البيت وماتوا المهم جنت انا واخوي عدنه شغل سوه لان انا محاميه وهوه ضابط اتعرضونه وخطفوا فهد ونوبك انا بس نفس الحضه عذبوا فهد هواي وكدام عيوني ومارحموا شكيد اتوسلت وهددت مافاد بشي اجوا علي ضربوني وعذوبني وعلمود شنو بابا بالزمنات قبل لايموت جان مستلم ملف تجار مخدرات و قبض على رئيسهم وانحكم اعدام فنتقموا من بابا بقتله وبقتل عائلته ماجنوا يدرون انا واخوي مو بالبيت بعد مرور سنوات عرفوا فيردون يعذبونه لان اخوي وانا استلمنه الملف قتل بابا وماما وهما عرفوا هددوا فهد ماهتم دهددوني وانا كذالك ماهتميت اخر شي مثل ماكلت اختطفونه كدرنه نشرد بهذيج حالتنه بس كذالك اعترضوا طريقنه بالرمي واحنه جنه بسياره فنزلنه انا وفهد بالكوه فهد اتصاوب برجله وانا اغمه علي عبالهم ميته كعدت وره ساعات ماكوا اي احد يمي حتى فهد كعدت وانا ماادري شنو صاير ضليت امشي وانا متأذيه اخر شي ماتحملت وطحت وكعدت لكيت نفسي هنا
اما اذا اجي احجيلك قصتي ويه سرى فهيه جانت اعز انسانه عندي بعد فهد اتعرفت عليها باخر سنه الي بالكليه جانت صديقتي المقربه اسراري يمها جانت تسألني عن اهلي بس ماجنت احجي لان انقهر قمنت اتخرجنه قوت علاقتي بيها وحجيتلها الصار هيه جانت رده فعلها يعني كلش مصدومه المهم بعد فتره اشتغلت وهجي فمن استلمنه الملف انا وفهد ضلت تعترض حاولت تمنعنه بكل طرقات بس مافاد وياها فمن انخطفنه وجانوا يعذبونه شفتها كتلها شسوين اهنا ضحكت بستهزاء وكالت حذرتج بس مافاد انتي ردتيها نفسج وهيه هم ضلت تعذبني فعرفت بهذا الكوت هيه جانت عدو بوجه صديقه
جبل:.......
(ادري بالبارت قصير اعوضكم انشاء الله بالبارت الجاي)
لاتنسون اتصوتون للقصه وانشاء الله عن قريب انشر البارت الخامس انتضروني
آحـ❣ـہبـ❣ـہكـ❣ـہمـ❣ـہ
جـ❣ـہآوُوُوُ
أنت تقرأ
احببت دخيلتي
عاطفيةفتاة تشتغل محاميه تكون ذاهبه إلى العمل برفقه أخاها الضابط إلا أنها تعرضت إلى هجوم من قبل ارهابين واستيقظت وترى أنها لاتتذكر اي شي وترى نفسها في بيت يعيش فيه الشيخ الجبل كيف وصلت إلى دار الشيخ جبل ؟ وماذا حصل ذلك اليوم عند الهجوم؟ وماذا حصل لاخاها...
