Dare You Escape?[Completed]

အခန်း(၄)- သူရောက်လာပြီ

Uni

သူအိမ်တွင်းအောင်းနေမိတာ နှစ်ရက်ရှိပြီ။ နှစ်ရက်ဆိုတဲ့အချိန်က တကယ်ကိုခဏလေးပဲ။ ဒီနှစ်ရက်လုံး သူအိမ်ထဲက အိမ်ပြင်မထွက်မိသလို ဘယ်သူနဲ့မှလည်း အဆက်အသွယ်မလုပ်ဖြစ်ဘူး။

ဒေါ်လေးကလည်း အိမ်ကိုပြန်မလာတာမို့ အခန်းကိုသွားကြည့်တော့ ဗီရိုထဲမှာ အင်္ကျီအဝတ်အစားတွေအကုန် မရှိတော့ပုံအရ ကြည့်ရတာ အကြွေးရှင်တွေကို ခြေရာဖျောက်ပြေးပြန်ပြီထင်သည်။

အိပ်ယာကနိုးလာတိုင်း ဘားမှာဖြစ်ခဲ့တဲ့ ကိစ္စတွေကို အိပ်မက်ဖြစ်ဖို့မျှော်လင့်မိပေမယ့် ကံဆိုးစွာနဲ့ပဲ သူကြုံတွေ့နေရတာက တကယ့်လက်တွေ့လောကမှာဖြစ်သည်။

အဲ့ဒီနေ့က ဝမ်ရိပေါ်နဲ့ပြဿနာဖြစ်ပြီးတော့ သူအလုပ်ထုတ်ခံရတော့မယ်ဆိုတာကို ကြိုသိနေတာမို့ သန့်စင်ခန်းထဲမှာ အဝတ်အစားလဲနေရင်း သေနတ်ပစ်သံနဲ့အတူ အော်ဟစ်ပြေးလွှားသံတွေ ကြားလိုက်ရတာမို့ အမြန်ပြေးထွက်လာရင်း ဘားတစ်ခုလုံးက မှောင်မဲသွားတာမို့ သူကြောင်ပြီး နေရာမှာရပ်နေမိသည်။

အဲ့အချိန် သူ့ဘေးနားတစ်ဝိုက်မှာ ရုန်းရင်းဆံခတ်အသံလိုတွေ ကြားနေရတာမို့ နားစွင့်နေရင်း ဒိုင်းခနဲသေနတ်သံနဲ့အတူ လူတစ်ယောက်က သူ့လက်ထဲကို သေနတ်ထည့်ပေးသွားတာမို့ ကြောင်အနေတုန်းမှာပင် မီးတွေပြန်လင်းလာတာဖြစ်သည်။

တိုက်တိုက်ဆိုင်ဆိုင်ပဲ မီးပြန်လင်းလာတော့ သူ့အရှေ့မှာ ဝမ်ရိပေါ်ရောက်နေလေသည်။ ဒါကိုမှ တမင်ကြံစည်တာလို့မပြောရင် သူရူးနေလို့ပဲ။ သူ့ကို ပြန်ပြီးဒုက္ခပေးဖို့အတွက်နဲ့ လူတစ်ယောက်လုံးကိုတောင် သတ်ပြီး သူ့အပေါ်လွှဲချခဲ့တာ။

သူထောင်ထဲမသွားချင်ဘူး။ သူ့မှာ ရည်မှန်းချက်တွေအများကြီးရှိသေးတယ်။ သူမလုပ်ထားတဲ့ ကိစ္စကြောင့်နဲ့ သူ့အနာဂတ်ကို မစွန့်လွှတ်နိူင်ဘူး။ ပြီးတော့ လူ့လောကမှာမရှိတော့တဲ့ ပါးနဲ့မားကိုလည်း သူ့ကြောင့်နဲ့ သိက္ခာမကျစေချင်ဘူး။

ဒါဆို ဝမ်ရိပေါ်ပြောသွားတဲ့ နောက်တစ်နည်းကရော။ ဟင့်အင်း... သူသေရမယ်ဆိုရင်တောင် အဲ့ဒီနည်းလမ်းကို ဘယ်တော့မှရွေးချယ်မှာမဟုတ်ဘူး။ ဝမ်ရိပေါ်အလွယ်တကူ နင်းချေနိူင်ဖို့အတွက် သူ့မာနနဲ့သိက္ခာကို သူကိုယ်တိုင်ချခင်းပေးဖို့ဆိုတာ ဘယ်လိုမှမဖြစ်နိူင်တဲ့ကိစ္စ။