မိုးစက်လေးတွေ တဖွဲဖွဲကျချိန် ထီးအဝါလေးဆောင်းလို့ လဲ့ရဲ့လက်ကို နူးညံ့စွာကိုင်ပြီး လမ်းလျှောက်ရတာ သိပ်သဘောကျတယ် ။ တစ်ခါတစ်ရံ လဲ့ရဲ့ခါးလေးကို ဖက်ရင်းပေါ့ ။
လဲ့ဟာ သိပ်အရှက်ကြီးတဲ့ အမျိုးသမီးလေး ။သူမရဲ့ ပါးနုနုထက်ကို အနမ်းဖွဖွလေးပေးမိတိုင်း ရှက်သွေးဖြာရင်း ရင်ခွင်ထဲတိုးလို့ ထွေးပွေ့ရှာသည် ။
လဲ့ရယ် ။ နောင်တို့ ချစ်လာကြတာ ၂နှစ်ပြည့်တော့မယ် မဟုတ်လား ။ တစ်ယောက်နဲ့တစ်ယောက် ပိုလို့ဂရုစိုက်ခဲ့ကြတယ် ။ သံယောဇဉ်ကြီးခဲ့ကြတယ် ။
မနက်တိုင်းမှာဆို လက်ဖက်ရည်လည်းအတူတူ သောက်ခဲ့ကြတယ် ။ လဲ့ရဲ့ နှုတ်ခမ်းလေးနဲ့လျှာလေး အပူလောင်မှာဆိုးလို့ နောင်ကိုင်တိုင် လက်ဖက်ရည်ပန်းကန်ပြားလေးနဲ့ အအေးခံမှုတ်ပေးတိုင်း လဲ့က မေးလေးထောင်ပြီး ပြုံးရင်းကြည့်မယ် ။ ပြီးရင် ဒီစကားလေးကို နူးညံ့စွာ ပြောမယ် ။
" လဲ့မှာ လက်တွေရော ပါးစပ်တွေရော ပါပါတယ် နောင်ရဲ့ ။ လဲ့လည်း လုပ်တတ်ပါတယ် ။ "
" မလုပ်ရပါဘူး ။ ဖြစ်နိုင်ရင် လဲ့ကို ထမင်းတောင် ခွံ့ကျွေးချင်တာ ။ လဲ့က တားနေလို့ ။ "
နောင် ပြောလိုက်တိုင်း လဲ့က ပိုပြီးပြုံးမယ် ။ အနည်းငယ် အအေးခံထားတဲ့ လက်ဖက်ရည်ကို လဲ့ သောက်လိုက်တိုင်း နောင့်မှာပီတိဖြစ်မိခဲ့တယ် ။
စာကြည့်တိုက်ကို သွားရင်လည်း လဲ့နဲ့ အတူတူ ။ စာကြည့်တိုက်ကို ရောက်ရင်လည်း လဲ့အတွက် စာအုပ်တွေငှားပေးမယ် ။ ပြီးရင် နှစ်ယောက်အတူတူထိုင်ပြီး စကားတွေ ခိုးခိုးပြောမယ် ။
ဒီနေ့တော့ စာကြည့်တိုက်မှာ နောင် တစ်ယောက်ထဲ ။ နောက်ဆုံးနှစ်ရောက်ပြီဆိုတော့ ဘာပဲဖြစ်ဖြစ် လဲ့နဲ့အမြန်နီးစပ်ချင်လှပြီ ။ နှစ်ဦးသဘောတူ တိတ်တခိုးလေး လက်ထပ်ထားကြမလား ။
" လဲ့ကလည်း အိမ်ပြန်တာ ကြာလိုက်တာ ။ အခုထိလည်း စာကြည့်တိုက်ကို မလာသေးဘူး ။ မကြာခင် ပိတ်တော့မယ့်ဟာကို ။ မိုးကလည်း ညိုလာပြီ ။ တော်သေးတာပေါ့ ။ လဲ့ကို ထီးပေးထားလို့ ။ "
YOU ARE READING
အရင်က ဇာတ်လမ်းလေး (ᴍɪɴɪ ꜱᴛᴏʀʏ - ᴄᴏᴍᴘʟᴇᴛᴇ)
Teen Fiction(ᴄᴏᴍᴘʟᴇᴛᴇ) ᴛʜɪꜱ ɪꜱ ᴀ 1994 ᴍɪɴɪ ꜱᴛᴏʀʏ ᴀʙᴏᴜᴛ ᴛᴡᴏ ᴡᴏᴍᴇɴ ꜰᴏʀ ᴍʏ ʀᴇᴀᴅᴇʀꜱ ( ᴘᴀᴜᴋ ᴘᴀᴜᴋ ) . ɪ ʜᴏᴘᴇ ʏᴏᴜ ᴇɴᴊᴏʏ ɪᴛ . ᴘʟᴇᴀꜱᴇ ʀᴇᴀᴅ ɪᴛ ᴘᴀᴛɪᴇɴᴛʟʏ . ʟᴏᴠᴇ ʏᴏᴜ ᴀʟʟ ( ᴘᴀᴜᴋ ᴘᴀᴜᴋ ) . ᴡʀɪᴛᴛᴇɴ ʙʏ ᴍᴏʀᴀ_ɴʏᴇɪɴ. 25.3.2022 <3
