حياتي ( قيد التعديل)

الحلقة الخامسة عشر

السلام عليكم

أنا اسف جدا علي التأخير بس كنت يظيط نهاية الرواية وخلاص جهزتها

أتمني تكون الرواية حلوة فعلا وعاجباكم ...

نبدأ علي طول بقي ..

في الديسكو ........

مروة راحت في نفس توقيت وجود مروان .. خلاص ضاقت بيها الدنيا وهو ولمياء اللي فاضلينلها .. راحت علي تربيزتهم المعتادة وفعلا كان قاعد ..

مروة : ازيكم يا بنات .

سهيلة : Wow ! مروة وحشتينا !

لمياء : جيتي بدري يعني .

مروة : قلت اني مبحبش حد يخاصمني وجيت نتصالح .

مدت ايديها لمروان بس تجاهلها وبص الناحية التانية بامتعاض .

نيرة : أنا شايفة كدة برضه .

لمياء : شايفة ايه يا ملكومة انتي ؟

مروة : ينفع تسيبونا لوحدنا 5 دقايق عشان نتصالح يا جماعة ؟

سهيلة : Why not .. Baby? يلا بينا شباب .

راحوا وأخدوا معاهم لمياء اللي كانت هتفرقع وتعرف ايه اللي هيحصل .

مروان : 5 دقايق بالعدد عشان عاوز أروح .

مروة : عشان تعد النجوم عشان أنت وحيد ؟

افتكر مروان لما طلب رقم الواتس بتاعها عشان يدردش معاها عشان معندهوش صحاب ووحيد وبيقعد لوحده يعد في النجوم .

_ بقلك ايه .. متتلككيش واخلصي .

= موحشتكش ؟

شاف في عيونها نظرة الطفل البرئ .. نظرة اتمني انه ميشوفهاش ..

_ عايزة ايه يامروة ؟ اللي بيننا انتهي خلاص .

مروة في الأول كانت مترددة بعد كدة حسمت أمرها وقرارها .

= أنا اكتشفت طول الأسابيع اللي فاتت اني مش بحبك .. أنا بعشقك .. بتنفس في وجودك أنت بس .. كنت بتعذب من غيرك واكتشفت اني من غيرك ولا حاجة .. أنا كمان عاوزاك من حقي عشان كدة .. عشان كدة يعني ..

مروان بخبث : عشان كدة ايه ؟

مروة بارتباك : عشان كدة يعني .. موافقة .. موافقة اننا ..

مروان عايزها تجيب اخر كلمة : موافقة اننا ايه ؟

مروة قالت الكلمة القاضية : موافقة اننا نتجوز عرفي من غير حد ما يعرف حتي لو دلوقتي .

مروان : !!!!

= متستغربش .. أنا مبقاش ليا حد دلوقتي .. أنا بقيت المسؤولة المباشرة والوحيدة عن حياتي وهبقي موكلة نفسي ..

_ انتي متأكدة من قرارك ده ؟

مسكت ايده : لو مكنتش متأكدة مكنتش جيت ولا ايه ؟