حياتي ( قيد التعديل)

الحلقة العاشرة

السلام عليكم

طبعا مش هنسي أشكركم علي المتابعة الجميلة دي .. شكرا شكرا شكرا شكرا شكرا 💖😍

نبدأ بقييييي 

لمياء : تعالي يا مروة الحمام ..

مروة : هناخد ال ...

لمياء : هششششش هتفضحينا ! مش هنا الكلام ده .. ده بس في الحمام .

وراحوا الحمام وقفلوا علي نفسهم ..

لمياء : بصي أول حاجة الحقن .. تعالي كدة هاتي دراعك ..

وربطت مروة دراعها وهي مش فاهمة حاجة بس هي أصلا سكرانة .. ربطت لمياء علي دراعها جامد وشدت عليه وبعدكدة خبطت الحقنة عشان تفرغ الهوا .. وضربت الحقنة في دراعها .. ارتخت مروة فجأة وقعدت علي القاعدة وحست إن جسمها تلج .. وبقت تنزل عرق .. وبقت تايهة جدا وحاسة بارتخاء أعصاب محستهوش قبل كدة ..

_ دي خليتك تنتعشي .. اللي هيظبطلك دماغك بقي البودرة دي .. بنحطها علي الرخامة دي كدة .. ونساويها علي خط واحد .. بعد كدة تعملي زيي كدة ..

وشدت لمياء البودرة في مناخيرها بالشفاطة الصغيرة اللي معاها .. وبعد كدة حكت مناخيرها .. قلدتها مروة بالظبط وحست نفس الاحساس اللي حسته عندها الصبح .. حست بتوهان وبدأت تدور بعنيها وحكت مناخيرها اما حست بحساسية منها ..

طلعت لمياء سجارة حشيش .. يبدو أن هذه المرأة تحمل في جعبتها الكثير _ آسف علي اللغة العربية الفصحي _ وولعتها .. أخدت منها نفس وادتها لمروة المغيبة تقريبا : دي بقي زي مبيقولوا التحلية أو الترويقة .. دي اللي هتظبط كل اللي أخدتيه ..

أخدتها مروة بدون وعي وشدت نفس .. قعدت تكح نفس بعد التاني لحد مهديت .. وبدأت تاخد أنفاس أكتر وتتعود أكتر وأكتر ..

مروة : لو كنت أعرف إن الحاجات دي هتخليني أحسن كدة كنت أخدتها من بدري .. دي حاجة حلوة لما تحس إنك في عالم تاني .

لمياء بخبث : وكل يوم من ده .. بس ..

_ أشخلل جيبي ! حاضر حاضر .

وفجأة حد خبَّط علي الباب .. اتفزعوا ووشهم جاب ألوان ..

_ يلهوي يلهوي .. مين ده اللي ممكن يخبط ..

= تلاقيها واحدة تعبانة جاية ترتاح زينا .. تعالي أما نشوف مين ..

وفتحوا لقيوا نيرة سكرانة وبتتخبط وتترزع ..

نيرة بسكر : إيه ده أنتو هنا ! كل ده مخلصتوش .. It's so over .. اخرجوا يلا ومروان عايزكم ..

خرجوا بعد تنهيدة طويلة من الخوف وراحوا عند مروان .. لقيوه هو كمان متخدر وبيشرب حشيش زيهم ..

مروان : كل ده تأخير .. ده الموضوع ما أخدش معايا خمس دقايق ..

لمياء : منا معملتش لنفسي بس .. بس هي شاطرة واتعلمت صح يا ميرو ؟