حياتي ( قيد التعديل)

كلمتين مهمين❤❤

السلام عليكم 

مبدايا كدة حابب اشكر الناس القليلة اللي عرفتني اصلا واللي عملولي فولو وتابعوا الرواية ..

شكرا أوي 

ثانيا 

الأحداث اللي مرت بيها الرواية مستوحاه من أحداث حقيقية للأسف بتتكرر كتير .. حبيت من خلالها 

اوضح خطورة الموضوع ..

اتفاعلت مع كل الابطال والشخصيات والاحداث .. وحطيت نفسي مكانهم كلهم .. مجتش في صف حد . كل الشخصيات غلطت .. مفيش حد في الخير كله .. وفيش حد فيه الشر كله ..

مروة : غلطت لما سابت نفسها لنفسها الأمارة بالسوء .. لمياء مضربتهاش او عذبتها عشان تعمل حاجة .. كله كان بارادة مروة اللي أوهمت نفسها إن ده صح ..

حسام : غلط انه ساب اخته تعمل اللي عاوزاه بعد ما غلطت فيه .. كان المفروض ميسيبهاش لانه عارف ان اللي غلطت فيه مش مروة دي افكار سيئة مسيطرة عليه ..

مروان : بيدور علي متعته الشخصية بغض النظر بشكل كويس ولا لا .. بيدور علي الطريقة اللي تبعده عن المشاكل حتي لو هيأذي غيره .. لكن مكنش عنده استعداد يخسر حد حتي لو مش بيحبه ..

لمياء : محدش رباها ولا علمها الصح من الغلط .. الظروف حكمت عليها بالغيرة من اي حد احسن منها .. صح غلط المهم محدش احسن منها .. لكن هي كانت عندها استعداد تصلح غلطتها وتبدأ حياة جديدة لكن القدر لم يمهلها ..

ندي : بتحب كل اللي حواليها بس شايفة نفسها هي بس اللي صح .. قرارتها وأفكارها محدش يقدر يقول انها غلط او يعاتبها عليها حتي لو هي غلط فعلا .. ولما بتلاقي حد في مشكلة بتخاف تتورط فبتبعد .. 

عمر : بيمشي ورا قلبه بيركن احاسيسه وعقله .. قلبه هو اللي بيتحكم في حياته وهو ده اللي ضيعه لان كان في فرصة يبعد من بدري لكنه اختار الأصعب.. 

ده رؤيتي لابطال بيمثلوا ناس كتير في حياتنا .. لازم نحاول نغير من نفسنا والناس اللي حوالينا لأننا بنحبهم .. نحاول نطلع بذرة الشر اللي اتزرعت وسط الخير .. وننمي بذرة الخير اللي طلعت وسط السواد ..

في جزء تاني ولا لا ؟ 

وده سؤال الكل سالهوني .. هل انتم عاوزين جزء تاني ولا لا ؟

انتو اللي هتقرروا ..

بس لو في جزء تاني هيبقي بعد الرواية الجاية ان شاء الله...

وانا عملت حساب الواتباد والفيس عشان الم كل رواياتي القديمة والجديدة واجمعهم في مكان واحد واكون جمهور ان شاء الله..

الله ايه هي الرواية الجاية ؟

رواية ( طيبة يا علي ؟ ) إن شاء الله اول أيام العيد هتنزل الحلقة الأولي بإذن الله ..

استنوني واتمني رواياتي تعجبكم ..

#النهاية 

#بحبكم 

#طيبة_يا_علي 

#حياتي 

#Abdo_Salah 

By:Abdelrahman Salah