Unicode......
ဦးအံ့မင်းနှင့် ကိုစစ်မင်းတို့ ဆေးရုံမှပြန်ထွက်လာခဲ့ကြပြီးအိပ်အကြည်ထဲမှ ထုပ်ထားသော ရာဇက်အိမ် ထိုးခံထားရသည့် ဓားအားစစ်မင်း လက်ထဲသို့ ထည့်ပေးလိုက်ကာ....
" ပန်းတိမ်ဆိုင်ကိုသွား ဒီဓားရိုးကို ရွှေသားနဲ့ကွပ်ခဲ့ ဓားအိမ်ကိုတော့ သရေသားနဲ့ လုပ်ခိုင်းပြီးတာနဲ့ ဦးဇေယျာထင် တို့ဆီကိုပို့ပေးလိုက်။ ဆရာက ဒီနှစ်သစ်ကူးလက်ဆောင်ပါလို့ပြောလာခဲ့ ။ ..... ။
ပြီးရင် သူတို့ကုန်ကြမ်းယူတဲ့နေရာကိုစုံစမ်း ။ နောက်လုပ်မယ့် project အသစ်တွေကိုလည်း ရအောင်စုံစမ်းခဲ့ .... "
" ဟုတ်ဆရာ..... "
............. ။
"ပွမ်း.....ပွမ်း.... "
ခြံရှေ့မှာ ကားဟွန်းသံကြားနေရသည် ။အိမ်ထဲမှာရှိနေသူသည် ချစ်ရိပ်ဧည့်ချိုတစ်ယောက်တည်းသာဖြစ်၍ ကားသံကြောင့် ရိပ်တစ်ယောက် TVကို ကြည့်နေရင်း စားနေသော အချဥ်ပုကန်ကို ဘေးချကာ တံခါးဖွင့်ပေးဖို့ ခြံထဲပြေးသွားလိုက်သည် ။
အဓိပြန်လာပြီနဲ့တူပါတယ်လေဟု စိတ်ထဲတွေးမိသော်လည်း ။အိမ်ရှေ့၌ ရပ်စောင့်နေသော ကားဟာ အဓိကားလည်းမဟုတ်ချေ ။ ဘယ်သူဖြစ်နေမလဲ ။
" ဘာလုပ်နေတာလဲ တံခါးမြန်မြန်ဆွဲဖွင့်လာလေ"
မာန်ပါပါနှင့်ပြောလာသည့် မိန်းကလေးတစ်ယောက်၏လေသံကြောင့် မြပေလွှာကျေးဆိုတာကို ရိပ်တန်းသိသည် ။
ခြံတံခါးဟာ တွန်းရသည်မှာ အနည်းငယ်ကြပ်ပါသည် ။ပိန်းပါးသည့် မိန်းမငယ် အားနှင့် တော်ရုံအမြန်ဖွင့်၍မရနိုင်ချေ ။ ရိပ်လည်း အားကုန်တွန်းနေပါသည် ။ တံခါးဟာဖြေးဖြေးချင်း သွားသည်ကြောင့်ထိုမိန်းမဟာ စိတ်မရှည်သည့်ဟန်ဖြင့် ဟွန်းကိုအဆက်မပြတ်သာ တီးနေသည် ။ကားတစ်ဝင်စာလောက် ရလာသည့်အခါ ထိုမိန်းကလေးသည် ဆိုင်းမဆင့်ဗုံမဆင့်ကြီး ကားကိုမောင်းဝင်လာသည်မို့ ရိပ် အမြန်ဖယ်ပေးလိုက်ရသေးသည် ။ ပြီးနောက် ခြံတံခါးကို ပြန်ဆွဲပိတ်ကာအထဲပြန်ဝင်လာသည်..... ။
အိမ်ထဲတွင်အသင့်ထိုင်စောင့်နေသည့်မြပေလွှာကျေးသည် ချစ်ရိပ် ဝင်ဝင်လာချင်းမှာပင် ....
YOU ARE READING
Deception of Love ( အချစ် လှည့်စားခြင်း/အခ်စ္ လွည့္စားျခင္း)
Actionအချစ်ကိုလှည့်စားကြရင်း..... အချစ်ရဲ့ လှည့်စားခြင်းကိုခံရတာမျိုး
