قًصّصّ 📝وَبّسِ🪐:
٢٣___٢٤
[البارت الثالث والعشرون]
طفففرت فد طفرة ورحت ركضض عليهه اشوف شبيهه..
-أمميي شصصار شبيييچ؟؟؟؟
-ولچ سووودة بوجهچ ويييينچ صاار سااعه اعيييط
-ناايمة ماماا هسه شصاار؟؟!!
-مااسمعتتي بهذا الانفجااار
-عززا يا انفجااار؟؟؟
-انفجار صار بالـ^^^^^^
-وانتي ليش تعيطين؟؟
صارت تملخ بخدودهه وتبچي...
-ابن خالتچ حيدرر هناااك سووده بوجههييي المطععم الي يشتغغل بي هناااك
-تحچين صدُك مااامااا
-لعد اكذذب عليييچ يله اني رايحة لخالتچ موتت روحهه من البچي تجين ويايه؟؟
-لا ماما مابيه اروح بَـس فدوه طمنيني
-يله يله طالعه
طلعت امي ودموعهه تجري گلبي انكرب فوگ كربتي وظل بالي ؏ حيدر حسبي الله ونعم الوكيل ؏ كُـل مجرم وارهابي دمرونه الله يدمرهم وينتقم منهم ولا يشممهم ريحة الجنة بجاه لا اله الا الله..
مشه الوقت وماكو خبر عنه وكُل ما اتصل بأمي تگولي خالة ايمان متخربطه وضغطهه معلگ، ماخليت ختومات مسويتهن ولا تسبيحات حتى اتصلت بـ تبارك وعلمتني صلاة الاستغاثة بالبتول تگول هاي تنطيچ مرادچ بلمح البصر وهيه مجربتهه كم مرة..
كيفيتهه اصلي ركعتين طبيعيه حالهه حال صلاة الصبح وره ما اسلم اكبر 3 مرات واسبح تسبيح فاطمة الزهراء بعدين اسجد واگول "يا مَولاتي يا فاطِمَةُ أغيثيني" وراهه احط خدي الايمن ؏ الگاع واگولهه هم مية مرة وراهه خدي الايسر وهم كذلك الى ان ارجع اسجد طبيعي واگولهه 110 مرات واطلب حاجتي..
سويتهه ودعيت من اعمااق گلبيي يكون بخير المهمم يكون عايش وصدُك والله سبحان الله ماطولت ساعة وامي اتصلت بيه تگول لگو حيدر من ضمن الجرحى..
من فرحتي گمت اگمز واضحك مثل المخابيل وركككضت اتصل بـ تبارك واتشكر منهه لان علمتني ؏ هاي الصلاة..
دگيت دگتين وجاوبتني بنيه مو صوت تبارك هذا..
-هلوو حبي تبوكة وين؟
-جاي تسبح محتاجة منهه شي؟
-انتي نجوم؟
-اي
-هاا هـلا بيچ حبيبتي بَـس ردت اتشكر منهه لان علمتني ؏ صلاة الاستغاثة بالبتول
-انطتچ مرادچ؟
-اي اي الحمد لله امي اتصلت عليه تگول لگو ابن خالتي
-الحمد لله ؏ سلامته حبيبتي غده شركم ان شالله
