ذيب بابل

40-41-42-43

قًصّصّ 📝وَبّسِ🪐:
_ج٢

[البارت الاربعون]

راسي يوجعني من التفكير، ماعرف شسوي احس انحطيت بأختبار صعب شلون اتصرف؟ احاچي نجوم وافهمها ان الدتسوي حرام لو اگول لأمهه لو لتبارك وهنه يحلنهه.. والله حايره وحتى الكلمات ضاعت من راسي واذا ردت افاتحهم بالموضوع شلون؟ وره كلام استبرق وبعدما اكتشفت نجوم سحاقـ*** واستبرق مهددتهه اذا مسوت التريده تگول لداغر واني اعرف داغر شيسوي والله يذبحهه خلاصص...

يكش جسمي من اتذكر محادثتهه المشمئزة الحقيرة تريدهه تسوي شغلات فاسقه وياهه وعلساس نجوم معارضه ومدتقبل الموضوع ومتريد تتعمق علاقتهن وحسب مفهمت نجوم دتتهرب منهه ومتريد تتواصل وياهه وذيچ لاطشه..

لعبت نفسي ومعدتي ظلت تگلب طول الوقت صح محادثتنه ما طولت دقيقتين وقاطعنه دخول تبارك وملاك بَـس احس اكتفيت من اللعبان نفس..

ظليت گاعده بغرفتي لليل واجتني تبارك تگول صار العشه..

-ماشتهي حبي

-تبارك: شبيچ لبوة شو وجهچ اصفر؟

-مابيه شي بَـس تعبانه

-من شنو؟

هزيت براسي وسكتت مدا اگدر ارجع طبيعيه وكلما اتذكر سالفة نجوم تتخربط احوالي..

-ماكو شي حبي اني حنام

-داغر شوكت يجي شو تأخر؟

-گال عنده شغل وميجي اله تالي الليل

-هاا خوش يله براحتچ حب

نزلت وعافتني وحدي بأفكاري بضيمي وقهري گلبي محروگ حرگ مو ؏ نجوم لاا ؏ داغر وع خالة الله يعلم شلون حتكون ردة فعلهم اذا يعرفون بالسالفه...

اووف يداغر مچنت اصدگك من تگولي حظك نحس بَـس والله وطلع مو بَـس نحس لاا حظك النحس بذاته..

بدلت ملابسي ولبست دشداشة نوم قصيرة ودخلت بفراشي جوه اللحاف كعورت روحي مثل اليرقة واخذتني افكاري لباچر.. شلون رح اودعه ويروح بعيد عني كُـل هالمدة رح اشتاقله واشتاق لحنيته ولحُبه وللسانه..

حتى من يغازلني احبه صح ميعرف يترومص عدل بكل وقت بَـس والله عسل عندي المهم احس بمشاعره صادقه ولطيفه بالنسبة الي..

غمضت عيوني وتذكرت جنطته لسه مرتبتهه گمت فتحت الكنتور وطلعت ملابسه اختاريتله ؏ ذوقي وحطيتهن بالجنطة وحطيتله جواريب وكُل المستلزمات اليحتاجهن وحطيت قوطية نوتيلا هم يمكن يكُعد بالليل جوعان وميلگه اكل يعجبه...

سديتهه وكترتهه ؏ جهة ورجعت لفراشي اللعب بموبايلي، اتصلت بأمي وتطمنت عليهه من تزوجت لسه استقرت ببيت خالة ايمان ولو بطلاع الروح ومتقبل بَـس خاله مقبلت تگعُد وحدهه...