ذيب بابل

نهايه الاحداث

قًصّصّ 📝وَبّسِ🪐:
#ذيب_بابل

بقلم: زهراء السلامي

[نهاية الاحداث 😍]

وچان خلصت قصة "ذيب بابل" الي عشنه وياهم وضحكنه وبچينه واحترگ دمنه وتعاركنه وقسم احداث صدگنه وقسم مصدگنه من تعقيدهه وتشابكهه..

هالقصة بالذات چانت من اصعب القصص التجيني وذكرت من قبل ؏ الانستا رفضتهه لصعوبتهه وخطورتهه بَـس اكو ناس عزيزين عليه لحو وگالو انتي ان شاء الله گدهه اخذيهه ♥️..

اخذتهه وبديت اسرد واعيش وياهم واكو بدو يكذبون الاحداث وميصدگون، مهتميت المهم اني مقتنعه وكُل الادله ؏ صحة كلامهم عندي وبصمات الي بصوت داغر موجوده وبالضبط هنه 18 بصمة يشرحلي عن بعض الاحداث المروا بيهه وحتى ؏ شغلهم بَـس ماتعمق..

چنت اتواصل وياه من رقم لُباب لان بطبعي ماحچي ويه البطل بشكل مباشر استوووحييي 🙈😂..

انششششلع گلب گلبنه ياله ينطينه الحدث نظل نتوسل وهوه قافل 🥲 مابي حيل واغلب الاوقات النحچي وياه من 12:30 بالليل وفوگ تخيلو من گد ما مشغول لُباب تگول منشوفه ويرجع هلكان تعب يسولف شويه ويحط راسه وينام

ومرة من المرات چنت دازه كم سؤال بخصوص البارتات الاولى وفجأة اتصلت عليه لُباب هاي ساعه بالوحده بالليل جاوبتهه والصدمة طلع داغرررررر 😭😂 ولُباب بصفه هيه لحت عليه يتصل حتى يفهمني اوضح وماحچيلكم ؏ الخجل والفشاله العشتهه ظليت ارجف حتى الأسألة طارت من راسي

وصراحة راحة شبابزز هوه صوته كُلش خشن ينزز ونبرة صوته عبالك يريد يتعارك وياچ بالبدايه گلت لـ لُباب رجلچ ممتحملني ومطايق نكتب قصتكم، ضحكت وگالت ولچ لاااا هوه يحچي هيچ ويه الكل بطبعه عصبي بالحچايه ومن يتحمس تحسين راح يهجم عليچ ويطلع حرگته بيچ 🥲

حچه هواي شغلات واحداث خطيه چان يتثاوب من التعب ولُباب تنگ ؏ راسه وطنگرت ياله قبل يسولف ورياحين تگمز ؏ روسهم وصوتهه طالع بالبصمة واضح وهيه تحچي ويه ابوهه وهوه يگوللهه لچ بابه انطينه مجال وهيه تعاند وتحچي فوگاه ابدددد متشبه لبوة بسوالفهه ابددد 😌😂

حبيت اشارككم ببعض البصمات وبالبدايه داغر قبل بَـس بعدين غير رأيه واكو هواي بنات سمعنه من يگول "شين شرطي" 😁 + چان يعجبني اسمعكم مداهرته ويه لُباب وهيه شلون تزعل عليه وهم ماقبل هاي كله طالع بالبصمة هوه باااارد ويجاوبهه بأستفزاز وهيه منفعلة اني من يمي گمت اگمز 🙂..

احب اشارككم هيچ تفاصيل حتى لو البعض يشوفوهه مو مهمة واكو يشوفوهه بسيطه بَـس دا اشوفكم شگد تحبون الابطال وتردون تعرفون اكثر عنهم ولو بيدي انشر حياتهم كلهه بَـس عيب من الفشله 🥴

ملاحظة: لُباب اسمهه الحقيقي بالبداية غيرنه اسمهه لان داغر ماقبل بَـس بعد لَح وتنگ ليل نهار ؏ راسه ياله قبل وگاللهه بالضبط...