قًصّصّ 📝وَبّسِ🪐:
[البارت الثامن والاربعون]
-مااا مااا معليه اريدك تطلعني
-وين ولچ الدنيا مخبوصه
-داغر انته گلت توديني لشارع اربعين حتى اشتري بدلة لعرس صديقك ابو لدغه
-اني اجيبلچ
-مااااااا
-وجعااا كافي لُباب راسي راح ينفجر اريد انطمر
-شنو تناام وموعددي ويه دكتور بدر اليوم
-اهوووووو
-شنو هاي شبيك دودايتي
-خليني انام وبعدين نسولف
-لعد نام وحدك ديلاااا
گمت من الچربايه مطنگرة ونزلت جوه يم خاله البارحة داغر گلي بعد يومين عرس ابو لدغه وعازمنه كلحنه، بالي كله ويه تبارك حتى ؏ اتصالاتي متجاوب ردت اروحلهه وداغر تخبل عليه ممنوع ما ممنوع عاد گعدت وسكتت..
-خاله اليوم الدكتور رح يجينه مگال ساعه بيش؟
-اي يمه گال ؏ السته المغرب يجي
-بَـس بالسته داغر طالع!!
-چا شنسوي ماعنده غير هالوكت
-ماشي
رحت للاستقبال نظفتهه ولمعتهه، انكسر ظهري وبالاخير خاله اجت شايله مبخره دهن عود تريد تبخر...
-لاااا خاله لاااااا يبوووو
-ياا هاي شبيچ لُباب
-عززا حَ تقيأ شلوون تتحملوهه انتوو
-تدرين هذا البخور بيش!
-خاله صرتي داغرر كلما احچي وياه ويگول تدرين هالعطر بيش!
-اي لان غالي نشتري بالمثاقيل
-انوووب
-دتعاي شمي يخبل
-لا خاله اني اگول طفي واني اعطر الاستقبال بمعطر الجو يجنن
طلعت من الاستقبال تدردم معاجبهه ميخالف المهم ميبخرون بهذا الشي المقرف، كملت ترتيب ورحت اسوي كيكة اريد اللهي روحي حطيتهه بالفرن وگعدت اتابع مسلسله بالصاله..
رجعتلهه چانت مستويه ستوني داطلعهه من الفرن ونزل داغر مبدل من فوگ..
-هاا داده شو طالع؟
-چا اگابلكم؟
-لا بَـس شعجب متبقى من يجي الدكتور
زفر قوي وغمض عيونه مال واحد راح ينفجر..
-بَـس فهمممني متگدر تأجل هالشغل داغر!!
-ماگدرر لو اگدرر اعوفچننن ويااه وحدچننن من انعل ابو عيشتي
-هسه شبيك معصب يا جبيبي ترا السالفه متسوه
-اوي داده عود صودوك؟
