قًصّصّ 📝وَبّسِ🪐:
[البارت التاسع والعشرون]
تنويه🚫: مُمكن مواضيع هالبارت لا تُناسب جميع الفئات العمريه...
مثل گطرة ماي تحلى الدنيا بوجودچ ♥️..
✩✩✩✩✩ ✩✩✩✩✩
-سحر: ولك يمه ذيب وين صرت؟؟؟
اجاني صوته تعبااان والهَم مالي اوتاره الصوتيه...
-جاي يام
-سحر: ظل بالي وليدي شبييك؟؟
-ماكو شي جاي مسافة الطريق
سد الاتصال قبل لا يودعني نفس عادته گلبي مردني ؏ هالولد شلون بي شوكت الدنيا تضحكله..
كلما احسه تحسن وصار يضحك واشوف الدنيا حلوة بعيونه الكحيلات ماكو كله چم يوم ولازم يصيرله شي يكسره ويرجع نفس گبل واسوء...
گمت اشوف البنات نامن لو بعدهن طبيت لغرف وحده وحده وكلهن غاطات بنومهن چن ملائكه اغديلهن فدوات احبهن اكثر من روحي واذا وحده منهن مرضت لو بيدي من عافيتي تندار لعافيتهه..
هنه صح بنات حمايه بَـس اني الربيت والتعبت والگمت بيهن خصوصاً نجمه هاي احسهه بت بطني اتذكر من چانت جاهله حتى اخليهه ترضع بصدري حتى لو ماعندي حليب بَـس چنت اتمنى اجرب الشعور..
داغر چان يرفض صدري ومايتقبله حتى توصل بي يفرفففح عادةً الجهال البعمره ينضحك عليهه يشوفون صدر ام يكيفون حتى لو چان فارغ ومابي نقطه حليب اله هووه من صغره چان فطين ونبه وماينضحك عليه..
گمت اسويله عشه اكيد جاي هلكان جوع، موعت اللحم ووگفت اگلي البتيته وطفر دهن ؏ ايدي..
شاغت روحي الم وطگيت بچي.. مابچي لان ايدي احترگت لاا ابچي ؏ صديقة عمري الي بعد يومين تصادف سنوية وفاتهه...
رحت للصاله ارتاح من نوبة البچي الهد حيلي واجت ببالي هاي الذكرى المرت مثل الشريط السينمائي ببالي...
قبل اكثر من ثلاثة عقود...
اصوات صرخات تتعالى وبچي امراءة ضعيفة مهشمة مكسورة خاطر ضعيفة حال...
-فتحية: سحرررر راااح اموووت ما اتحمل بعد، دخيلج سححححرررر
-سحر: على بختج فتحية شجاچ خيية ... يلا حاولي مرة ثانية لا الطفل يموت ولچ راح يموووت
-القابلة: دفعي فتحية الطفل راح يختنك
-فتحية: ماااگدر ماااااگدررر خلييي يموووت احسن ما يجي لهلدنيا الغبرررة ويعيش مكسوور نفس اممممه
-القابله: وللللچ دفععععععي ماااات الطفللللل
اسمع صرخاتهه ودموعي ينزلن وية كل صوت تصيحه اشوف روحهة تطلع ؏ البطيء، اخيراً وطرب مسامعي صوت بچي طفل ضحكت بفرحة من بين دموعي واني اشوف القابلة شايلته من رجليه وتدگ ؏ خلفيته وگطعت الحبل السري..
