قًصّصّ 📝وَبّسِ🪐:
[البارت الواحد والخمسون]
احوالي كلهه تخربطت من يوم قريت رسالته لليوم وهاي مشت اربعة ايام داغر ميجاوب ؏ اتصالاتي ولا يشوف رسائلي واني باقيه هنا متگلايه تگلي من القهر..
اتصلت بخالة علساس ارجع حتى نروح للشيخ وگالت هيه مريضه متگدر فَـہ رح نأجلهه ليوم الجمعة الجايه معناهه اني باقيه هنا يم امي الي تروح وتجي تسألني شبيه وليش وجهي اصفر وليش ذبلانه وتعبانه، اجتني العصر شايله گلاص عصير بأيدهه تقدمت ناحيتي وحچت بصيغة اهتمام..
-لبوة بنتي خاف حامل انتي؟
-لا ماما
-حللتي؟
-لا بَـس ممتأخره عليه
-زين شبيچ فهميني مو والله گلبي خلص من تزوجتي لليوم انتي شحالچ لا اكلچ مثل الاوادم لا نومتچ شجاچ امي!
-تعبانه كُلش
-من شنوو منو وياچ؟؟
-كلهه ملتمة عليه احس روحي مخنوگه مدا اتحمل اني غلطت من طلعت بنص الليل هالشكل بَـس والله يا ماما خفت متت من الخوف ماريد اسولفلچ الصار بَـس اختصرلچ دا اتخيل شغلات واحس احد يتبعني ماعرف شسوي بروحي
-نروح لشيخ بالكاظميه حبيبتي هذا خوش رجال هوه شيخ مُعمم الناس كلهه تحمد بي
-لا خاله گالت تاخذني للنجف هذا واحد بالحوزة العلمية واصل مرحلة الاجتهاد يفتهم بالشغلات الروحانيه رح اسأله واشوف
-لعد يله بعد احسن شوكت ترحون؟
-الجمعه
-زين وجلساتچ ويه الطبيب النفسي شوكت تكملين؟
نزلت راسي وحصرتني البچيه احتاج افضفض رح اطگ، نزلت دمعتي ومسحته بساع..
-مادري
-ليش تبچين لُباب منو وياچ داغر؟
-لا ماما داغر ماكو منه بَـس هوه هم تعبان اريده يرجع بالسلامه حتى يتعالج من الوسواس
-احچيلي لُباب اني امچ سولفيلي فضفضيلي
-ماكو شي حُبي، ماما برأيچ احاچي الدكتور ازوره بعيادته هنا ببغداد لان هوه هنا هالفتره؟
-اي يله علواه حتى اجي وياچ
-ماشي انطيني موبايلچ اتصل منه
-هاچ
اتصلت دگيت مرتين ياله جاوب، اتفقت وياه ازوره بالعيادة گال هاي مو اله العياده مال صديقه بَـس اگدر اجي انطاني موعد بالسبعه المغرب ارتاحيت ؏ الاقل اگدر اسولف وما اكبت بداخلي..
گمت اساعد سَمر بتجهيز غراض عرسهه مبقاله شي ومخبوصين، رتبت وياهه لحدما صار وقت موعدي گمت ابدل ملابسي لبست سوت رياضي لونه وردي فاتح وتران شوز وياه اريحلي..
