ටොක්සික් | T O XI C [ Complete | Novel + Sequel ] [ Ongoing New Version ]

-09-

                 " අනේ ශානු අක්කි..! විනාඩි පහකට දෙනවකො ඕයි.. "

    " කේශු.! ඔයා හුරතල් කර කර ඉන්න වෙලාවක් නෑ බබා මට. කා' එක ඔයාගෙ අතට දෙනවා කියන්නෙම නඩුවක්. "

     " හරි හරි.. තියාගන්නවා අනේ.. තාත්ති බර්ත්ඩේ එකට කා' එකක් අරන් දෙයිනෙ.. "

     " Stop trying to guilt trip me! God.. ! තමුසෙ ගිය සතියෙත් බයික් එක ඇක්සිඩන්ට් කරා. අමතකද?! "

       " හරි ඉතින් .. තාම චූටි කොල්ලනෙ.. ඒක කන්ට්‍රෝල් නැතුව ගියා.. කා එක ඒ වගේ නෑනෙ ඕයි.. "

     " මං කියන්නෑ ඉතින් චූටි එක.. ආහ් ආහ්.. ගන්නවා. විනාඩි පහයි! හැබැයි මගෙ කා එකට මොනාහරි කරොත්.. Just one scratch... you are dead.. තේරුණා නේහ්? "

    " මං හිතුවා අහිංසක මට මොනාහරි වෙයි කියලා කා එක දෙන්නෑ කියල.. "

" අනේහ්! බොට මොනා උනාම මට මොකද? Just not my babygirl.. "

    " Im gonna ride your babygirl.. "

" shut up and get in already! දවසම නෑ මට.. "

             කලු පැහැ සුඛෝපභෝගී මෝටර් රියේ රියැදුරු අසුනට ගොඩ වන විට කේශුට දැනෙන්නේ අමුතු සතුටකි. සොලොස් විය ද පසුකළ පසුත් ඔහුට රියැදුරු බලපත්‍රයක් කිසිදාක හිමි නොවීම පිළිබඳව වගකිවයුත්තේ ඔහුගේ වැඩිමල් සොහොයුරා ය.

      " අයියට දාසය වුන ගමන් ලයිසන්ස් අරන් දීල වුණ හරිය මට අමතක නෑ කේශු! තමුසෙට නම් ඒ වැරැද්ද කරන්නෑ මම.. " මවගේ අවසන් තීරණය සිහිවන විට කේශුට සිය වැඩිමල් සොයුරා ගැන දැනෙන්නේ කෝපයකි. නමුත් ඇයගේ තීරණ වෙනස් කිරීම කේශුට තබා ශක්‍රයාටවත් කළ නොහැක්කකි. අයියා දැනටමත් කර ඇති වැරදි වලට තමාට දඩුවම් විදීමට සිදු වන්නේ ඇයි? ඒ ගැන සිතීමට වත් ඔහු අකමැති විය.

             " හෙමින් යනවා.. "

" මීටත් වඩා හෙමින් ඉබ්බෙක්වත් යන්නෑ.. "

   " කේශු! Slow the f#ck down! "

       " කෑ නොගහ ඉන්නවකො අක්කි.. " කේශු වේගය මදක් වැඩි කලේ සුක්කානම අතට ගත් පසු සිය ඥාති සොයුරියට සවන් දීමක උවමනාවක් ඔහුට නොදැනුනු හෙයිනි.