" බබා නංගිව බලන්න ටිකක්.. "
කේශු සිටියේ හේශාරූගේ නාන කාමරය පිරිසිදු කරමිනි.
ඔහු කුඩා ළදරුවන් දෙදෙනා සිය වැඩිමල් දරුවාගේ ඇදේ නිදි කරන අතර හේශාරූ ද ඔහුගේ නැලවිලි ගී නාදය මැද නිදිකිරා වැටෙමින් ඔවුන්ට තුරුලු වූයේ කේශුගේ අතක් බදාගෙන ය.
විසල් සයනය මැද දරුවන් තිදෙනාම නින්දට වැටුණු පසු කේශු හේශාරූගේ හා ළදරුවන්ගේ අතර පුලුන් පිරවූ ටෙඩිබෙයාවෙකු තැබුවේ හේශාරූ නින්දෙන් පෙරලෙන්නට ඉඩ ඇති බව දැන සිටි හෙයිනි.
ඉන්පසු දරුවන් තිදෙනාම වට කර ඔහු කොට්ට හා බ්ලැන්කට් ඇසිරුවේ දරුවන් තිදෙනාම පොරවනයකින් ආවරණය කළ පසුව ය.
ඔහු හේශාරූගේ මුහුණ වසාගත් ඝනකම් කොණ්ඩය අතින් ඈත් කර ඔහුගේ මුහුණ නිරාවරණය කරගත්තේය.
" මගෙ වලස් තොප්පියා.. " ඔහු හේශාරූගේ කම්මුල අතගෑවේය. එය ඉතා සිනිදු විය.
පෙරදින තේජාන් සහ හේශාරූ වාද කරගත්තේ මේ සිනිදු කම්මුල් නිසා ය. කේශුගේ තොල් සිනහවකට හැරුණේය.
හේශාරූ මුහුණ කසමින් තේජාන්ගේ ඔඩොක්කුවේ හිදගත්තේ තේජාන් අතේ ඇති පත්තරය නවා පසෙකට විසි කරමිනි.
" අප්පච්චි මූණ කසනවනෙ... "
" ඇයි?.. මොනාහරි කෑවද? කෝ බලන්න "
" රැවුල හලෝ කසන්නෙ.. "
" කොහෙ තියෙන රැවුලක්ද?... "
" මේ තියෙන්නෙ...! "
" ඕකටද රැවුල කියන්නෙ? "
" නැත්තං අහවල් එකේ තියෙන රැවුලටද?! "
" කට තලාගන්න එපා මට කියල.. "
කේශු සවන් දුන්නා පමණකි. ඔහු දරුවන් දෙදෙනාට කිරි පොවමින් සිටියේය.
" රැවුල කපන්න දන්නැද්ද තාම?... සුදුමහත්තයා කපාගන්න ඇති මූණ ඒකයි දන්නෙ කහන්නෙ.. තාත්තිට කියල කපවගන්න. ඔයාට බෑනෙ. "
YOU ARE READING
ටොක්සික් | T O XI C [ Complete | Novel + Sequel ] [ Ongoing New Version ]
Romansaඔව්.. තේජාන් කියන නම එක්ක කවදාවත් පරාජය කියන වචනෙ කියවුන්නෑ... ඉගෙනගන්න ලංකාවෙ හොදම ඉස්කෝලෙ තෝරපු. .. පදින්න හොදම වාහන තෝරපු.. අදින්න යට ඇදුමත් බ්රෑන්ඩඩ් ම ඒවයෙන් තෝරපු තේජාන් ආදරේ කරන්න කොලිටියෙන් බාල මනුස්සයෙක් තෝරන එක හීනයක්.. ඔව් .. ඒක හීනයක්...