ටොක්සික් | T O XI C [ Complete | Novel + Sequel ] [ Ongoing New Version ]

| TOXIC BUTTERFLY EFFECT | • 20 • |

" තෙමෙනවා. යං! "

    " අයියෙ අරයා පව් හලෝ.. "

සුනඛ පැටවා පිලෙහි මුල්ලක නොතෙමී සිටින්නට ගුලි විය. ඌ කන්කෙදිරි ගෑවේ සීනු වැනි සුමිහිරි උස් ස්වරයකිනි.

       වාහනය නවතා තිබුනේ අවන්හලට අඩි පහක් පමණ තබා ය. ඒ දුර වැස්සේ තෙමෙන අභියෝගය තේජාන් බාරගෙන තිබුණි. ඔහු කේශුට ඉදිරියෙන් ගොස් දොර විවර කළේ ලාබාල තරුණයා අඩු කාලයක් තෙමන අරමුණෙන් විය යුතුය.

    එහෙත් ඔහු විවර කරගෙන සිටින දොර ගැනවත්.. වැසි දියෙන් තෙතබරිත වන ඔහුගේ ඇදුම් ගැනවත් නොතැකූ කේශු කුඩා අත්වැටෙන් පැන ගොස් සුනඛ පැටවා අසල දණ නැව්වේ ඔහු සිය කමිසය ඉදිරියට ඇද එයින් ආවරණය කරමිනි.

    තේජාන් ඔහු අනුගමනය කර අත්වැටෙන් පැන්නේ ය. කුඩා ඉඩක් ඇති පිලට ගොඩ වූ ඔහු දණින් සිටින කේශු දෙස බැලුවේ අහස දෙස ද බලා ය.

     අකුණක් වැදෙන හඩින් කොල්ලාත් බල්ලාත් උඩ විසි වූහ.

  " කේශු. මොකද කරන්නෙ?! "

      " මෙයා ගෙනියමු ඈ?.. ! "

විරුද්ධ වෙන හේතුවක් තේජාන්ට නොවීය.

     " තමුසෙගෙ අම්මා තමුසෙ පට්ට ගහයි. "

     " නෑ නෑ. මෙයා නාවල ticksලට මොනාහරි දැම්මම හරි.. "

    " ටික්ස්ල රෙද්ද අස්සෙ රිංගයි. කෝ ඉන්නවා. "

තේජාන් කේශු පසෙකට කර වඩා හෙවන හසිත ඉඩට ලං කර බලුපැටවා අතකින් ඔසවා වාහනය වෙත ගියේය. ඌ වාහනය පිටුපසට ගොඩ කරවා ආපසු හැරෙන විටත් කේශු තෙතබරිත ඇදුම් සමඟ මඟී අසුනට ගොඩ වෙමින් සිටියේය.

      දුඹුරු පාට වල් බල්ලා කේශුගේ ඔඩොක්කුවට වහා නැග සන්තෝශයෙන් පිරි මුහුණින් යුතුව කේශුගේ වැහි බේරෙන කම්මුල් ලෙවකා කෘතගුන දැක්වූවේය. හීනි වල්ගය බමරයක වේගයෙන් රවුමට ටවුමට කැරකුණි. කේශු අපවිත්‍ර සුනඛයා අත්වලින් අතගාමින් හුරතල් කරන දෙස තේජාන් බලා සිටියේය.