«القوه التي اتظاهر بها امام الجميع تتلاشي في حضرتك»
وصل نوح ل منزل اخته آيه مع وعد وقبل الدلوف للبنايه التف ل وعد ليقول
_ آيه ف فتره صعبه جدا دلوقتي ياريت تفضلي معاها
وعد امسكت بذراعه: طب وانا وانت
نوح: انا مش قادر.... طاقتي خلصت لما اقدر اني اعاتب واتكلم هنتكلم ياريت تقدري الموقف الي احنا فيه وتقدري ان امي اتقلت ولو كنتي بتحبيني فعلا اثبتيلي ده
دخل نوح بيت اخته ليردف فتحي بقله حيله: انا حاولت بس مفيش غيرك اللي هيديها
نوح ربط علي كتف فتحي: ان شاءلله ربنا هيصبرنا ونعدي من كل حاجه
فتحي: ربنا يصبرك ياصاحبي وحياه حبي ل اختك ل هجيبه مذلول تحت رجليك
نوح: ان شاءلله... انا هدخلها وانت خد وعد واستنو فالعربيه وكلم عز وسناء عشان يلحقو يجيو
************
دخل نوح غرفه اخته وجد عيونها منتفخه اثر البكاء و فور ان استقرت عيونها عليه قفزت ل حضنه
نوح اخذ يمسد علي شعرها: بس اهدي كفايه عياط
آيه: ازاى بس
نوح: العياط لو هيرجعها والله اقعد جنبك واعيط بس العياط مش هيعمل حاجه انا عارفه انه صعب بس انتي لازم تبقي اقوي من كده وتاخدي بالك من صحتك و صحه البيبي
آيه: كانت هي اللي هتاخد بالها من صحتي وتقعد تصرخ عشان اكل وادلع عشان اعصبها هتدلع علي مين دلوقتي ومين يصحيني ويقولي خدي بالك من نفسك وترجع تقولي انا عملت كل حاجه نامي انتي ومين يقعد معايا نشرب الشاي سوا ويقولي معلش فتحي مضغوط واستحملي وخليكي كويسه معاه ماما مبقتش موجوده حاسس بالي جوايا حاسس بالفراغ الي انا فيه
نوح كفف دموعها واحتضنها: هتعيشي مع البنات الفتره دي هيهتمو بيكي وتصبرو بعض وتبقي اقوي ماما مش هتتعوض بس هي الدنيا كده كل شويه حد هيمشي
آيه تشبثت في حضن اخيها: بس انت مش هتسيبني ولا فتحي صح
نوح قبل رأسها: اوعدك مش هنسيبك بس دلوقتي انا طالب منك تلبسي وتقفي مع البنات وتدعي ل ماما وبس
آيه بغصه ف حلقها: طيب مش هشوفها ل اخر مره
نوح: مش هينفع خلاص يلا ياحبيبتي عشان كله مستني تحت
كانت آيه هذيله غير قادره علي التحرك بصوره طبيعيه ف ساعدها نوح قليلا وانتظر حتي خرجت له لتقف في عزاء والدتها
*****************
كانت سناء ووعد ملازمين ل آيه وايضا العديد من صديقاتها يخففو عنها ما حل بها قالت سناء:آيه احنا معاكي كلنا ومش هنسيبك والله وهنفضل نهتم بيكي ومش هنبعد صدقيني احنا دلوقتي ملناش الا بعض... انا مامتي مشوفتهاش والي ربتني كانت خالتي مامت وعد وفقدنها من مفيش ومش هقولك حد فيما نسيها بنفتكرها وننبسط بذكرياتنا معاها وندعيلها بالرحمه واحنا متأكدين انها فرحانه بينا واننا جنب بعض زي ماهي بتتمني انتي كمان مامتك دايما كانت بتتمني تكوني انتي ونوح سند ل بعض لازم تكوني اقوي من كده وتعاندي الحزن اللي جواكي وتتغلبي عليه
آيه: نوح صعبان عليا فعلا مش بيعدي يومين وربنا بيمتنحه امتحان اقوي من اللي قبله ربنا يقويه
وعد: ربنا يقوينا كلنا
لم تردف سناء وآيه ب اي رد لتخرج وعد للجانب الاخر الخاص بالرجال
*********
وقف نوح وفتحي وعز وباقي الفريق صف متناسق ليردف نوح ل ياسر: طمني صلاح حالته اي دلوقتي؟
ياسر: ادعيله ياقائد الرصاصه مخرجتش وهيعيش بيها ولحد دلوقتي ف العنايه مش عارفين نطمن عليه
نوح: صلاح اسد هيعدي منها وهيقوم ويبقي احسن
عز: المهم دلوقتي انت ياقائد.... متصور اكيد هيستفزك الفتره الجايه ومش عايزين نسيبله فرصه ل كده
نوح: لا ده منصور ده حبيبي ده شغلتي بعد كده
فتحي: مينفعش يانوح احنا شغلنا حاجه وحياتنا حاجه تانيه
رفع نوح حاجبه مستنكرا ليلمح بطرف عينه ذلك اللعين يأتي من بعيد ليهلل نوح بصوته: منصوور باشا اهلا اهلا
منصور: شوفت غلاوتك عندي انا عمري ماروحت عزا حد
نوح: شرف ليا بس وعد مني مش هتكون اخر مره تحضر عزا ووقتها انا اللي هجيلك بنفسي
منصور نظر له بتحدي وهتف في الحاضرين: ربنا يجعلها اخر الاحزان ويحفظكم ل اهلكم وركب سيارته وهو ينظر ل نوح بتشفي
ليردف ياسر: قذر... يقتل القتيل ويمشي ف جنازته
فتحي: شهيده...... بس مش مشكله الجاي هيخليه فرحان اوووي
نوح: المهم البنات تقعد ف مكان واحد ويبقي معاهم حراسه... ياسر انت المسؤل عن الحراسه بنفسك
ياسر: اوامرك ياقائد
أنت تقرأ
نصفي الأخر (مكتمله)
Romansa"سمعت كثيراً ان النجاح اوله البدء من جديد من نقطه وقوفك قررت ان ابدأ من حيث انتهينا ياوعد قلبي وحياه سليم وعمر نوح وحبيبه العمر"
