Huang Renjun
...........
" If I ain't got you " ကျွန်တော်သိပ်နှစ်သက်ရတဲ့ သီချင်းလေး။
ဒီသီချင်းကိုတီးရင်း ညည်းရုံလေးညည်းနေတဲ့ Jenoကိုကြည့်ပြီး သဘောတကျပြုံးမိတယ်။
အမြဲလူဆိုးလုပ်နေတဲ့သူကလည်း ဒီလိုမျိုးလှလှပပသံစဥ်လေးတွေထွက်လာအောင် တီးနိုင်တာပဲ။
ကျွန်တော် ဒီသီချင်းကိုကျောင်းတုန်းက တူရိယာလေ့ကျင့်ခန်းမှာ တစ်ယောက်တည်း စန္ဒရားတီးကျင့်ဖူးတယ်။
သူကတော့ မသိနိုင်ပေမယ့် Lee Jeno ကို ရည်ညွှန်းပြီးတီးခဲ့တယ်ပေါ့။
"But everything means nothing if I ain't got you "
သည်စာသားလေးကို ကျွန်တော့်နှလုံးသားတစ်ခုလုံးနဲ့ ခံစားပြီး လိုက်ဆိုခဲ့ပေမယ့် အခုတော့ မဆိုနိုင်တော့ဘူးပဲ။
ကျွန်တော်က သေဆုံးသွားပြီးသားဖြစ်တဲ့အတွက် ပိုင်ဆိုင်ခွင့်ဆိုတာ မရှိတော့ဘူးလေ။
ဒီလိုဆိုတော့ လူသားဘဝတုန်းကဆိုရင်လည်း ပိုင်ဆိုင်ခွင့်ဟာ သိပ်ကိုနည်းပါးခဲ့ပါတယ်။
ကျောင်းရဲ့ မင်းသားလေးက ကျွန်တော့်လို ချောင်တစ်နေရာမှာကပ်နေတဲ့ သာမန်ကျောင်းသားလေးကို ဘယ်လိုလုပ် ချစ်ကြိုက်မလဲနော်။
စန္ဒရားသံတွေလွှမ်းမိုးထားတဲ့ ဧည့်ခန်းထဲကို ဖုန်းမြည်သံကြောင့်တုန်ခါနေတဲ့ ဖုန်းကနှောင့်ယှက်လို့လာတယ်။
ဖုန်းကိုကောက်ကိုင်လိုက်တဲ့ Jenoမျက်နှာက မကျေမချမ်းဖြစ်နေတယ်။
ဘယ်သူဆက်တာမို့လို့ပါလိမ့်။
" ဟယ်လို Jeno "
Speakerဖွင့်ထားတဲ့ ဖုန်းထဲက အသံလေးက နူးနူးညံ့ညံ့လေး။
" ပြော "
မိန်းကလေးရဲ့အသံဟာ ညင်သာနေသလောက် Jenoလေသံကတော့ မာထန်လို့နေတယ်။
သူဖြတ်လိုက်တဲ့ မိန်းကလေးဖြစ်မယ်။
Jeno ဟာလေ ကျွန်တော့်အကျင့်တွေနဲ့တော့ တခြားစီပဲ။
