[ Unicode ]
အတိတ်တစ်နေရာက နေ့ရက်တချို့ဆီ ပြန်သွားကြည့်ကြမလား ...
×××မှန်တံခါး ပွင့်ပြီးသွားတာနဲ့ တစ်ပြိုင်နက် ခေါင်းလောင်းလေးဟာ မြည်ဟီးသွားတယ်။
Renjunတစ်ယောက် ကြောင်နနနဲ့ ရပ်ကြည့်နေမိခြင်းရဲ့ အကြောင်းပြချက်ဟာ Lee Jenoဖြစ်နေခဲ့တယ်။
တိတ်တခိုးချစ်နေရတဲ့ Lee Jenoက သူအချိန်ပိုင်းလုပ်နေတဲ့ ကော်ဖီဆိုင်လေးထဲရောက်နေတယ်လေ။
ပျော်ရွှင်မိပေမယ့် နည်းနည်းတော့ရှက်ရွံ့မိရပါတယ်။ ဒါပေမယ့် ဘာကို ရှက်ရွံ့နေတာလဲ။
Lee Jeno က သူ့ကို သေချာတောင်မသိပါပဲနဲ့လေ။
ကောင်တာမှာ လက်ထောက်ပြီး ဘာမှာရမလဲစဥ်းစားနေပုံရတဲ့ Lee Jenoက အချိန်ဆွဲလွန်းနေပြီ။
" Chocolate Milkshake တစ်ခွက် "
Renjunအလုပ်လုပ်နေတဲ့ ကော်ဖီဆိုင်လေးဟာ လူသူသိပ်မလာတဲ့ ခပ်သေးသေးကော်ဖီဆိုင်ပါပဲ။
သည်ဆိုင်လေးမှာ သူရယ် ၊ Jeno ရယ် ၂ယောက်ပဲရှိနေတယ်။
Chocolate Milkshake တစ်ခွက်ပဲမှာထားတဲ့ Jenoတစ်ယောက် ဆိုင်မှာထိုင်နေတာ အတော်လေးကြာနေပြီ။
ခွက်လေးထဲမှာလည်း ရေခဲတုံးတောင်မကျန်တော့ပါဘဲ မပြန်သေးဘဲ ဖုန်းတစ်လုံးနဲ့ အလုပ်ရှုပ်နေလေရဲ့။ အဲ့ဒီလိုဆိုတော့ ကော်ဖီဆိုင်မှာ ဝိုင်ဖိုင်အလကားပေးထားတာလည်း မဟုတ်။ အချိန်အတော်ကြာမှ သူပြန်သွားတယ်။
အဲ့ဒီနေ့က Jenoဟာ
Renjunကို မြင်ချင်လို့ ကော်ဖီဆိုင်လေးဆီ တကူးတက လာခဲ့တယ်ဆိုတာရယ် ...
Renjunရှိနေတာကြောင့် ကောင်တာရှေ့မှာ မိနစ်အတော်ကြာအောင် ရပ်နေခဲ့တာရယ် ...
Renjunကို အချိန်အကြာကြီး တိတ်တခိုးငေးကြည့်နေချင်ခဲ့လို့နောက်ကျမှ ပြန်သွားတာရယ် ...
ဒါတွေကို Renjun သိခဲ့ရင်ကောင်းမှာပဲနော်။
●