بنت بفله عيال

part "1"

جالسه بالغرفه وتفكر من وين تجيب الايجار بعد ماجاء صاحب البيت وهزاها وقال بيطردها ان ماجابت الايجار

لمى تكلم نفسها: وش الحاله الحين لازم ادور ع شغل بالله مين بيوظفني عنده حدي اشتغل خدامه وانا كرامتي ماتسمح لي بس لازم اشتغل عشان اكل واعيش وادفع ايجار هالخرابه الي ساكنه فيها اخخخ على ايام الميتم ماكنت اهتم بايجار ولا باكل ولا بشيء بس ويعع على ايام الله لايعيدها كانت فريده"مديرة الميتم" تورينا الويل بس ع الاقل كنت راسي والسماء ما اهتم شيء بس الحين انا خرجت ابي اخذ حريتي بستانس بعيش حياتي اخخخ وش من حياه وانا ريال ماعندي اممم الفلوس بتجي بس ابي شغله محترمه لكن خدامه مستحيل اجل ايش بشتغل بمجتمعنا مافي وظيفه سنعه للمره كلهم للرجال ههههه والله جبتها ليه ما اصير ولد عشان اتوظف وظيفه سنعه

لمى قامت تدور مقص اخذت المقص وبدت تقص شعرها : هذي اول خطوه وخلصناها

حزنت على شعرها: ماكان ودي اسوي كذا بس بمجتمعنا هذا حقوق المرأة ضايعه يعتبرون المرأة شيء زايد بالمجتمع مالها الحق تسوي اي شيء لاتطلع لا تلبس لاتشتغل لاتستانس كل شيء عيب وممنوع واذا شافوك ضعيفه ماوراك سند استغلوك ومافكروا فيك لانهم عارفين انك مره ضعيفه ماتقدرين تسوين شيء "تنهدت" انا ماعاد اتحمل عيشه الفقر هذي عيشه المحاصره ابي اعيش بحريه والي ببالي اسويه ابي اعيش حياتي الي صارت سوداء من الميتم ابي اعيش استانس ارتاح اغامر ماتتكرر الحياه مرتين والله برافو عليكي يالموو عيشي حياتك هههه راحت اخذت بنطلون وفنيله ولبستهم وطبعا ماكانوا يبنوا انهم بناتي او ولادي لانه ملابسها من الميتم فيشترون شيء مشترك بين البنات والشباب ويوزعهم بين البنات والشباب: اي كذا خليني استانس ما اخاف ما اتردد اي شيء ببالي اسويه اعيش حياتي اغامر الحياه تجارب خلوني اجرب ونشوف ايش يصير معايا
ابتسمت وهي فرحانه من قرارها بتعيش حياتها وبترمي كل شيء وراها ولا بتهتم بشيء تعبت كثير والحين صار وقت الراحة والحريه

لمى: واي بخرج بدون عبايه هههه يازينه من شعور الحين شسمي لازم اسم ولد هههه صرت ولد اممم بسمي نفسي ليث الحين لازم انسى اني بنت لازم اتكلم بصيغه العيال وصوت رجولي هههه مايحتاج اصلا صوتي من الله خشن طول طفولتي مع عيال نلعب بالشارع احسني ولد ما اعرف حركات البنات هههه اجل خليني امشي ادور شغل

اعرفكم عليها
[لمى بنت شخصيتها قويه عربجيه ومره حركاتها مثل الاولاد طول عمرها بالميتم كان اكثر وقتها بالشارع لاجل كذا اخذت من صفات العيال كثير لكن عليها جمال يطيح الطير من السماء بيضاء وعيونها وسيعات ولونهم لوزي فمها صغير وانفها حاد طويله ونحيفه عمرها 18 خرجت من الميتم لانها وصلت للعمر المحدد انسانه فله مايهمها شيء وطول وقتها تضحك ]