ဝုတ်!! ဝုတ်!!
ကျွန်တော့်သခင်တို့ အိမ်ဘက်ကို မျက်နှာမူပြီး ကျွန်တော်က တဝုတ်ဝုတ်နဲ့ တကြော်ကြော်အော်နေမိတယ်။ နောက် မကြာလိုက် အဲ့လို အော်နေတဲ့ ကျွန်တော့်အနားကို ရှမ်းကြီးက ရောက်လာပြီး ကျွန်တော့်ကို ပွေ့ချီလေတယ်။
"မင်းက အဲ့ဘက်အိမ်ကလား"
ရှမ်းကြီးရဲ့အမေးကို ကျွန်တော်က ဟုတ်တယ်ဆိုတဲ့သဘောနဲ့ တအိအိ အသံပြုလိုက်တယ်။ အဲ့တော့ ရှမ်းကြီးက ကျွန်တော့်ကို ဂရုဏာသပ်တဲ့ အကြည့်တွေနဲ့ ကြည့်ပြီး လည်ဂုတ်ကို ပွတ်သပ်ပေးတယ်။ အဲ့အချိန်မှာပဲ တစ်ဘက် ခြံစည်းရိုးအပေါ်ကနေ ကျွန်တော့်သခင်က ဘွားကနဲပေါ်လာပြီး
"သြော်... ရှမ်းကြီး ၊ လက်စသတ်တော့ တိုဘီက အဲ့ဘက်ရောက်နေတာကိုး"
"ဟုတ်တယ်။ ဒါဆို ဒီခွေးက ခင်ဗျားခွေးပေါ့"
"အင်း။ သူ့နာမည်က တိုဘီတဲ့ ၊ မနေ့ကမှ အိမ်ခေါ်လာတာ"
ကျွန်တော့်သခင်ရဲ့ စကားကို ရှမ်းကြီးက ခေါင်းတညိတ်ညိတ်နဲ့
"ကျွန်တော် အဲ့ဘက်ကို လာပေးရမလား"
"အာ ရတယ်ရတယ်။ အဲ့ကနေပဲ ပစ်ပေးလိုက်လေ ကိုယ်ဖမ်းလိုက်မယ်။ ဒါမှမဟုတ်လည်း ခွေးခြေခုံရှိတယ်မလား အဲ့ခုံပေါ်တက်ပြီး လှမ်းပေးချင်ပေး"
"……"
"ဘယ်ဟုတ်မလဲ။ ကျွန်တော် ပစ်ပေးတာကို ခင်ဗျားက မဖမ်းနိုင်ရင် ဘယ်လိုလုပ်မလဲ။ ပြီးတော့ အိမ်မှာ ခွေးခြေခုံ မရှိဘူး"
"အထင်သေးလိုက်တာကွာ။ ပစ်မှာသာပစ်စမ်းပါ။ ဒီလောက်ကတော့ အောင်ကိုထူးမြတ်တို့က အပျော့ပါကွ"
"ခင်ဗျားပျော့တာကို ကျွန်တော်သိပါတယ်ဗျာ။ ဒါပေမဲ့ မတော်တဆဆိုတာမျိုးလည်း ရှိသေးတယ်မလား။ အဲ့တော့ ကျွန်တော် ခြံဝဘက်ကနေပဲ ပတ်ပြီး လာပို့ပါ့မယ်ဗျာ"
ပြောပြောဆိုဆိုနဲ့ ရှမ်းကြီးက ကျွန်တော့်ကို ပိုက်လျက်ပဲ ခြံအပြင်ကိုထွက်တယ်။ ခြံအပြင်ကနေ တောင်ဘက်ကို ခြေလှမ်းနှစ်ဆယ်လောက်လျှောက်ပြီးတော့ ကျွန်တော့်သခင်တို့ခြံဝကို ရောက်တယ်။
ခြံဝရောက်တော့ ကျွန်တော့်သခင်က ခြံတံခါးဖွင့်လျက် ကျွန်တော်တို့ကို ဆီးလို့ကြိုနေတာကို တွေ့လိုက်ရတယ်။ သူက ကျွန်တော်တို့ ခြံတံခါးအနား ရောက်လာတယ်ဆိုရင်ပဲ ရှမ်းကြီးလက်ထဲကနေ ကျွန်တော့်ကို လှမ်းယူလိုက်ရင်း ထိုင်ပါဦးလားတဲ့ ရှမ်းကြီးကို ဖိတ်ခေါ်တယ်။ ရှမ်းကြီးကလည်း နှစ်မိနစ်လောက်တော့ ထိုင်မယ်လေတဲ့ ပြန်ပြောပြီး ခြံထဲကိုဝင်တယ်။ ပြီးတာနဲ့ ကျွန်တော့်သခင်နေရာချပေးတဲ့ ခြံထဲက သစ်သားခုံရှည်လေးပေါ်မှာ ဝင်ထိုင်လေတယ်။
"ဘယ်နှစ်တန်း တက်နေတာတုန်း"
ခုံရှည်ပေါ်ထိုင်ပြီးတာနဲ့ ကျွန်တော့်သခင်က စကားစလိုက်တယ်။
"ကိုးတန်း"
"သြော် ငယ်သေးတာပဲ"
"ကိုထူးမြတ်လည်း အခုမှ တက္ကသိုလ်နောက်ဆုံးနှစ်ပဲ ရှိသေးတာမလား။ အဲ့တော့ ကျွန်တော်နဲ့ကွာလှ အလွန်ဆုံး ငါးနှစ်ပေါ့"
ရှမ်းကြီးရဲ့စကားဆုံးတော့ ကျွန်တော့်သခင်က တဟားဟား အော်ရယ်လေတယ်။
"ဟုတ်ပါပြီ... ဟုတ်ပါပြီ။ မင်းက မငယ်တော့ပါဘူးကွာ ဟုတ်ပြီလား။ ဒါနဲ့ ရည်းစားတွေ ဘာတွေရော ရှိနေပြီလား"
"မရှိပါဘူး။ စာတောင် မလိုက်နိုင်ရတဲ့ကြားထဲ"
"သြော်... ဒါနဲ့ စာတွေ နားမလည်တာရှိရင် ကိုယ့်ကိုလာမေးလို့ရတယ်နော်"
"တကယ်လား"
"အင်း... တကယ်ပေါ့"
"ဟန်ကျတာပဲ။ ကျောင်းက သင်တဲ့ဟာတွေကို ကျွန်တော် တကယ် နားမလည်ဘူး"
"ဟုတ်တယ်။ မင်းကို ကိုယ်ချင်းစာပါတယ်ကွာ။ ငါ့တုန်းကလည်း ဘာမှ နားမလည်ခဲ့ဘူး"
"……"
"ခင်ဗျားပြောတော့ နားမလည်တာရှိရင် ခင်ဗျားကို လာမေးလို့ရတယ်ဆို"
"အင်း... မေးတာက မေးလို့ရတယ်လေ။ မင်း နားလည်အောင် ပြန်ရှင်းပြပေးမယ်လို့မှ မပြောတာကို။ မင်းကို ပြန်ရှင်းပြဖို့နေနေသာသာ ငါတောင် အဲ့တုန်းက ဘယ်လို အောင်လာလဲမသိဘူး"
"………"
နောက်တော့ ရှမ်းကြီးက မဲ့မဲ့ရွဲ့ရွဲ့ မျက်နှာနဲ့ပဲ ပြန်တော့မယ်ဆိုပြီး ရုတ်တရက် ထပြန်လေတယ်။
ရှမ်းကြီး ခြံအပြင်ရောက်သွားတာနဲ့ ကျွန်တော့်သခင်က ကျွန်တော့်ဘက် လှည့်လာပြီး "ဘယ်လိုလဲ? မင်းတို့ ခင်သွားကြပြီမလား"တဲ့ ဂုဏ်ယူဝံ့ကြွားစွာနဲ့ မေးတယ်။ သဘောကတော့ သူတော်ပါတယ်ပေါ့။ သူ့အကြံကောင်းလို့သာ ကျွန်တော်က ရှမ်းကြီးနဲ့ ခင်ခွင့်ရပါတယ်ပေါ့လေ။
ကျွန်တော့်မှာ အံ့သြလွန်းလို့ ဝုတ်ဝုတ်လို့တောင် အသံပြန်မပြုနိုင်။
25.4.2022
