"I Love You. ဟမ်! တိုဘီ မင်းခေါင်းပေါ်ကို ဒီစာရွက်ကြီး ဘယ်သူကပ်ပေးလိုက်တာတုန်း"
"အု... အု..."
"မင်းသခင် ကပ်ပေးလိုက်တာလား။ ငါ့အတွက်လား"
ပြောပြောဆိုဆိုနဲ့ ရှမ်းကြီးက ကျွန်တော့်ခေါင်းမှာကပ်ထားတဲ့ စာရွက်ကို ဖြုတ်လိုက်ပြီး သူ့စာအုပ်ကြားထဲမှာ ထိုးညှပ်လိုက်တယ်။ ပြီးတာနဲ့ ကျွန်တော့်ကို ကောက်ပွေ့တယ်။ ဗိုက်ဆာနေပြီလားလို့ မေးတယ်။ ဆာပြီဆိုတဲ့သဘောနဲ့ ကျွန်တော်က တအိအိအသံပြုတော့ သူကရယ်တယ်။
"ကောင်စုတ်လေး... မင်းလည်း မင်းသခင်လိုပဲ တအားလည်တယ်သိလား"
ပြောပြီး ကျွန်တော့်ကို ဘက်ခနဲ တစ်ချက်ရိုက်တယ်။ ပြီးတော့ ဟီဟီးဆိုပြီး ကျွန်တော့်ကို ရယ်ပြပြန်ပါတယ်။
နောက်တော့ ရှမ်းကြီးက ကျွန်တော့်ကို ပွေ့လျက်ပဲ အိမ်ထဲကိုဝင်တယ်။ အိမ်ထဲရောက်တော့ မီးဖိုခန်းထဲသွားပြီး ကြက်အူချောင်း သုံးချောင်းယူလိုက်တယ်။ ပြီးတာနဲ့ အပေါ်ထပ်မှာရှိတဲ့ သူ့အခန်းထဲကို ကျွန်တော့်ကိုခေါ်သွားတာကြောင့် ကျွန်တော်က ပါသွားရတယ်။
ရှမ်းကြီးတို့က ခြံတင်ကျယ်တာမဟုတ်ဘူး၊ အိမ်ကြီးကလည်း အကြီးကြီးပဲ။ အခု ကျွန်တော် ရောက်နေတဲ့ ရှမ်းကြီးအခန်းဆိုရင် အတော်လေးကိုကျယ်တာ။ သူ့အခန်းက ကျွန်တော့်သခင်နေတဲ့အခန်းရဲ့ သုံးဆလောက်ကို ကျယ်တယ်။ အိပ်ရာကြီးကလည်း အကြီးကြီးပဲ။
အခန်းထဲရောက်တော့ ရှမ်းကြီးက ကျွန်တော့်ကို ကြက်အူချောင်း သုံးချောင်းကျွေးတယ်။ သုံးချောင်းစလုံး ကျွေးလို့ကုန်တော့ ကျွန်တော် ကစားဖို့ဆိုပြီး ဘောလုံးအသေးလေးတွေ ထုတ်ပေးတယ်။ ပြီးတော့ သူက စာထိုင်ကျက်တယ်။
တစ်နာရီလောက်ကြာတော့ ရှမ်းကြီးတစ်ယောက် စာကျက်လို့ပြီးသွားတယ်ထင်၊ ထိုင်ရာမှထလာပြီး ကျွန်တော့်ကို ကောက်ပွေ့လာတယ်။ နောက် ကျွန်တော့်ကို ပြန်ချပြီး တွေဘာတွေ ဝင်ချိုးတယ်။ ရေချိုးပြီးတော့ ကျွန်တော့်ကိုကောက်ပွေ့ပြီး ခြံထဲကိုဆင်းတယ်။ ဒန်းပေါ်မှာထိုင်တယ်။ လက်မှာပတ်ထားတဲ့နာရီကို တကြည့်ကြည့်လုပ်တယ်။
