استيقظت حياه علي صوت رنين هاتفها ووجدت اسم شروق علي شاشة الهاتف وفتحت الخط وقالت : ايه يا شروق مش النهارده اجازه بترني عليا ليه بقا
شروق : كده يا حياه تجرحي قلبي الصغنن
حياه: امممم اخلصي يا شروق عايزه ايه انا مش ناقصه مياصتك دي
شروق : طيب متزقيش الله وتابعت بحماس انا فيه عريس متقدملي هيههههه
حياه بصدمه وغباء: ايه عريس ازاي
شروق ؛ هو ايه اللي ازاي يا متخلفه انتي ايه الغريب في كده عريس ومتقدملي ايه بقا المشكله
حياه بأحراج: احم لاء هو مفيش مشكله طيب انتي موافقه ولا لاء
شروق بحيره: مش عارفه انا متردده اوي
حياه : طيب شوفيه لو لقيته مناسب ليكي وافقي
شروق: هو ايه اللي مناسب ليا هو انا راحه اشتري قميص ما تتكلمي عدل يا خيبه انتي
حياه بضحك: ههههههههه معلش اصل النوم عملها معايا شويه خلاص بقا ابقي شوفيه وقولي رايك هو هيجي أمته
ش
شروق: يوم الجمعه الجايه
حياه: لسه فاضل اسبوع
شروق: هتيجي بقا هاه
حياه: اه طبعا دا يوم الهنا لما اشوفك لبسه الفستان الابيض
شروق: ربنا يخليكي ليا يا حياتي وميحرمنيش منك ابدا يا رب
حياه: خلاص يا شروق هتجوزي وتسبيني دحنا من الابتدائي واحنا مع بعض
شروق بمرح: هو انا لسه شفته مش يمكن مش يحصل نصيب
حياه: ربنا يقدملك اللي فيه الخير يا رب يا روحي
شروق: يارب
حياه: هو انتي تعرفيه
شروق : اه أعرفه ومعجبه بيه من زمان اوي
حياه: اه يا واطيه ومقولتليش ليه يا كلبه البحر انتي
شروق: وانا اقولك ايه دي خوصوصياتشي
حياه: واطيه وندله من يومك المهم هو كمان معجب بيكي🤔🤔
شروق: اكيد يعني والا مكنش جه اتقدملي
حياه: اه صح طيب صلي استخاره وادعي ربنا لو كان خير يقربه منك ولو كان شر يبعده عنك
شروق بحب: ماشي يا قلبي يلا اطير انا بقا
حياه: طيب ياختي مع السلامه😒😒
وأغلقت الخط
نهضت حياه وذهبت الي الحمام وأخذت شاور سريع وخرجت وارتدت ملابسها وجلست على علي الهاتف تشاهد مسلسلها المفضل عندما انتهي أحست حياه بالجوع ذهبت الي المطبخ واكلت ورجعت الي غرفتها وجلبت صور والديها وهي معهم وهي صغيره ذات الست سنوات
حياه بحزن واشتياق وهي تنظر إلي الصور: وحشتوني اوي سبتوني ليه انا مليش غيركم انا كانت حياتي جميله بيكم طيب ليه معنديش اخوات وأخذت تبكي بشده وهنا أحست بإرتفاع درجه حراره جسدها وكأنها أحد محتضنها ودموعها تجف لوحدها وسمعت صوت يقول لها: انا معاكي متعيطيش انا جنبك ومش هسيبك ابدا
حياه بخوف شديد: ااانت مين اانت مين
وهنا انفطأ النور وأصبحت في ظلام تام وانتبهت الي ضوء ما يزداد بالتدريج وضهر لها شخص الوسامه تضع تاج فوق رأسه
وهنا انصدمت حياه من جماله ووسامته يا الهي لم أري مثل هذه الوسامه في حياتي لاكن لحظه من هذا وماذا يريد مني
حياه بخوف: انت مين
........./ انا اللي كل يوم بتنامي في حضنه يقول لها ذلك وهو يقترب منها وهي تبعد بحذر شديد
اخذ يقترب منها حتي اصتدمت بالحائط
حياه بخوف شديد: ارجوك ابعد عني ارجوك
........./ ابدا عمري ما هبعد عنك ابدا
حياه: طيب انت مين
.........../ انا ايان من احد ملوك الجن
حياه بصدمه شديده : ايه ايان مين وملوك جن ايه انا مش فاهمه حاجه
ايان: انا هفمهك ايه ولا ايه بس هقولك من الاول فيه انا انا قلب قاسي قاسي زي الحجر مش برحم اي حد يجي في سكتي واللي يجي هو اللي جابوا لنفسه فيه أن قلبي عمره ما عرف رحمه ولا شفقه ولا حتي حب ولا كنت حتي مؤمن بيه فيه أن أول ما شفتك حسيت اني اتغيرت في لحظه وهديتي سور قسوه قلبي هديتي كل حاجه فيا وخليتيني واحد تاني خالص انا معرفهوش هو ده كل الحكايه
حياه : طيب وانت بتقولي ليه الكلام ده
ايان: عشان تعرفي وتفهمي ايه اللي بيحصل وانتي مش دريانه
اقترب منها بشده واخذ ينظر إلي عينيها عن قرب شديد
لاكن حياه كانت مرعوبه منه جدا بسبب كثره رعبها اغمي عليها وأغلقت ووجدت نفسها علي سريرها والنور منور المنزل بأكملها
حياه بإستغراب: ايه ده هو كان حلم ولا ايه تجاهلت الموضوع وعملت رواتينها الصباحي وارتدت ملابسها وذهبت إلي عملها
بعد اسبوع
استيقظت حياه وأخذت شاور وارتدت ملابس خروج جميله وانيقه وأخذت حقيبتها الصغيره التي يوجد بها مفتاح المنزل والموبايل وبعض النقود للمواصلات أخذت حياه تاكسي متجهه الي منزل شروق
رنت حياه الجرس وفتحت لها شروق
حياه بمرح : ازيك يا شوشي
احتضنتها شروق بحب وقالت: الحمدلله بخير ادخلي
دخلت حياه وسلمت علي والده شروق رحمه
رحمه بحب: ازيك يا بنتي
حياه بإبتسامه جميله: الحمدلله يا طنط والف مبروك لشروق
رحمه: الله يبارك فيكي يا بنتي عقبالك يا رب
حياه بخجل: الله يخليكي يارب
اخذت شروق حياه وذهبت بها لغرفتها
قعدت شروق علي سريرها وقالت: انا مش مصدقه اني خلاص هتجوز
حياه: بكره ترجعي تندمي وتقولي ياريت اللي جري ما كان
شروق: احبطيني احبطيني مش جديده عليكي وبعدين انتي يا حبيبتي متغاظه صح متغاظ عارفك يلا مننا متغاظ مخك فاضي مخي انا الماظ
حياه بقلش: الماظ ولا عبده الحامولي كركركر
شروق بغيظ: اطلعي بره يا بت انا غلطانه اني قولتلك تعالي اصلا
حياه: اندال اندال اندال وانا اقولك دا اخويا
شروق طلعت تجري وراها
حياه: الحقيني يا طنط رحمه
رحمه وهي تجري من المطبخ وتقول بخضه: ايه في ايه يا بنات
حياه: شروق عايزه تضربني
شروق بمسرحيه : اعمل ايه غلبتيني وفقعتي مرارتي تقول ذلك وهي بتحط ايديها في خصرها بتمثيل وكوميديا
رحمه وحياه ماتوا من الضحك
رحمه: يلا يا بنات عشان نودب الشقه
بعد يوم طويل شاق علي شروق وحياه
انتهوا من عملهم علي حوالي قبل المغرب بقليل
شروق بألم ووجع وهي تمسك ضهرها: ااااه ياما مش قادره ضهري هيتقتم حرام عليكي يا ماما والله العريس الزفت دا ميستاهل حاجه
رحمه: امشي يا بت من هنا بدل ما اجيب ابو ورده يباركلك
شروق: لا لا لا خلاص انا مشيت اهو حد قالك اني قاعده
حياه كانت تشاهد الموقف وأخذت تضحك علي صديقه عمرها المجنونه
اخذت شروق وحياه شاور سريع وارتدت شروق فستان طويل عاري الكتفين بحمالات رفيعه باللون البنفسجي وتركت لشعرها العنان وراء ظهرها وحطت ميكب خفيف يحدد ملامح وجهها الجميله والجذابه انا حياه وكانت حقا فاتنه الجمال بفستانها الاكثر من رائع باللون الاسود الطويل وكان عاري الكتفين بحمالات رفيعه وتركت لشعرها العنان وحطت ميكب خفيف أنهما حقا كحوريات الجنه
شروق: انا اخاف لحسن تاخدي العريس مني ويقول بدل ما اطلب ايد شروق تبقي رجل حياه
حياه بضحك: هههههههههه ليه يعني دنتي قمر
شروق بكسوف مصطنع: بس عشان بؤحرج
وهنا دخلت رحمه عليهم وأخذت تنظر لهم بإنبهار شديد
رحمه: الله واكبر عليكم ربنا يحفظكم يا رب يا اولادي
شروق: ايه رايك فيا يا ماما
رحمه يإبتسامه : زي القمر يا روح ماما
احتضنتها رحمه بكل حنان وحب اموي
رحمه: الف مبروك يا بنتي ربنا يسعدك يا رب
قبلت شروق يد والدتها بكل حب واحترام
شروق بحب شديد: الله يبارك فيكي يا ماما ويديكي الصحه والعمر يا رب
حياه بتمثيل: بس بقا والله هعيط
اخذوا يضحكوا وهنا رن جرس الباب
رحمه : يلا يا شروق العريس وصل
شروق كانت في غايه القلق والتوتر وكأنها ذاهبه الي معركه تخشي خسارتها
شروق بتوتر وقلق شديد: حياه انا خايفه اوي
حياه: يا بنتي اهدي انتي رايحه تحاربي وهنا دخلت رحمه
رحمه : يلا يا شروق عشان تقدمي العصير
شروق: لاء والنبي خلي حياه والنبي يا ماما
رحمه: يلا يا بنت الهبله يلا قومي العريس قاعد بره
قامت شروق وقالت لحياه
شروق: حياه انا شكلي كده حلوه
حياه بإبتسامه: قمر والله
شروق ذهبت الي المطبخ تجلب العصير وكانت تتجه ناحيه الصالون وكانت تقترب من الطاوله لاكن من كثره خوفها وقعت الصنيه علي دماغ العريس
شروق شهقت بخفه وقالت: والله انا اسفه انا بس اتكعبلت في السجاده والله ما اقصد
العريس: كده يا شروق البدله البدله باظت
شروق : والله انا اسفه ولو علي البدله
هاتها وانا اظبتها
العريس (حازم): لاء خلاص مش مهم يقول لها ذلك وهو يمسح مكان العصير بالمنديل
حازم : المهم يا عمي انا كنت جاي عشان اطلب ايد الانسه شروق من حضرتك
والد شروق ( احمد) : احنا لينا الشرف يا بني اني احط ايدي في ايدك
حازم: يعني افهم من كده انك موافق يا عمي
احمد: اعتبر كده بس مفيش راي هيمشي غير رأي شروق ووجه نظره إليها وقال ايه رايك يا بنتي
شروق بخجل: اللي تشوفه حضرتك يا بابا
احمد: خلاص علي بركه الله نقرأ الفاتحه وفعلا قرأو الفاتحه وحازم كان في غايه السعاده لأن سيتزوج حب عمره أنه عشقها من اول مره رآها فيها أنهم جيرانهم في نفس العماره وعشقها من صغره وهي ايضا احبته كثيرا لاكن لم تكن تهتم به وتتجاهله وكانت تقول في بالها أن هذا ليس حب بل إعجاب لكن اكتشفت مؤخرا أنها تعشقه عندما رأته يخرج مع فتاه فاشتعلت نار غيرتها وذهبت وضربت تلك الفتاه وهو حاول بأعجوبه أن يمنعها لاكن بلا فائدة الغيره قد اعمتها بشده وانتهت من ضرب تلك الفتاه وقال لها انها ابنه عمه وهي كانت في غايه الحرج لاكن أخفت ذلك بقناع البرود وذهبت بلا اهتمام فهو في تلك اللحظه قد عشقها اكثر وهذا شجعه علي اتخاذ خطوه التقدم إليها والزواج بها وفعلا هو الان جاء للتقدم إليها ووافق الجميع وكان الكل فرحين وسعداء ويتمنون لهم الخير والسعاده
حياه احصنت شروق بحب ودموع : الف الف مبروك يا قلبي
شروق : الله يبارك فيكي يا حبيبي عقبالك يا رب
حازم: احنا كده يا عمي متفقين علي كل حاجه وبكره انشاء الله ننزل نشتري الشبكه بعد العصر بإذن الله
احمد: انشاء الله الف مبروك يا ابني
حازم بإحترام: الله يبارك فيك يا عمي
وذهبوا هو وعائلته وهو في غايه السعاده اخيرا سيتزوج حب عمره
شروق دخلت الي غرفتها هي وحياه وهي غير مصدقه انها ستتزوج ستتزوج حبيب عمرها ستتزوجه وتصبح ملكه وهو يصبح ملكها هي فقط
شروق بغباء: حياه انا كده اتخطبت صح
حياه: اه يا حبيبتي الف مبروك
شروق : انا بجد مش مصدقه معقول خلاص كده هتجوز
ضحكت حياه علي تلك المجنونه وقالت: خلاص يا حبيبتي لو مش عايزه نفضها سيره
شروق بتفاجأ : لاء خلاص استوعبت خلاص
حياه بضحك: مجنونه طيب بقولك بقا انا ماشيه عشان الوقت أتأخر
شروق: والله ابدا لازم تتعشي معانا
حياه: لاء والله ما هقدر عشان الوقت أتأخر جامد ولازم امشي
شروق: والله ابدا ما يحصل
جاءت رحمه وسمعت الحوار وقالت: ليه يا بنتي كده اقعدي اتعشي معانا وبعدين ابقي امشي
حياه: خلاص انا هقعد عشان خاطر ماما رحمه
شروق بإحتقار: واطيه
وفعلا تناولت حياه العشاء معهم وغادرت المنزل بعد مصافحتهم جميعا وذهبت للشارع الرئيسي تنتظر تاكسي وبعد مسافه ليست بعيده يقف شاب في الثلاثينات ايضا ينتظر تاكسي
حياه رأت من بعيد تاكسي يأتي إليها من بعيد حياه: تاكسي
الشاب ايضا : تاكس
جريت حياه علي التاكسي ولسه هتركب لقت اللي مسكها من دراعها
الشاب: ايه يا ابله انا اللي قولت الاول
حياه: لاء انا اللي قولت الاول ونزل ئل ايدك دي
الشاب: لاء انا اللي قولت
حياه: لاء انا اللي قولت
السواق: متخلصوا يا جماعه عايزين نروح
حياه ؛ يعني ينفع أقف كده في الشارع في وقت متأخر زي ده يا اخي اعتبرني اختك يا اخي
الشاب؛ وانا مالي يا ست انتي
السواق : خلاص اركبوا انتو الاتنين
حياه: انا عمري ما اركب مع الكاءن ده
الشاب: ولا انا انا مركبش مع الاشكال دي
السواق : خلاص وكان علي وشك الذهاب لاكن ذلك الشاب أوقفه وركب هو وترك حياه وافقه تسبه وتلعنه بصوت عالي واضطرت لانتظار تاكسي اخر وفعلا بعد مده ليست قليله جاء تاكسي اخر وذهب بها الي المنزل وكانت في غايه الإرهاق واتجهت الي سريرها مباشره ونامت بعمق بملابس الخروج
أنت تقرأ
بريئه في عالم الشياطين (مكتملة)
Horrorرعب. اثاره . تشويق. رومنسي. منحرف الروايه خياليه لاكن تأخذك في عالم يملأه المشاعر وهي نوع مختلف وجديد عن باقي الروايات ستتمني أن لا تنتهي للكاتبه الشابه*اسماء محمود سليمان
