استيقظت حياه وذهبت بعدما عملت روتينها اليومي الصباحي وصلت إلي المستشفي وبعد وقت
من المواصلات وصلت امام البوابه الرئيسيه المشفي دخلت وتفاجأت بالممرضه تركض إليها مسرعه
الممرضه (هناء): الحقي يا دكتوره فيه حاله طارئه هنا وخطيره جدا
حياه بهلع وهي تجري: طيب انا جايه اهو دخلت الي غرفه العمليات وارتدت البلطو الابيض و انصدمت عندما رأيت ذلك الشاب الذي تركها وذهب هو في السياره رأته واقف جنب المريض وأخذ باله أن يوجد احد في الغرفه وانصدم هو الآخر بوجودها في الغرفه
الشاب: انتي
حياه: انت .... انت ايه اللي جابك هنا يا حيوان انت
الشاب: انا مش هحاسبك علي كلامك ده عشان الوقت مش مناسب بس لما نفضي لينا كلام مع بعض
حياه: أعلي ما في خيلك اركبه واتفضل اطلع من هنا عشان اشوف شغلي
الشاب: انا زيي زيك علي فكره انا دكتور وانتي دكتوره
حياه بغيظ: طيب ماشي لما نخلص بس
الاثنين في غرفه العمليات يحاولوا انقاذ المريض وإعادته الي الحياه لاكن المولي كان له رأي آخر ذهبت روحه الي خالقه لأن كانت حالته خطيره وصعبه جدا
حياه غطت راس الجثه وقالت: انا لله وانا اليه راجعون 😔😔
الشاب: لا حول ولا قوه الا بالله البقاء لله وحده
حياه: اتفضل اتصل بالمشرحه خليهم يجيوا يشيلوا الجثه
وتمت كل إجراءات الدفن
حياه: انت ايه اللي جابك هنا
الشاب اعرف بنفسي الاول
اعرفكوا انا عليه
ايمن تخرج من كليه طب جامعه عين شمس يبلغ من العمر٣٠ عاما شاب وسيم نوعا ما بشرته سمراء وعينيه سوداء وطويل القامه وجسده رياضي وعريض
امه وابيه ماتوا وهو صغير مراهق تحمل مسؤليه نفسه وليس لديه أشقاء
حياه: ايه حيلك حيلك انا مالي انا بكل ده
ايمن: عشان نبقي صحاب
حياه: احلم احلم الاحلام مش حرام
ايمن: خلاص انتي حره هتخسري واحد زيي يلا مفيش نصيب
حياه: مستفز وتركته وذهبت إلي مكتب المدير وقالت: دكتور حسام انا فيه حاجه كنت عايزه اقولها لحضرتك
حسام وهو يخلع نظارته : خير يا حياه
حياه: كنت عايزه اقول لحضرتك أن شروق مش هتيجي انهارده لأنها اتخطبت امبارح والنهارده هتيجب الشبكه
حسام بتفاجأ: بجد ليه محدش قلي
حياه: والله يا دكتور كل حاجه جت بسرعه وعلي العموم احنا لسه فيها حضرتك تقدر تيجي الخطوبه
حسام بإبتسامه فرح: انشاء الله عقبالك يا رب
حياه وهي تبادلها الابتسامه: ربنا يخليك يا دكتور وفي حاجه كمان كنت عايزه اقولها هو مين الشاب اللي كان معايا في العمليات ده
حسام: دا الدكتور أيمن لسه جديد هنا في المستشفي
حياه: اااه طيب عن اذنك يا دكتور وذهبت
وبعد حوالي ثلاث ايام
كان يوم خطوبه شروق استيقظت حياه من نومها في الصباح الباكر لمساعده صديقتها المقربة شروق في تجهيزات الخطوبه وذهبت إليها
حياه: احنا هنعمل ايه دلوقتي
شروق: بصي كل حاجه دلوقتي تمام ومفيش اي حاجه ناقصه بس ناقص نروح البيوتي سنتر وهنا بقا هيشوفوا شغلهم من تعليق الزينه والنور وبلالين والكلام ده يعني
حياه بتفهم: طيب هنروح دلوقتي
شروق: لما تيجي الساعه واحده هنروح
حياه: طيب ماشي بس كده هنخلص بدري
شروق: وايه يعني نبقي نكمل الباقي في الكوافير اصل صاحبه الكوافير واحده قريبتنا اعرفها يعني
حياه بحماس: خلاص يا شروق هتتخطبي عااااااا
واحتضنتها بحب وفرح حقيقيين لصديقتها التي اغلي من عمرها بادلتها شروق بحب شديد وقالت: عقبالك يا حبيبتي يا رب ❤️❤️
وفعلا ذهبوا الي البيوتي سنتر الساعه الواحده بعد الظهر
وبعد حوالي خمس ساعات
قالت شروق وهي تنظر لنفسها في المرآة : معقول دي انا معقوله
حياه: اه ياختي اومال انا
شروق بطرف عينها : بارده
أنت تقرأ
بريئه في عالم الشياطين (مكتملة)
Terrorرعب. اثاره . تشويق. رومنسي. منحرف الروايه خياليه لاكن تأخذك في عالم يملأه المشاعر وهي نوع مختلف وجديد عن باقي الروايات ستتمني أن لا تنتهي للكاتبه الشابه*اسماء محمود سليمان
