بريئه في عالم الشياطين (مكتملة)

البارت السابع

وفجأة انفتح الباب وانصدمت مما رأته دخل عليها ذلك الشخص وهو مبتسم ومستمتع بصدمتها وقال بصوت اجش وقوي: ايه صحيتي؟
حياه وهي مازالت في صدمتها: ايان
ايان بأبتسامه : ياروح ايان
حياه: انا فين وايه اللي جبني هنا وعايز مني ايه
ايان سرعان ما تحولت ملامحه الي ملامح غضب مخيفه ومميته لدرجه ان حياه اترعبت بشده وتمنت الموت في لحظتها
ايان بعين تدق بالشراره والغضب وقال بغضب مكتوم: بقا بتحبي غيري وكمان يبوسك انتي بتهزرررري😡😡
فزعت حياه منه لاكن حاولت استجماع قوتها وشجاعتها وقالت بقوه مصطنعه: وانت مالك انت مكلش اي حكم عليا
ايان وهو مازال بحالته: لاء طبعا انتي تخصيني فاهمه تخصيني انا
حياه: لاء اكيد انا في حلم صح اكيد لاء حلم ايه انا في كابوس
ايان: لاء يا حياتي انتي لا في حلم ولا في كابوس انتي في الحقيقه والواقع
حياه: مستحيل مستحيل ده يحصل
وركضت حياه مثل المجنونه وهو يجري وراءها لحد ما وصلت للباب الرئيسي كان المنزل كبير نوعا ما ومدت يديها علي اكره الباب امسك بيديها بقوه منعا لخروجها وقال: انتي فاكره انك ممكن تعرفي تهربي مني دا مستحيل
حياه: ابعد عني ابعد خليني امشي من هنا.
ايان: ومين قالك انك هتتحركي من مكانك
حياه: لاء انا همشي وغصب عنك
وصل ايان الي قمه غضبه من تلك الكلمه وقال بهدوء حاول أن يسيطر عليه: انا غاضب دلوقتي ومش عايز اطلع غضبي عليكي لاني لو طلعته ساعتها مضمنش انك ممكن تعيشي تاني
حياه بإصرار: تطلعه ولا مطلعهوش انت حر وسبني امشي
ايان بصوت عالي ومرعب: بقولك مش هتتحركي من هنا
وبعد انتهاء هذه الجمله ووجدت حياه نفسها في الهواء لأنه حملها بين ذراعيه
حياه بإنزعاج: نزلني بقولك نزلني
ايان بإبتسامه ساحره: لاء مش هنزلك
حياه لم تسمع ما تفوه به لقد كانت في عالم اخر عالم وردي خاص بها
ايان: ايه بتبصيلي كده ليه
أفاقت حياه من عالمها وقالت: ها مفيش حاجه نزلني بقا
ايان بنظره حاده : قولتلك لاء انا مبحبش اعيد كلامي مرتين
حياه وهي تمثل انها تعبت: نزلني عشان حاسه اني عايزه ارجع
نزلها ايان لأنه قلق عليها وهي استغلت ذلك وفتحت الباب وأخذت تركض وتركض حتي تستطيع الهرب في اسرع وقت وهو ورائها يجري بشده وغضب من خبثها ولاكنها تعبت فوقعت علي الأرض وهو لحقها وأصبح فوقها ينظر لها بلهث
حياه: ابعد عني
نظر لها ايان وهو يلهث وكأنه يرفض بعينيه وهي كانت تنظر له في تلك الحاله وفجأة انقض علي شفتيها يقبلها بعنف عقابا لها عما فعلته وهو كانت تحاول الانفلات منه لاكن بلا فائدة لأنه محكم عليها بقوه ولاكنها أحست بإحساس غريب اول مره تحس به من قبل ولا حتي مع ايمن احساس بأنه يستمر في فعلته انها لا تريد البعد عنه وفجأة حاوطت يديها حول عنقه تبادله قبلته تحولت قبلته الي حب وشغف وهي تبادله وكأنها تقول له اكثر اكثر من ذلك وفعلا استجاب لها واخذ يعض علي شفتيها بأسنانه وهو مستمتع أن شفتيها تثيره للجنون والرغبه بعد وقت طويل فصل قبلته وهو لا يريد الابتعاد لاكن إن لم يبتعد أحتمال يفعل شيئاً آخر نظرت له حياه بهدوء وهو بحب شديد فأحتضنها فجأه وهي كانت مصدومه بذلك احتضنها بلهفه وشوق شديد وقال: انا لو عليا عايز اخبيكي جوه ضلوعي عشان محدش يشوفك ولا يخدك مني ابدا
قالت حياه بألم: طيب ممكن تبعد انت بتوجعني
ابتعد عنها خوفا عليها قوته بمثابه عشر رجال من عالم البشر
وحملها الي غرفتهم الخاصه ووضعها  علي الفراش وقال: تحبي تكلي حاجه دلوقتي انتي اكيد جعانه صح
حياه افتكرت ذلك وأنها لم تتناول شيئاً غير وجبه الفطور فقط وقالت بخجل: لاء مش جعانه
ايان بإبتسامه: يا حياه قولي متكسفيش
حياه: لاء مش عايزه
وفي ثواني كان أمامها الاندومي الكوري بالصوص الأحمر الذي تعشقه ولا تستطيع مقاومته وهو يعرف انها تحبه أنه يعرف كل شيء عنها الصغيره قبل الكبيره
وقال بخبث: ها لسه جعانه برضو
حياه وهي بدأت بالاكل وقالت : بس لو متغطش عليا
ضحك ايان عليها واخذ ينظر لها وهي تأكل بشراهه وكأنها لم تأكل منذ شهر وبعد انتهاءها من وجبتها مسحت فمها بإيديها بطفوله وقالت : الحمدلله شيل وهي تمثل مشهد من فيلم الفانوس السحري
ابتسم ايان وفي ثواني اختفي الطعام
حياه: انا كنت هموت من الجوع
ايان بعشق: بالهنا والشفا
حياه بشكر: انا متشكره اوي يا ايان
ايان: مفيش شكر يا حياه الشكر لله وحده
انصدمت حياه من كلامه ايقعل ماذا يقوله ذلك الجني ايعقل أنه مسلم لاكن كيف أن جميع الجن كافرين  ويخافون من ذكر الله
حياه بصدمه: انت بتقول الله انت مش خايف تتحرق
ايان بضحك: تتحرق انا مسلم اصلا
انصدمت حياه اكثر معقول أنه يقول له مسلم لا كيف
حياه : ازاي مسلم الجن كلهم كفار وبيخافوا من ذكر ربنا
ايان: لاء يا حياه مفهومك عننا غلط احنا زيكو بالظبط يعني فيه مننا مسلم وفيه كافر وفيه مسيحي وفيه يهودي
حياه: معقوله وانتو بقا بتصلوا وتصوموا زينا كده
ايان: اه المسلمين بيصوموا ويصلوا ونفس الكلام مع المسيحين واليهود بيصلوا ويصوموا بس بطريقتهم في الديانه
يا الله ايعقل هذا انني لا اعرف هذه المعلومات في حياتي بتاتا غيرت حياه مجري الحديث وقالت: طيب انا كنت عايزه اتكلم معاك شويه في موضوع كده
ايان: انا عارف انتي عايزه تقولي ايه عايزه تقولي انا ليه جبتك هنا وايه عملت كده صح
اومأت حياه رأسها بنعم وتابع حديثه وقال: بصي يا حياه انا عايزك لوحدي وتبقي بتاعتي بتاعتي انا بس ومحدش يخدك ولا يشاركني فيكي هو ده اللي انا عايزه
حياه ببعض من الغضب: طيب وحياتي وعالمي الخاص
ايان : بمناسبه عالمك الخاص ده بقا انا عايزك تنسي اللي اسمو ايمن دا خالص فاهمه
حياه بغضب: لاء مش فاهمه انا بحبه بحبه ومتفقين علي الجواز
ايان بغضب شديد لدرجه ان عينيه انقلبت للون الاحمر المشع وقال بصوت فحيح كالافعي؛ انتي قولتي ايه مستمعتش
حياه بنفس حالتها وهي لم تخف منه وقالت: بقولك بحبه بحبه اوي وهنتجوز قريب انت ولم تكمل جملتها بسبب تلك الصفعه الذي كانت علي وشك انكسار فكها ووقعت علي الأرض من قوتها والدماء تسيل من فمها
مهيب بهدوء عكس ما بداخله وهو يشاور بإصبعه تجهاها وقال: انتي مش هتكوني لغيري فاهمه
وذهب وتركها تحاول أن تستوعب ما حدث وما قاله للتو وثواني وانفجرت من الانهيار والبكاء لدرجه انها من كثره الانهيار أغمي عليها انها كانت تريد ذلك أنها تريد الموت الان انها في لحظه أصبحت حياتها لجحيم أنها تريد الموت ليس الغيبوبه فقط تريد أن تتخلص من هذا العذاب الذي هي فيه الآن ولاحقا انما هي معه ستظل في عذاب دائم

يا تري ايان هيعمل فيها ايه؟
وايه موقف شروق وايمن وكل أقاربها لما يعرفوا انها اختفت؟
وهل ايان هيرجعها تعيش حياتها تاني ولا لاء
وهل هيستمر حبها لايمن ولا لاء؟
كل ده هتعرفوه في البارت الجاي
الاحداث الجايه هتبقي اكثر تشويق وإنشاء الله اكيد هتعجبكم منتسوش بقا تقولوا رايكم فيها في التعليقات واللي عندو اي حاجه او اي استفسار يقول وانا إنشاء الله هرد عليكم
يلا بااااي⁦❤️⁩⁦❤️⁩