Sa mga panahong ito, una akong pumasok sa Kindergarten Center. Mas nahubog at natuto ako sa kung ano ang itinuturo ng aking guro. Maraming mga aktibidad at kompetisyon rin ang aking nasalihan o kinabahagian. Sumali ako ng buong puso upang palakasin pa ang aking kakayahan at abilidad at ipakita ang aking natatanging talento sa ibang tao lalung-lalo na sa aking mga magulang na nagturo sa akin na maging malakas at matapang. Sila ang nagsilbing una kong mga guro sa tahanan. Sa mga panahon din na ito una kong nasaksihan kung paano mag-away at magkaroon ng hindi pagkakaunawaan ang aking mga magulang. Gayunpaman, sa huli, naaayos din nila ang gusot sa pagitan sa isa't isa. Dito rin umusbong ang mga panahon na kung saan nagkaroon ng matinding unos at krisis ang aming pamilya na kailanman ay hinding-hindi ko malilimutan sa buong buhay ko. Sa mga panahong ito na parang nagtagpo ang langit at lupa sa buhay naming pamilya. Ito ang mga panahon na ako ay nagsimulang mangarap at matutong tumayo sa sarili kong mga paa na hindi umaasa sa iba.
BINABASA MO ANG
THE JOURNEY
Short StoryMaaaring may hangganan ang lahat ng bagay sa mundong ating ginagalawan. Subali't, ano nga ba ang kaisa-isang bagay na maaari nating iwan kapag dumating na ang araw ng ating buhay? Para kanino nga ba talaga tayo nabubuhay?
