صلي علي شفيع الامه💜ﷺ
ولكن لم تشعر جينا تحتها الا بالماء البارد لتفتح عينيها و تجد انها وقعت في حوض السباحه لتخرج جينا من الماء و هي تلتقط انفاسها لتجد من يعانقها و يقول: الحمد لله احمدك واشكر فضلك يا رب
لتبعده عنها و تقول: ايه الافوره دي انا يا دوب وقعت في المسبح
مراد: انتي بتقولي ايه انتي كنت هتموتي من دقيقتين بس و بتقولي ايه الافوره دي
لتزفر جينا و تقول: انا هروح اغير هدومي
صعدت الي الاعلي و غيرت ثيابها و جائت لتخلد الي النوم و لكن قاطعها طرق علي الباب لتقول: ادخل
دخل مراد وقال: انتي لسه بردو مصره متتعلجيش بعد الي حصل النهارده
جينا: اه
مراد بصبر: انا كان ممكن اسكت لو كانت دي المره الاولي بس كده مينفعش مره تقطعي شرينك و مره تدخلي بالعربيه في الحيطه و مره تحولي تشنقي نفسك غير الحراس و الخدم الي هتقتليهم قريب
جينا: و ايه دخل الحراس دلوقتي مكنتش رصاصه دخلت في رجله
مراد: صبرني يا رب ثم استرسل كلامه بصي بقا في واحد صحبي هيجي يقعد معايا
جينا: تمام مش هطلع من الاوضه عشان المشاكل
مراد: لا طبعا انتي لازم تتعرفي عليه بس يا ريت تتكلمي معاه باسلوب كويس
جينا: تمام تصبح علي خير
مراد: وانتي من اهل الخير
صباح يوم جديد استيقظت جينا و نزلت لتناول فطورها لتجد مراد انها فطوره
مراد: جينا انا هروح اقابل جابر في المطار عايزه حاجه
هزت جينا راسها برفض فخرج مراد لصطحاب جابر
تناولت جينا فطورها و قررت ان تغير ثيابها و تذهب للركض قليلا
~~~~~~~~~~~~~♡
صدح صوت في المطار ليقول: يعلن مطار القاهره عن وصول طائره الصعيد
كان مراد ينتظر جابر الي ان راه ليسرع لكي يعانق صديقه الذي لم يره منذ مده طويله
مراد: عامل ايه يا صاحبي والله ليك وحشه
جابر: وانت وربنا اتوحشتك جوي
مراد: تلاقيك تعبان من الطياره هخلي حد يطلع الشنط في العربيه و نطلع علي طول
نقل عامل المطار الحقائب و تحركت السياره الي القصر وبينما كان مراد و جابر يتحدثان شعر جابر بالدوار ليقول مراد: مالك يا جابر
جابر: شويه دوخه متجلجش
مراد: انا بقول نطلع علي المستشفي علي طول ليه
و يغير مراد مساره الي المشفي
~~~~~~~~~~~~~~~~~~~~~~♡
في احد ممرات المشفي يسير بكل هيبه و وقار و يعطي التعليمات للاطباء و الممرضين و بعد ان انتها من ذالك توجه الي مكتبه ليجلس علي الكرسي الخاص به و يستند براسه الي الخلف و يطلق تنهيده حاره
ليعود بذاكرته بضع سنوات
فلاش باك
»»»»»»»»»
كان جالساً في شرفه هذا المنزل الذي لم يغادره منذ اشهر و يفكر كيف يمكنه الهروب بدون مساعدتها ثم يفكر كيف سيكون الوضع بعد مغادره هذا المكان و العوده الي عمله و هل سوف يسمح والده اليه باكمال عمله
ليقطع حبل افكاره دخول تلك الفتاه ذات العينان الفيروزيان و الشعر المختلط الذي لم يري مثله من قبل ظل يحملق بها الي ان قالت بالايطاليه: قلتلك قبل كده انا مش بصبغ شعري
زين: معلش مش قصدي بس كل ما بشوفك بفتكر الحمار الوحشي ثم ينخرط في الضحك لينظر لها و لم يجد اي تعابير علي وجهها ليكمل كلامه بـ: قصدي يعني ان شعرك نص اسود و نص ابيض انتي شفتي انسان طبيعي كده
تجاهلت كلامه لتجلس في احد الارائك و تسكب لها بعض المشروب و تقول و هي تحتسي منه: بعيد عن موضوع شعري الي قلتلك مليون مره انو نقص في عنصر في شعر انت هتغور بكره
زين: ايه
...: هتغووووووور
زين بفرحه: إلي انتي بتتكلمي جد
إلي: انت هتخلص تجهز نفسك ولا تخليك هنا
زين: لا اجهز نفسي اخليني ايه
إلي: تمام اشوفك بعدين
و كادت ان تخرج ولكن و جدت زين يناديها و حالما التفتت وجدت من يعانقها
باك
««««
افاق زين علي طرق علي الباب ليعتدل في جلسته و يقول للطارق: ادخل
فور فتح الباب انتفض زين من مكانه عندما وجد والده يدخل من الباب و بجانبه شخص غريب يستند عليه
زين: بابا انت كويس
مراد: مش عارف بس هو حاسس بدوخه و مش
قادر يمشي
زين : تمام خليه يقعد علي الكنبه هنا
ذهب زين ليحضر ادواته و فور ان فحص والده
زفر برتياح وقال: الحمد لله هو بس عدم انتظام في الادويه عشان كده الضغط عالي مش اكتر
ثم اكمل باستغراب بس انت جيت امتا يا بابا
جابر: لساتني واصل من المطار
زين: طب مقلتليش ليه انك جاي
جابر: جولت اعملها مفاجاه
زين: دي احلا مفاجأة والله
قاطع حديثهم رنين هاتف مراد برقم احد الحراس
مراد: الو
الحارس:.....
مراد: ايه انت بتقول ايه
الحارس:.....
مراد: طب اسمو ايه
الحارس:.......
مراد: انا جاي حالاً
بعد اهائه المكالمه
جابر: في ايه يا مراد
مراد: مصيبه من مصايب جينا
جابر: عملت ايه عاد
مراد: مش عارف هي في القسم معلش بقا يا جابر انا هطر امشي انا و ابعتلك سواق
جابر: لا ميصحش واصل رجلي علي رجلك
مراد: بس يا جابر
جابر: مبسش انا جاي معاك
مراد: ماشي يا جابر
و عند هذا الحد قال زين: ممكن افهم في ايه
نظر جابر لمراد ثم نظر الي زين
جابر: تعالي معانا و انت تفهم منيح
زين: تمام هجي
خرجو جميعا من المشفي و استقل جابر ومراد سياره
مراد وتبعهم زين في سيارته
~~~~~~~~~~~~~~~~~~~~~♡
فور وصولهم إلى مركز الشرطه سال مراد عن مكتب المسؤل ليدلهم اليه احد الضباط و فور طرق الباب و الدخول وجد مراد جينا تجلس و تقوم بحركتها المعتاده تشبك اصابع يدها و تقوم بتحريك ابهاميها حول بعضهما و تجلس في هدوء
فور رايه الضابط لمراد وقف من مكانه
الضابط: مراد بيه اهلا وسهلا بحضرتك نورت القسم والله
مراد: هي عملت ايه
الضابط: اتفضل حضرتك تشرب ايه
مراد: هي عملت ايه
الضابط: هو انا مش عارف صراحه حصل ايه المجني عليه لسه في الجراحه و الانسه مش بتتكلم
مراد: المجني عليه و فور انتهاء كلمته اتجه الي جينا و امسكها من ياقه ملابسها ليقول: انتي هببتي ايه
جينا: ولا حاجه كنت بجري عادي و معايا الحارس واحد قل ادبه و الحارس معملش حاجه قلت اربيه انا
مراد: الحارس معملش حاجه اممم انا هشوف الموضوع ده ثم وجه كلامه الي الضابط
هو فين الحارس ده
الضابط: ثانيه هدخله ثم امسك بالهاتف الذي امامه ليقول دخلو الراجل الي بره
كانت جينا تجلس علي وضعها السابق و تنظر الي زين و جابر الذين لم تراهم من قبل
فور دخول الحارس نظر مراد الي ملابسه الممزقه و الغير مهندمه ليقول: انت ايه الي عمل فيك كده
نظر الحارس الي جينا بخوف ليقول: كنت بجري وراها يا باشا والله عشان زي ما امرتني وبعدين لقتها و قفت و قربت مني و قبل ما استوعب لقتها بتصوت و بتقول متحرش لقيت الناس ملمومه عليا و اخدت علقه ماخدهاش حرامي في مولد
نظر الجميع اتجاه جينا ليقول جابر: الله يكون في عونك يا مراد
نظر مراد للضابط وقال:......
أنت تقرأ
بحار عشقي
Fanfictionحبك في قلبي اغلالاً مربوطاً في قدمي يجرني لقاع لا نهايه له.....لكنني ادمنت فيه الغرق! ❤
