{بلا ميعاد}

بارت2

وعند سطام اللي جلس وهو يعطي جده ابرته وادويته جمع كل شي وتحرك بيقوم بس مسكة جده : سطام
سطام بسرعه: لبييه
الجد : لبيت في منى يا ولدي
سطام ابتسم وهو يبوس كتفه : ويدي بيدك ان شاء الله
الجد :ان شاء الله .. سطام يا ولدي ما ابيك تاخذ بخاطرك من سند تراه رجال تعبان صاحب سكر وضغط وحار وانت تعرفه احشمه من حشمتك لي وخله يقول اللي يقول ويسكت
ابتسم سطام : لا تخاف ياجدي ما اخذت في خاطري ولا شي والكلام ذا انا فاهمه من زمن طويل
الجد : الله يرحم والديك ويسعدك
سطام وقف وهو يبوس راسه : انت الحين نااام وارتاح والصبح افطر وامش لا تنسى
الجز : ابشر ابشر
طلع سطام واتجهه للمطبخ وشاف ساره والبنات جالسين ويسولفون ابتسم وجلس وهو يقول : شكله الناس الوحيدين اللي مب تعبانين انتم
عنود وهي تقرب منه : من كثر ماني شبعانه نوم ومتنفخه عيوني معدومه الرؤيه عندي اشوفك دبل ههههههههههههه
سطام حط يده على وجهها وهو يدفها بخفه : هههههههههههههههه وااااضح طول الوقت بالمجلس ناييييمه
عنود بمزح :  تراقبني يعني تحبني صح قول لا تستحي
سطام:هههههههههههههههههه الله من السخاطه
الجوري : والله من جد يا سطام مرهه وحشتنا
سطام ابتسم للجوري اللي كانت تفتح النفس عكس ابوها: والله وانتم اكثر
ناديه : بتطلعنا للخيل ترا وبركب عليها
سطام : من عيوني
ساره: سطام متى تبي اصحيك
سطام: قبل الفجر ب ساعه
هديل : وين بتروح من قبل الفجر بساعه انتظر  لبعد الفجر
سطام : لازم اروح من بدري ولا بيروح علي كل شي انا مواعد رجال لازم اجي على الموعد
ساره: طيب
وقف سطام واتجهه للمجلس انسدح وهو ضايق فعلا من سند وحركاته بس ما طول كثيير ونام بتعب ................••...............
اما عند دانه اللي كانت مرميه في مكان قديم و مهجووور مباني مهدمه وحالها يرثى لها تركوها اشباه الرجال بعد ما اخذو اللي يبون ووضعها يحن له الكافر ................••............ اما عند فارس اللي كان جالس وهو يسمع سوالف فهد اللي كلها عن الطلعات والبنات ووش شاف ومن شبك نادى بزهق : مؤمن جدد الشاهي برد ومليييت
فهد اللي كان مسترسل يسولف لكن وقف كلامه ولف لفارس : وش تقصد يالطيب
فارس ابتسم بهدوء: اللبيب بالإشارة يفهم
فهد صفق : شاطر حطمني كأني ناقص
فارس ضربه بعصاه بشويش : بحطمك ولعنتك اجل هاذي سوالف ياخي قول شي صاحي ترا طقت مرارتي
فهد : والله هذا للي عندي
فارس : الحين رايح لمكه ومعتمر ومنعم عليك ربي وراجع تسولف بذا السوالف
فهد : وش تبي اقولك يعني اتكلم عن حمامات الحرم مثلا
فارس : انت تلف وتدور اهم شي تجيب انثى حتى لو هي حيوان
فهد ضحك : ياخي والله مافيه غير دوامة امي وابوي توظف وتزوج
فارس : دام عندك شهاده توظفك وشوله جالس ياخي شوف حياتك عمر هالسوالف ما تجيب خير
فهد : ياخي ما ابي ارتبط خلني حر طلييق
فارس : والله انا استسلم لك صراحه ما ينفع معك الا سطام اللي عنده تنبلم وما تنطق بحرف عن ذا السوالف السامجه
فهد : والله سطام عسر ما تقدر تفتح معه موضوع الا يهب فيك
فارس : يهب فيك عشان سماجتك لو انك تتكلم بشي عدل شفت كيف يرد
مؤمن اللي جاء وهو معصب : كل شويه شاهي كل شويه بارد هذا فهد مافيه يشرب شاهي بس كلام كثييير هنا ساعه خلاص 3:30 هنا كله نوم انت رووح بيت
فهد ناظره بتناحه ولف يناظر فارس اللي يضحك : الله يالدنيا اخيرا يطردني ذا الهندي
فارس :ههههههههههههه زهق من الصباح صاحي
وقف فهد وهو يمسح وجهه : يلا يلا بروح انام وبكره اجيك
فارس : اجلس مؤمن بيروح ينام اصلا
فهد : لا والله جد بروح اشوفك بكره
فارس : الله معك
طلع فهد اللي ما كان عنده اي هم يفكر فيه ................••..................
الساعه 3 طلعوا البنات متجهين لسطام فتحتوا الباب وكان
سطام جالس قربت ساره بخوف : سطاام بسم لله ما نمت
سطام تحرك بهدوء : لا نمت بس صحيت من شوي
الجوري : الله واكبر انت تقوم بلحالك
جلست العنود جنبه وهي تدقه بمزح : صحيييت ولا ساهر ليل العشاق
ضحك سطام وهو يدفها بمزح : يالله كيف كشفتيني
عنود بمزح : اسأل مجرب
سطام اللي عارف انها تمزح :الله يكون بعون كل العاشقيين وعون اللي انتي بتحبينه
هديل : هذا المفروض يذبح نفسه اريح له
عنود : اسمعيني مابي اتعامل بالعنف فا احترمو نفسكم
سطاام وقف وهو ياخذ ملابسه من ساره : اذا تبون شي اوسلوه على الجوال عشان اجيبه
هيفاء : احب اذكرك ما تنسى قهوتي
سطام لف باستغراب: اي قهوه !!
شهقت هيفاء : لاااااااا مو معناته تنسى اني احب القهوه اذا نسيت حبيبة قلبك
فجاءه الكل سكت وصار يناظر هيفاء بعتب وزعل الا سطام اللي تدارك الوضع وهو يرمي عليها المنشفه : شسوي اذا انا نساااي اكتبيها مع البنات
هيفاء :انا اسفه
سطام :على وشو
هيفاء كانت بتبرر بس تدخلت ساره بسرعه: سطااام جيب لعمتي جميله ...... وكملت وهي تفهمه اشياء  كثير بس تبيه ينسى كلام هيفاء
ولف سطام بملل : اخرتوني كل شي ارسلوه
دخل يبدل ملابسه وهو يبدل حتى شعور قلبه اللي اقتحم جوه فجاءه كأنه ناقص ضيق طلع متجهه لسيارته وركب وهو يشد جاكيته على نفسه ببرد حرك سيارته وهو يقطع طرييييق طووويل عشان يوصل المكان اللي يبي ووقف سطام على جنب وهو يبي يصلي الفجر نزل بجنب اماكن مهجوره وفرش سجادته وكبر وابتداء يصلي ولما سلم لفت انتباه شي كأنه انسان