{بلا ميعاد}

بارت 13

وعند الشباب كانوا جالسين بقهوه ولف مازن على مصعب : مصعب وش وضعك مع عمي
مصعب : والله مدري كنت مفكر ارجع امريكا وارتاح بس ما دام جولي راحت مقدر اخاطر بولدي
نايف : يا رجال وشوله تروح اجلس بس وبعدين انا احتاجك كثييير
الكل لف على نايف وكمل نايف : يعني من دون زعل مشغل عنا سند وصقر مع بعض
مازن بطرف عين : ياااخي انت اعجز صراحه في فهمك
فهد : النااااس في واااادي وانت في وادي
نايف : ياااخي من حقي تعبت والله تعبت قبل كان سند بلحاله وكنا هه هه نسلك له وتمشي اموره يعني لكن الحين صقر خلاص احس الاكشن صار عندي منه فوبيا ابي اعيش بسلااااام
مصعب : هههههههههههههه حسبي الله يا نايف وتضحي بي انا
نايف: ياخيي انت لك 10 سنين مرتاح خذ شوي من العذاب
مازن: في هاذي صدقت
فهد : سطام خلاص فكها يا ولد
سطام اللي ما زال ضايق : اطلبوا لي شاهي
نايف : خلاااااص يا بطل خلااص لو اقطع لك عرق بيصب منك شاهي مب دم اركد على نفسك
مازن: سطام المسأله ماهي تعذيب ربي كاتب نصيبهم لبعض رضينا ولا ما رضينا
فهد: روق تكفى
ما قدر سطام يتحمل اكثر ووقف وهو يقول : انا بطلع امشي بلحالي انتم ارجعوا من دوني
فهد : وين بتروح لحالك
مازن: بننتظرك
سطام : لا روحوا انا بخييير بتمشى لحالي
راح وما ترك لهم فرصه رجع فهد لوراء وهو يقول : يالله
مصعب : سطام اذا جلس كذا بينجن
مازن:وش نسوي يعني الله يساعده
اما سطام اتجهه لمكان من زمان ما راح له من زماان حس ان هذا وقته وهو محتاجه دخل المقبره وهو معاه كشاف اتجهه للقبر وهو ضايقه فيه الوسيعه وقف بجنب قمر امه وابوه وهو ضايق جلس بإنهيار وهو يشد على تراب القبر : اااااخ يا ربي اااااه  يا ليت ما رحتوا عني كلكم الاثنين يا ليت واحد بقى منكم على الاقل احتمي فيه على الاقل ارجع وانا ادري بحصل لي كتف استند له
والله يا يمه تععبت والله ما قدرت اتحمل اكثر يبه ما قدرت يا ليت كان الضغط من شخص واحد والكل صار يضغط علي معاد فيني حيل حتى فاااارس استكثروه علي واقتلوووه ... كان سطام يشكي ويخون شكوته دموعه وتنهيدات صدره المستمره واستمر على حاله هذا لما  غفت عينه بدون ما يحس وكأن الارض كلها ضاقت به ولا لقى له فرج على في قبر ابوه وامه
.................••اما عند العنود اللي مسحت دموعها بضيق : يعني لما قلتي مواقف : هذا اللي تذكرته
دانه : طيب عنود وش قصة سند مع سطام واهله
عنود تنهدت بضيق : والله يا دانه مدري وش اقول
دانه : لا تخافين ما بيطلع مني خبر
العنود : متاكده بس مدري كيف اشرح
دانه : ابدي من اي مكان
العنود بعد صمت : زمان مره زمان كان سند يبي يتزوج وحده من بنات اخو جدتي
اخو جدتي الله يرحمها وكان سند متعلق فيها مره ويكرر هالشي على جدي وجدتي كثيييير وكثييير المهم جدتي ما اعطته وجهه وكانت تغلي عمي ماجد الله يرحمه اللي هو ابو سطاام وكان اكبر عيالها وقررت تزوجه البنت اللي يبيها سند متجاهله سند وتقول انه مراهق ورفض عمي ماجد كثير بس اصروا عليهه وزوجه وطبعا سند حزتها ما بقى شي ماسوا لدرجه انه حاول يذبح عمي ماجد ولكن الكل مستهييين فيه ودخل مستشفى الامراض النفسيه وتأزمت حالته وطبعا عمي ماجد عاش مع ام سطام وحبها كثييير وجابوا سطام ولما صار عمره 5 سنين توفوا بحادث وطلع سند وكانت هاذي ثاني صدمه له ومن بعدها مايطيق سطام ولا يمكن يحبه وماتت جدتي وهو مو مسامحها ومازال متعلق بذيك الاحداث وكارههم ومتعبر ان دمار حياته بسبب عمي ماجد
وطبعا هالكلام مايدري به سطام ولا احد بس انا سمعت ابوي يقول لامي السالفه
دانه : لا يا ربي وش ذا اللي صاير وش ذا سطام لو عرف بيموت
العنود : انتي بس لا تجيبين طاري حتى البنات مايدرون
دانه سكتت بحييييره وخوف وصدمه ................••. من بكره الفجر كان الجد يمشي بين الغرف ويصحي الناس لصلاة ووصل للمجلس اللي كانوا فيه الشباب وفتحه وهو يقول : ماااازن مااازن ماازززن
مازن بصوت نايم : همممم
الجد : يلا يلا قم لصلاة يلاا
ولف وهو يقول : نااايف ناااايف نااااااااااااااايف يلا قم لصلاة يلااا
مصعب مصعععب يلا يا عيال قوموا الصلاة
سطااام سطااام يلا يا ابوي قم صل يلا
مصعب تحرك ويناظر فراش سطام اللي كان زي ماهو
وقف الجد : سطاام وييينه
صحوا العيال كلهم بهدوء مازن: اكيد قام يوضي
الجد : هو جاء معكم  ولا لا
مازن وهو يمسح وجهه : لا قال بيمشي شوي وبيجي
الجد بخوف : وشلووون تتركونه وهو بذا الحاله وشلووون
نايف : قال بيجي
الجد: وشلون لو راح لصقر وسوا مشكله
وقفوا كلهم بصدمه وهدوووووء وجاء ابو ماازن : وش فيكم