صقر : تحب اذكرك بأكثر
مصعب اللي في لحظات تغير اسلوبه واللي خلا الكل مستغرب من رده على صقر وهو متجاهله طول ذا الفتره ووضح على وجهه مصعب مكره وقوته اللي هو مخليها خفيه بكيفه وقف وهو يمسح دقنه بيده وراح لصقر اللي كان واقف بطغيان وقف قدامه وهو يحط يده ورا ظهره : شوف يا صقر ابعد عني احسن لك سكت لك وقلت يلا مهما كان ظلمناه وله حق يسويي اللي يسوي بس اتوقع انك زدتها كثيير وصار وضعك اوفر لكن بكلمك هالمره بس ابعد عني وعن كل شي يعنيني وانت تعرف زييييييين وحافظ زيييين وش ممكن اسوي فيك واتق شري لاني خلاص وصلت لحدودي للي تعرف انت وش بعدها مابي احلف بس لا تخليني التفت لك لا تشغلني اكثر
كلنا ندري كيف نقدر نأذي بعض عشان كذا احسن انك تسكر على الموضوع لاني سكرت الماضي
وتغيرت نبرته وقال بصوت ضخم ارعب الكل ورجع مصعب القديم : ولو بفتحه بتكون العواقب وخيمه دور احد ثاني تسلى فيه طيب !؟ (يا النووي )
كان تهديد واضح وصريح من مصعب اللي هز صقر قدام الكل وخصوصاً باللقب الاخير اللي كان يعني لصقر كل مصايب حياته ولا احد يناديه بذا الاسم الا احد يعرف مصايبه كلها
كلهم الاثنين سواء صقر او مصعب مب هينين كل واحد في راسه شر العالم بس مصعب دافن شره بطيبه وبدله بس صقر رافض يتحرر
تدخل سطام اللي حس ان مصعب ماعاد فيه صبر اكثر وهو يقول : دام وكلتوني بشيء خلونا نلعب لعبه جديده
هديل : عندي لكم لعبه رهيبه
مازن : اش هي
هديل : قول بس لا تقووول
سطام : اشرحي
هيفاء جابت العلبه ووقفت هديل وهي تشرح لهم وانقسموا فريقين بنات وعيال وابتداء حماسهم
.................••............ وصقر اللي طلع هو اسماء وهو متضايق مره واسماء اللي ما تدري وش سبب العداون بينهم
قربت بخوف وهي تقول : صقر
لف صقر وعيونه حمرا : وش فيك
اسماء : اخاف اسألك وتعصب
صقر: قولي
اسماء : خلاص معاد بقول شي
صقر : انا اقول تكلمي
اسماء : يعني انت ومصعب ليه تكرهون بعض ما فهمت وليه كلهم رسميين معك
صقر اللي طول يناظرها وبعدها شد على كتفها وهو يقول : انتي وش وضعك معي .
.
.
اسماء بخوف : كيف يعني
صقر:انا وش اعني لك
اسماء اللي حسته رجع لصقر القديم وخافت لكن قالت : انت زوجي يا صقر كل عيوبك عندي محاسن
صقر: بس زوجك!؟؟؟ اسماء : وش بتكون اكثر من انك زوجي
صقر وهو يشد على كتفها: انا مو بس زوجك انا ابوك اهلك وناسك انا حبيبك وسندك وكل شي غيررر هذا مستحيييل سامعتني
اسماء: ايه اكيد انت كذا اهداء لا تعصب
صقر نزل يده لا شعوريا وهو يشوفها موجوعه : اوجعتك
اسماء : لا عادي
صقر : الا اوجعتك اشوف كتفك
اسماء: صقر بسم الله عليك ما اوجعتني مافيها شي كتفي
صقر اللي جلس بيأس وهو حزين : تكذبين عشان تفتكين من شري عشان تبعديني عنك ماله داعي انا ادري ان الكل يكرهني وان الكل يشوفني شيطان ادري ما تطيقني وادري ان عاله على الكل حتى امي ما تحملتني وراحت وتركتني كذا اخذو كل شي مني وعطوه مصعب
اسماء انصدمت من ضعفه اللي يبارن الاول مره قدامها فزت وهي تقول : لا يا صقر انا ما اكرهك وانت مو عاله انت زوجي وحبيبي واهلي وانت تعرف انت لي كل شي وابوك يحبك بعد واهلك بس انهم مستغربين عصبيتك ومصعب عشانه حسن نفسه رجعوا له جرب انك تنسى عيش معهم اسمع معهم واضحك وسولف لا تصير سلبي صدقني بيحبونك والله يا صقر انت مو عاله وامك ربي كاب يومها ما راحت لانها ما تحملتك
صقر اللي ناظرها بهدوء: لو اتغير بيرجعون يحبوني
اسماء : هم يحبونك اصلا بس يكرهون فعلك
صقر بضعف يوجع القلب : طيب ساعديني اتغير يا اسماء مابي اكون كذا مابي اكون عند اهلي غريب تكفين ساعديني
انكسر خاطر اسماء وحضنته وهي تقول : لا تخاف انا معك وبيحبون افعالك بس خلك معي
صقر وهو يشد عليها : انا انا معك بس انا تعبت
اسماء : انا بسندك لا تخاف
كان صقر مستسلم لضعفه وهو يبي اي شي يغير وضعه
واسماء اللي كانت مرعوبه من ضعف صقر ولا تبيه يضعف اكثر ................••............ وعند الشباب وصل الدور لمصعب وبالصدفت كانت الورقه مع عنود والكل كان متحمسين
وعنود اللي توورطت ما تدري كيف تشرح الكلمه لمصعب اللي كان ساكن ومبتسم وللحين ما يكلم عنود وكانت الكلمه ( قسمه ونصيب )
سطام: عنود بسرعه
عنود : طيب دقيقه بفكر
هديل : بسرعه الوقت يمر
عنووود : اااااااا كيف اشرح اممم وش صار مع سطام ودانه قبل اسبوع
تنح مصعب : وش صار
عنود : يعني وش وضعهم
مصعب : وش دراني اشرحي زين
عنوود : يووووه طيب سطام وشهو لدانه
مصعب :زوجها
سطام: ما لقيتي مثال افضل
عنود : مب وقتك المهم كيف صار زوجها
الكل صاروا يناظرون فيها والكل فهم غلط وهبدتها هديل : مالها دخل يا بقره غيري اشرحي زييين
عنود : يووه طيب الحين انا وانت وش جمعنا وش صار بينا .
.
مازن: وش صار يا خبله
مصعب اللي اخذ السؤال بجديه وهو وده يعرف وش وضعهم
دفتها ناديه : ياخي بقره انتهى الوقت
نايف : وش الكلمه تكفون عشان اعرف كل هالاعياد عشان ايش
سطام : يممه قلبي بموت عنوود انتي وين عقلك ذبحتينا عشان تشرحين قسمه ونصيب
عنود اللي اصلا تفشلت من مصعب اللي حسته فهم سؤالها غلط : وش اسوي
مازن: الله من الغبى والدلاخه
سطام : اقول دورك يا مصعب اشرح لها وهي تجاوبب وفكونا من الهباله
نايف : لا تكفى
مصعب : معرف اشرح
سطام : حاول
سحب مصعب الورقه وغمض وهو يقول : مايصير اغير لون
نايف: اشوف وش طلع لك( خلق ضيق) يوووه بسيطه
مصعب : بسيطه ما قلنا شي بس
مازن: بتعرفها صدقني
مصعب : وخروا عني
جوري : بدا الوقت
ما عرف مصعب يشرح الا قال : صفه مشتركه بينك وبين ابوي
الكل سكت فجاءه وتفجرواا فريق العيال من الضحك
نايف: والله جبتها
مازن: اقوى صراحه ذبه غير مقصووده
سطااام: ياااا ويلك ويلاه
مصعب حمر وجهه وهو يضحك: وش اسوي طيب اقرب شي
ساره: بسرعه بنعرف وش الصفه
عنود: اشرح من دون ظرافه
مصعب اخذ نفس : والله ماتنشرح الا بظرافه المهم يعني هي صفه مب حلوه
سطام: يووووه خربها زياده
مصعب : انت اسكت المهم انه صفه هي يعني منتشره هنا كثير او عندك يوم تكونين متنرفزه وش تقولين
عنود :وش اقول
مصعب :تقولي مالي .. عنود : مالي خلق
مصعب : ايييوه الكلمه الثانيه صح وهي الاولى
عنود : خلق !؟!
مصعب : اييييه
عنود : خلق !! منفس
مصعب : يعني بكلمه ثانيه
عنود : خلقي ضايق
مصعب : ايووووه بس بدلي شوي فالكلمه
عنود : خلق ضيييق
مصعب حذف الورقه بحماس : اييييه ينصر دينك
عنود : الحين انا خلقي ضيق واشبهه ابووك
سطام بضحك: خانه التعبييير يا مسلمه
نايف:ههههههههههههههههههههههههههههههههه اجلديه تكفييين
مصعب : اقصد نفس الصفه مشتركه
عنود : لا والله
مصعب بنظره هاديه : ماله داعي المبالغه طيب ! تطلع مثل التصرفات احيان
جلست عنود لما حست بدقه في كلامه وهو يقصد تصرفها معاه في كثير اشياء
نايف : دورك سطام
هديل : ودورك يا دانه
الكل : اووووووه
اخذ سطام ورقه ببتسامه وكانت عن ( حوريه)
سطام : يوووه يا عيال سكروا اذانكم الكلمه تحتاج شعور
نايف وهو يشوف الكلمه : الله يرزقنا
مازن: وش ذا الحظ الزين
سطام : سكروا بالله
مصعب : يا شينك اشرحها بسيطه لا تعمق وريحنا
عنود : بسرعه
دانه انحرجت وقف سطام وهو يقول : ايييه يالدانه الحين الدانه الحقيقه وين يحصلونها
هديل بظرافه : عند سطام
مصعب : تكفون جيبوها بتوطى في بطنها
نايف : خذها يارجال والله مانطلب ديه حتى
عنود : اص خلوه يكمل .
.
مصعب : تكفون جيبوها بتوطى في بطنها
نايف : خذها يارجال والله مانطلب ديه حتى
عنود : اص خلوه يكمل
دانه: في البحر
سطام: صح عليك طيب المخلوقات الحلوه اللي فيه وشهي
دانه : سمك
سطام : سمك حلوه!!! دانه ضحكت: فيه هي
سطام: سكروا اذانكم ي عيال تكفون
سكروا العيال بملل وقال سطام اللي ماعليه من البنات
سطام : يعني بمعنى اخر حلوه مثلك
ماتت دانه من الاحراج والبنات يصارخون نايف نط: والله انه تغزل فيها فاتني
سطام : اركد
مازن: يا سطام بسرعه الوقت راح
دانه بالقوه نطقت :حوريه
سطام : يا لبيييييه
نايف خبط سطام: سكتنا لك كثيير
مازن عطاه وحده ثانيه: قلنا معرس بس اعقل
مصعب اعطاه الثالثه : الكلام اللي يعور القلوب فكنا منه
الكل :هههههههههههههههههههههههههههههههههههههههههههههههههههههههه
هديل : الدور عند دانه
نايف : بموت لاقضيتوا علموني
سطام : اشرحي جعل
مازن : كملها وشوف وش بيصير
اخذت دانه الورقه ووقالت : نايف ارجع مافيها سي يجلط
نايف: قولي والله
دانه: والله
سطام : ياخساره
عنود : ذبحتونا ترا
دانه : يلا ( شختك بختك) الحيين اذا سويت شي وطلع معك صح من دون قصد وش تقوله
نايف : يعني زي زواجكم
عنود: نايف فكناا
سطام : ااااا حظ حلو
دانه: بمعنى ثاني
سطام: اشرحي اكثر
دانه : يعني الحين دخلت في شي وبدون ماتردي ربحته شي زين وش تسميه
سطاام : حظ يكسر الصخر
مازن: والله اني داري انك صايو غبي
سطام : احترم نفسك
دانه : هو اول كلمه تعنيها
سطام : مدري
ساره: خلص الوقت
سطام: وش هي
دانه: شختك بختك
سطام: انتي شرحتي بس صعبه والله
كملوا لعب بضحك وحماس .
.
.
وانتهى يومهم ومن بكره الكل راح يجهزون لزواجهم
وتعدي الايام والكل مستمتع بحياته والكل ملاحظ صقر وتغيره وسطام وفرحته وبسرعه مر الشهر والهدوء والفرحه تعم المكان ................••............ وفي غرفة سطااام اللي كان جالسه يدور على شاحنه وطاحت عينه على ظرف فهد ابتسم وهو يفتحه وكان خفيف غمض اول ماشاف شيك بمبلغ وضحك وهو يقرا رسالته ( مدري متى بتفتح الظرف بس والله ماعرفت وش اهديك وشفت الفلوس بتنفعك اكثر ادري انك حاليا تحتاجها وعلى فكره حلفت انك ما ترفضها وترا نصها انا تستلفتها منك زمان هههههه المهم الله يوفقك يا حبيبي )
دانه دخلت وهي تعلق ثيابه: سطام وش فيك تضحك
سطام : فهد كاتب ذا الرساله وضحكتني
ابتسمت دانه : طيب يلا ترا تأخرنا وجدي ينتظر برا هو وساره بنتاخر كذا على الزواج
سطام : يا زينه ذا الزواج اللي بتحضره دانتي الحلوه
دانه: ودانتك تبي تسلم على اهلها
سطام: نروح نسلم بس خلي بعد الزواج
دانه: طيب
قرب سطام وهو يبوسها بخفه وابتعد وهو ياخذ اغراضه ولبست دانه وطلعت وهم يشوفون صقر يرتب الاغراض بشنطة السياره
صقر: سطام من اي طريق بتروح
سطام : الرئيسي
صقر: زين اجل على بالي بتروح مع المختصر
سطام: لا لا هذا اقرب للحفل
الجد: يلا يا عيال
صقر: يبه تعال معي
سطام: صقيير فكني من شرك جدي معي
صقر: سطاموه هو معك دايم هالمره معي
ساره : اصلا لييش رايحين سيارتين
الجد: اي والله خلونا وحده خفيفين احنا
صقر: طيب بس انا بسوق
سطام: اجل على سيارتي
صقر : يلا اجل ساعدني بالشنط
نزل صقر وسطام الشنط ورتبوها وهم اللي علاقتهم صارت كويسه
ركبت اسماء ورا بالمرتبه االاخيره وهي تحس نفسها تعبانه وقالت بتنام
وسطام وساره ودانه بالثانيه والجد وصقر قدام
استند سطام على كتف دانه ودخل بنومه عميقه يتهيء فيها لزواج ................••............ وعند الشباب الكل كان يستعد والكل فرحان ومصعب اللي هادي شعوره اتجاه العنود وعنود اللي مازالت كارهه مصعب
اما مازن وجوري غرقانين بحبهم وهواشهم الحلو .................••............ المغرب بعد ماجهزوا الكل ورجع سطام بيت ابو مازن على بعد ما حلقو الشباب ودخل وهو يصوت : ياهوه يلا بنمشي تاخرنا
ساره: يلا يلا خذ هاذي الاغراض بس لسياره
سطام اللي كان يشيل بالاغراض ويسولف مع ام مازن وركبوا كلهم ولف سطام : دانه وين
ساره: بتجلس مع عنود لما تخلص
سطام: يلا اجل
اخذهم للقصر ورجع يبي يكلم العنود قبل زواجها ويدري نفسيتها ماش دخل وطلع فوق ووقف اول ماشاف دانه واقفه وهي تكلم امها وبكامل اناقتها ابتسم بخقه واتجهه لها وسحب الجوال وهو يقفله .
.
.
ووقف اول ماشاف دانه واقفه وهي تكلم امها وبكامل اناقتها ابتسم بخقه واتجهه لها وسحب الجوال وهو يقفله
شهقت دانه: سطام امي تتكلم
سطام: امك وين وانا وييين وش ذا العذاب يا بنت الناس
دانه: كيف بالله
سطام : اسكتي تكفين لا تاخذين رايي الا بعد العرس
دانه: ليه مو حلو
سطام: اقول عذاب تقول مو حلو
دانه ابتسمت : طيب وين بتروح
سطام بجديه: بكلم عنود
دانه: سطام ارفق بها ترا مره نفسيتها تعبانه
سطام: زين بس هي عندها احد
دانه: بس المصوره
سطام: عادي ادخل
دانه: ايه عادي
دق سطام الباب وطل وهو يقول : ندخل يا عروستنا
عنود بصوت متذبذب : ادخل
تقدم سطام وهو يصفق : الله الله الله وش ذا الزيييين وش ذا الحلاااااا يا ابوي
ابتسمت العنود وقرب سطام وهو يسلم عليها : لا لا لازم صوره مع المزه
لف وهو يأشر للمصوره تصورهم صورتهم وبعدها طلب منها تطلع
ولف وهو يقول: عنود اسمعيني
حست عنود بخوف وهي تناظره جلس سطام وهو يمسك يدها : ما ابيك تزعلين على زواجك ابد ولا ابيك تضيقين وتفكرين افكار سيئه طيعيني وعيشي حياتك صح انتي الحين بتبتدين حياه جديده وان شاء الله حلوه لا تاخذين الموضوع بجديه وكرهه ترا الكل ملاحظ كرهك لمصعب حاولي تعيشين معاه وتطلعين بأقل الخساير انا صح ما اعرف شعورك بس انا متاكد محد يستاهلك الا مصعب
عنود هزت راسها بهدوء وقرب سطام وهو يبوس راسها : الله يوفقك هذا اللي بقوله
ابتعد وهو يسمع صوت العيال ونزل تحت وهو يشوف مازن طالع يجهز وهو يغني
طلع لشباب وهو يسمع سوالفهم وضحكهم
سطام : هاااااه جيتوا
نايف : جييينا والواضح ان الليله وحيد
صقر : الله يكون بعونك
سطام : مصعب ما رحتو له
نايف : بناخذ مازن ونروح
سطاام : يلا اجل انا بجلس عند البنات لما يخلصون
نايف: بتاخذ جوري ولا ناخذها
مصعب : لا باخذها انا هي مين معها
نايف: ناديه ................••............ عند جوري اللي انتهت ووقفت وهي تشوف نفسها بفرح وحماس لفت على صوت رساله بجوالها وكان مازن يقول ( الشي الوحيد اللي مصبرني اني ما احاكيك هو اني ادري اني بعد هاللحظه بتكونين لي ونكون مع بعض دايم وانك بهاللحظات تجهزين لاسسعد يوم حياتنا يا اجمل ما حصل في حياة مازن
.
.
.
ابتسمت جوري بفرح وهي ما تدري وش ترد لكن تركت الجوال وهي تقول :ارد عليه بنفسي احسن
لفت لما سمعت الباب يدق وكان مصعب :جوري فاضيه
جوري : ايوه تعال
دخل مصعب وهو بيده كيس هديه : اول شي اسف على تاخير الهديه بس انشغلت شوي وثاني شي مبرووك لك والله يتمم عليكم فرحتكم وثالث والاخير مهما حصل معك يا جوري اعرفي عندك اخو وسند يفديك بروحه وانك اغلى شي عندي ان شاء الله ربي يكتب لك السعاده دايم لكن مابي اوصيك على نفسك وزوجك انتبهي يا جوري تخلين حياتك كتاب لكلم واحد يدخل ويعدل على كيفه كل شي يصير معك زين او شين خليه بينكم وانتبهي وانا اخوك انك تهدمين بيتك بيدك وادري بك عاقله ما يحتاج توصيه
جوري حضنته بفرح: ابشر كل شي تقوله على راسي يكفيني انك تكون عزوتي
ابتسم مصعب : اجل بخليك تجهزين وبطلع ومبروك
جوري : مبروك لك بعد
طلع مصعب وهو مبتسم وقف يناظر كشخته بالمرايه وكان ضايق اخذ نفس بضيق وهو يمسح جبينه نزل وهو يسمع صوت بوري الشباب ................••............ وعلى الساعه ١١:٣٠ اخذ سطام جوري وعنود واتهجوا للقاعه ونزلوا وكل وحده راحت لغرفتها تتجهز وتجهز وضعها
.................••............ وع الساعه ١ جت الزفه والكل كان مسبوط وفرحانين وفي طرف ثاني كانت العنود اللي تحس بجمود مسيطر عليها
سمعت صوت الشباب وهم يزفون مصعب ومازن
ودخلوا مع مصعب اول شي وارتبكت عنود وهي تحس الاكسجين انقطع عنها شافت سطام اللي اقبل مع مصعب اللي سلم على راسها وقف بهدوء وهو يسلم على الباقين
وقف سطام وهو يقول :مصعب ما اوصيك على العنود حطها بعيونك وان فكرت تزعلها تلقاني قدامك
ابتسم مصعب: في عيوني لا تخاف
سطام : بخليكم واروح لمازن
مصعب : موفق
سطام طلع وهو قلبه مو متطمن للعنود بس يدعي ان الله يوفقها
عنود اللي كانت واقفه بهدوء مليان انكسار بس واقفه بشموخ
جلس مصعب وهو يحس راسه بينفجر من الصداع : مبروك
عنود ناظرته بهدوء وطنشته وقف مصعب وهو يرتب شكله ويستعد لزفه وهو متجاهل العنود ومتجاهلته ................••............ وعند مازن اللي كان يتشقق فرح وحماس اول ما دخل لف بسرعه وهو يبوس راس امه وام مصعب ولف لجوري بحماس
سطام هبده: عيونك لا تطيح
مازن: انتي وش تبي جاي
سطام وهو متجهه لجوري : بسلم على حبيبتي
كان سطام بيحضنها لكن بسرعه البرق ركض مازن وهو يحضنها قبله: معصي تسبقني
الكل انصدموا وضحكوا بنفس الوقت وجوري ماتت بمكانها
سطام : اركد طيب بنسلم عليها ونطلع
مازن: وصل سلامك توكل
سطام اللي قرب وهو يسحب جوري غصب وسلم عليها وطلعوا وهم يضحكون على مازن المجنون
كان سطام بيحضنها لكن بسرعه البرق ركض مازن وهو يحضنها قبله: معصي تسبقني
الكل انصدموا وضحكوا بنفس الوقت وجوري ماتت بمكانها
سطام : اركد طيب بنسلم عليها ونطلع
مازن: وصل سلامك توكل
سطام اللي قرب وهو يسحب جوري غصب وسلم عليها وطلعوا وهم يضحكون على مازن المجنون اللي اول ما تسكر الباب اخذ نفس ولف يحضنها من جديد
جوري اللي هنا كانت ميته احراج ابتعد مازن وهو يقول : مبروك ولو انك مارديتي علي للحين
ابتسمت جوري بخجل : برد عليك بس مو الحين
مازن ضحك : وش الزين اللي يشلع القلب
جوري نزلت راسها بخجل وهي تسمع كلام مازن الغزلي البحت وهو مندمج معها لما اعلنوا الزفه
................••. وانزفوا العرسان بهدوء وفرح وحب وطلعوا كل واحد متجهه لفندقه
عند مصعب اللي دخلوا وهو راح يطلب عشاء وعنود اللي بدلت على طول وانسدحت بغضب تبي تنام
شافها مصعب وهز راسه بأسى وهو ينزل العشاء : تعالي تعشي
عنود : ما ابي
مصعب : ادري ما اكلتي شي من الصباح تعالي كلي
عنود : ليه ان شاء الله قالوا لك بهمل نفسي عشان زواجك الخايس
مصعب بهدوء طنشها ورجع ياكل اما عنود انسدحت وهي خايفه منه اكثر من اي شي ثاني
وقف مصعب وطلع الاكل وغسل ورجع بينسدح وفزت عنود : شتبيي
مصعب : بناام
عنود : لا تنام جنبي
مصعب : ليش ان شاء الله
عنود : ما ابيك كيفي
مصعب هنا معاد يتحمل وناظرها وهو رافع حواجبها بغضب : لا تفكرين اني بروح انام برا او على كنب عشان حضرتك ترتاحين
انسدح وهو يعطيها ظهره وقال بإستفزااز لها : لا تخافين انا ما ارمي نفسي على احد
تلحف وهو كان تعبان وبينام وعنود الي انسدحت براحه وهي خايفه انه يغدر بها
................••. اما عند مازن اللي ماصدق وصل الفندق ودخل بحماسه وهو يساعد جوري اللي دخلت بخوف
وبعد ماطلب العشاء وبدلوا لف مازن وهو يقول : ايوه يا جوري كيف شفتي الزواج
جوري اللي تشوفه يحاول يفتح موضوع : حلو
مازن : والله مو محليه الا انتي
جوري : تسلم
مازن: حب يطلعها من خجلها : اقول كم ارتفاع كعبك
جوري : ليش
مازن: كنت طولي تقريبا واضح تعبتتي ليين حصلتي شي يوصلك لي
جوري : يعني انت الحين بتستهببل وتستعبط
مازن: : يعني بقولك رايي
جوري وقفت بغضب : ليش مو عاجبك طولي
مازن اللي قرب بهمس وهو نزل لها مره بسبب فرق الطول :انا وش جابني على وجهي الا انتي وطولك ولطافتك اللي تشلع قلبي من مكانه وش سويتي فيني يا بنت الناس وين اخذتيني وين وصلتي بي من دروب الحب
جوري اللي حست انها احترت ولف بتروح بس وقفها مازن بيده لما حاوط خصرها: ويين
جوري : بروح اشوف جوالي
مازن : مو وقته ابد هالجوال ............🌚)
وعند صقر اتجهه للغرفه اللي خصصها له ابو مازن هو واسماء دخل وهو شماغه بيده وعيونه تدور على اسماء لكن وقف بخوف لما سمع صوتها تبكي وتستفرغ ( الله يكرمكم ) رمى شماغه وركض : اسمماااااء حبيبتي وش فييك اسماء
اسماء اللي استندت على صقر وهي تبكي : ما ادري احس بدوخه وغثيان كل شي فيني يوجعني
صقر: بسم لله عليك من متى
اسماء : من يومين احس بدوخه وغثيان بس الحين زاد
صقر سندها وهو يساعدها تلبس العبايه: اكلتي شييي انتي اوجعك
اسماء : لا
نزل صقر بها لكن واجهه سطام اللي توه جاء: صقر وشفيكم
صقر اللي كان بين قلقه: مدري اسماء تعبانه باخذها للمستشفى
فتح سطام لهم الباب : سلامات سلامات ان شاء الله بسيطه طمني طيب
صقر : زين
طلع سطام متجهه لغرفته وفتح الباب وهو مبتسم كعادته وشاف دانه اللي كانت جالسه تنتظره ووقفت وتقدمت بسرعه وهي تحضنه: طولت
استغرب سطام لكن ابتسم وهو يشد عليها : كنت اوصل العرسان وش فيك وش ذا الشوق المفاجئ
دانه ابتسمت : ولا شي ما يصير احضنك
سطام : يصير يصيير يصير كثير بعد
دانه اللي كانت تراقب سطام بكل تصرفاته بفرح وحب زاد كثييييير خصوصا هالفتره ببعد ما تعمقت في سطام وعرفت عن حياته كثيييير ................••............ وعند صقر اللي وصلو المستشفى ودخلوا سيده على الدكتوره اللي بدت تاخذ الاعراض والتحاليل وبعد ساعتييييين وقف صقر بضيق من بكى اسمع اللي قطع قلبه وهو يقول : وش صار على التحاليل
اعطته الممرضه التحليل : انتهى خلاص خذها لدكتوره
اخذها صقر وراحوا لدكتوره اللي كانت تقرا وهي تسمع بكى اسماء : الله الله شكل المدام دلوعه مره
صقر بحده: وش للي دلوعه انسانه مريضه وتقولين دلوعه
الدكتوره: ههههههه واضح مين مدلعها بس ما يحتاج تخافون الوضع طبيعي
صقر: شلون يعني
الدكتوره: زوجتك حامل يا استاذ وحملها من بدايته واضح صعب الله يعينك
جمد صقر شوي لكنه لف على اسماء اللي وقف بكيها ورجع يناظر الدكتوره : كيف .؟!!
الدكتوره :كيف يعني كيف زوجتك حامل
جلس صقر بفرح وصدمه ولف على اسماء : تسمعين
اسماء اللي بكت بفرح : اسمع يا صقر اسمع
كانت مشاعر صقر مختلطه خوف وحب طلعت الدكتوره واتجهه صقر لاسماء وهو يحتضنها بفرح واسماء اللي فرحانه وخايفه بعد من تقلب صقر ومزاجاته رغم انه تحسن كثييير بس الموضوع مخوفها
طلعوا بعد ما اخذوا الادويه ورجعوا البيت وساعدها صقر لين نامت ورجع صقر لغرفة سطام وهو مبسوط دق الباب وهو مو قادو ينتظر لصباح يحتاج احد يبشره طلع سطام : صقر جيتوا وش فيها اسماء
صقر : اسف ازعجتك بس انت قلت طمني
سطام وهو يرجع شعره: لا يا رجال وش ازعاج هاه وش صار معكم
صقر مد لسطام الورقه ناظره سطام : لا تستهبل وش عرفني وش مكتوب معرف اقراها
صقر: ابشرك بصير اب
اتسعت عيون سطام بفرحه وهو يحضنه بفرح ويبارك له : مبرووووك يا رب يتمم لكم وتفرحون فيه يارب
صقر: الله يبارك وعقبال عندك
سطام : ان شاء الله
صقر: انا بس بقولك وبروح انام
سطام : الله معك
رجع سطام وهو مبسوط دانه : وش فيه صقر
سطام سحب ذراعها وهو ينسدح عليه : ابد ينتظر ولده بالطريق
سكتت دانه وهي ما فهمت وبعدها وقفت وهي تصرخ: اسمااااء حامل
سطام : هههههههه ايه حامل
دانه : بروووح ابارك لك لها
سطام مسكها: وين وين الناس فرحانين مع بعض وين رايحه انتي
دانه : معليه بسلم وارجع
سحبها سطام : اتركي الناس وتعالي نفرح احنا بس
دانه: يوووه والله فرحانه لها مره
سطام : بكره تباركين لها
دانه: والله كنت ملاحظه عليها بس اني ما فكرت فالموضوع كثير
سطام : وش عرفك انتي
دانه سكتت بضيق : يعني مريت قبل بنفس الوضع
سطام اللي حس انه جرحها بدون يقصد وجلس وهو يقول : اللي راح راح والله يجعلك ما تمرين فيه الا بوضع احلى
دانه قربت وهي تحتمي بحضنه : امين .................••............ ومن بكره الصبح ابتدو الكل ينزلون للفطور في صالة ابو مازن وكان صقر مسنتر بالصاله من بدري
الجد : صقر وش فيك يا ابوي هنا
صقر :انتظركم تصحون
ابو مازن: بسم لله وش فيك
صقر :خير خير
الجد : صقر خوفتنا
سطام اللي جاء يركض : انا انا بقول
صقر نط وهو يسكر فم سطام: بلا استهبال انا اللي بقول
كان سطام يمازح صقر وهو يحاول يتفلت لكن طيحه صقر وهو يسكر فمه وجالس فوقه وبصراخ : اسماء حامل
وقف سطام وهو يضحك : هيا مبروووك
الجد بفرح وهو يحضن صقر: مبرووك مبروك الده يتمم عليك
ابو مازن: الله يهنيك ياصقر وتقر عينك بشوفته
ام مازن: مبروك يا صقر
صقر: الله يبارك فيكم كلكم
وعند البنات نزلت دانه وهي تشوف اسماء حضنتها وهي تبارك لها
اسماء : الله يبارك فيك وعقبالك
دانه: ان شاء الله
ساره اللي ركضت وهي تحضنها : مبرووك اسماء والله فرحت لكم
اسماء : الله يبارك فيك
ساره : بنزل ابارك لصقر
سطام اللي يصوت من تحت : ياهووووه الفطور تاخر
نزلت ساره ببتسامه: الحين يجهز
راحت لصقر وهي تسلم عليه وتبارك له وخصوصا ان صقر بعد ما تغير صار الكل تقريبا يحبه ................••............ عند مصعب اللي تحرك بإنزعاج من نور الشمس لف بضيق وهو يغطي وجهه وهو ناسي اصلا انه تزوج لكنه فز وهو يناظر عنود اللي نايمه بجنبه بهدوء تنهد وهو يراقب ملامحها الهاديه الجميله اللي مخربتها بأخلاقها
رفع نفسه بيتعدل وفي ذا اللحظه كان قريب من عنود
وفجاءه حس بضربه قويه على صدره دفعته بقوه وطااح من فوق السرير على راسه ويده وصرخ بألم لان اصلا السرير مرتفع فأوجعت مصعب
عنود اللي اول ما فتحت شافت صدر مصعب قبالهت وقريب منها مره وخافت انه ناوي لها نيه ولا شعوريا دافعت عن نفسها
جلست وهي تناظر فيه بحده اما مصعب اللي اعتدل بألم وهو ماسك كتفه ناظره بغضب : انهبلتي انتي وش حركات الهمج هاذي
العنود: على بالك بسكت لك واعدي لك حركاتك لا تحسبني خبله ما افهم
مصعب بوجع : حركاتي !! وش سويت لك يا بنت الناس
العنود : أسال نفسك لا تسألني
مصعب وقف وهو ماسك كتفه : قسم بالله انك مريضه
العنود : انت المريض
مصعب اللي لف بألم وهو يقول : قد ما فيك يا عنود لا تختبرين صبري احسن
العنود : وش بتسوي
مصعب هز راسه بأسى وهو ما يبي يأذيها راح يغسل وهو مو قادر حتى يرفع كتفه من الالم رجع بضيق وهو يجلس طلب لها فطور وهو اتلحف وهو يحاول ينام عشان ما يذبحها
اما عنود اللي جلست تفطر وهي تشوف انها منتصره من البدايه ولا بتسمح له يقرب لها .
.
.
اما عند الكتاكيييت كان وضعهم جدا جميل مازن اللي كان صاحي من بدري وهو يجهز هديته لجوري
بعد ما صحت جوري وبدلت وطلعت سمعت مازن اللي وقف وهو يقول : هلاااا هلاااا بالملح والقبله
ابتسمت جوري بخجل وهي تجلس
مازن : ردي عبريني ولا لسانك اللي ثلاث مية متر وين اختفى
جوري رفعت راسها : مصر تطقطق حتى الحين
مازن: مصر انك تحكين والله قطعتي قلبي اختفى صوتك فجاءه شكلي بطلقك عشان ترجعين تسولفين
طارت عيون جوري بصصدمه: بالله عليك هذا كلام عريس بصباحية عرسه
ابتسم مازن بخبث : يا لبى الصباحيه والله وش اسوي تغزلت وانسحب علي وانطرمتي قلت ادور شي يخليك تتفاعلين
جوري : دور سالفه زينه اقل شي
ضحك مازن : ابشري ندور
سحب الهديه من ورا الكرسي : اجل دام كذا خذي هي هديه بسيطه بس غلاتها كونها لك
جوري ابتسمت وهي تاخذها: ليش كلفت على نفسك
مازن : انا لو اعطيك سيقاني قليلة عليك
جوري لفت بصدمه : وشو
مازن بمزح : يعني انتي بسم لله عليك عيونك تغطي على عيوني ف انا بعطيك شي ناقص عندك سيقاني توفي بالغرض
تكتفت جوري بغضب وضحك مازن وهو يبوس يدها: والله والله اني امزح اطقطق يا بنت الحلال اصلا انا بطولي اضيع عندك
ضحكت جوري وهي تقول : والله انك مجنون
مازن: افتحي الهديه طيب
جوري فتحت الهديه وهي كانت سلسلة راقية وجميله ابتسمت وهي لا شعوريا قربت وهي تبوس خده : حلووه مثل حلاوة اللي جابها
اختفت ابتسامة مازن اللي جمد من بوستها وفجاءه صار يضحك بحماس : يا لبييييه يا لبييييه يا لبيييه
ضحكت جوري باحراج وهي تشوف تعابير وجهن المصدوم ................••وفي بيت ابو مازن الكل تجمع عندهم وكان من العادات انه يكون فيه عشاء المعاريس كانو يجهزون ويساعدون ام مازن وام مصعب
دخل صقر المطبخ وهو ينزل الاغراض : خذي سوير هاذي الاغراض
ساره: يعطيك العافيه
صقر: الله يعافيك وينها اسماء
ساره: مع البنات ادخل
صقر دخل وهو يسلم على البنات وباركوا له
صقر: اسماء كيفك الحين تحتاجين شي
هديل : لله يرحم والدينك صقر ترا ما صدقنا نفتك من سطام ودانه ومازن وجوري فكونا من الاهتمام الزايد
عايشه: لا تخاف هي عندنا ما تحتاج شي
صقر: اكبر كارثه انها عندكم
هديل : نعم !
صقر ابتسم وهو يقول : تكفين يا جميله لا احد يقرب تراهم مجانين يذبحونها والله
هيفاء : لا تحدا والله لاذبحها صدق
صقر : قربي وشوفي
جميله: ههههههههه ما عليك بعيوني محد مقرب لها
سطام اللي دخل : ياللليييل صقر ولقى له شي ينشب فيه ياخي تاركني اكرف وجاي هنا
صقر: شتبي انت نايف معك
سطام وهو يعطي دانه القهوه : سخنيها .. نايف مسوي اضراب
صقر: وشووووله
سطام وهو يعطي دانه القهوه : سخنيها .. نايف مسوي اضراب
صقر: وشووووله
سطام : عزابي لحاله متحطم نفسياً
الكل :هههههههههههههههههههههههههههههههههههههههههههههههههههههههه
صقر : خله خله بروح احره زياده
سطام ضحك وهو يشوف صقر متجهه لنايف اللي كان جالس جنب الجد ويتحلطم عليه
صقر : اقول نايف ما سمعت اخر خبر
نايف بطرف عين: يعني بتقهرني دريت تزوجت وبيجي لك بيبي وش تبي بعد
صقر: يعني انا والله اقول انه ان شاء الله اذا جاء البيبي نعطيك اياه تسلى فيه مثلك عارف عزابي ومسكين العيال تزوجوا وسحبوا عليك
نايف : جدددددددددي شوفه لا واالله اتوطى في بطنه
الجد : صقررر وخر عنه خله ذا ولدي ما احد يقوله شي
سطام: ولد مييين يا حبيبي انا وش صار علي
نايف: انت خلاص ولد دانه
ابومازن:هههههههههههههههههههههههههههههههههههههههههههههههههههههههه والله يا سطام نايف قادم وبقوه
سطام : بسكت لك هالمره جروحك توها طريه
سند اللي كان جالس وهو يلعب مع سند الصغير : وش اللت حادك تزوج انت يا نايف
نايف: والله ما لقيت شريكة حياتي
صقر: يعععع يا شريكة الحياه اللي بتشاركك
جميله: صقررر خلك عن ولدي والا والله اطلع اسماء من مسوؤليتي
صقر: ابد نايف الشيخ ما قلنا شي
سطام هز راسه بطقطقه: افااا اخر عمرك تخضع للحريم
صقر: والله اخضع
نايف: هذا هو سبب اني ما تزوجت
شريفه : تاخروا العرسان صح
نايف: هذا اذا جو اصلا حبيبتي عايشين بالعسل شيبون فالبصل بالله
صقر: انا ابصم ان مازن بذات ما انتم شايفين وجهه
سطام: اي والله
ابو مازن: ما ينقال عنه والله ................••............ عند مصعب اللي صحى وهو يحس انه من الالم بينهار وقف وهو يغسل ورجع يحاول يلبس ثوبه وبالقوه لبس وهو واضح عليه الالم والغضب وطلع وهو متجهه للمستشفى
وهذا كله تحت انظار عنود اللي تجهز للعشاء ومتجاهله مصعب والم مصعب وبعد غياب ساعتين رجع مصعب وهو حاط حمالة ذراع ودخل بعد ما رد السلام وجلس وهو يقول : تعالي كلي
عنود : مابي منك شي
طنش مصعب واكل وهو يشوف عنود تتجهز وقف وهو يبدل ونزل حمالة وهو يحاول يخلي ذراعه طبيعيه وكانت مفكوكه
كان يرتب نفسه بهدوء ولا فيه صوت الا صوت عطره وخطواته القويه الثابته اللي ترعب لكن يطغى عليها تصرفاته الهاديه واللطيفه
طلع وهو يقول : يلا
طلعت عنود وكانت تمشي بجنبه بقوووه ممكن تعادل قوة مصعب اللي كان تعجبه قوته بس ما تعجبه وقاحتها في قوتها ................••............#
عند مازن وجوري واضح مثل الشمس والحب مسيطر عليهم وصلوا بيت ابو مازن وقف مازن وهو يسحب عطره ويتعطر ولف على جوري وهو يعطرها
جوري : بس انا تعطرت
مازن: ادري
سحب عطرها من يدها وتعطر فيه هو : مافيه شي اسمه عطري وعطرك الحين حنا واحد حتى ريحتنا بتكون وحده معروفه عند الكل
جوري ضحكت وهي تقول : انا تصيبني صدمه اذا قلت كلام كذا دون طقطقه
مازن : لاحقه خييير اصبري
لفوا على نايف وسطام اللي يدقون القزاز نزل مازن القزاز بخفيف بس : يووووه وش تبون انتم يا علل
سطام : لا يالرخمه جحدتنا
نايف : هذا وانت توك بالبدايات
مازن: معليش ما اكلم الا متزوجين بالله وخروه
نايف : الله ياخذك يا حقييير
ضحك مازن ونزل وهو يسلم عليهم ولكن ما تركوه وشالوه بعد ما حاسوه شخصيته كامله ودخلوت وهم يرمونه جنب سند : يلا يا عريس سلم على عمك
مازن: الله يغربلكم
نايف : اجل ما تحاكي الا متزوجين
الجد : الله يصلحكم
مازن : دقيقه بجيب زوجتي
سطام سحبه : تدل الدرب ترا
دخلت جوري وقف مازن وهو يصلح شماغه : غلط عيدوا بندخل من جديد واحترمونا لو سمحتوا
الكل : يووووه
طلع مازن وجوري وهم يضحكون ورجعوا دخل والكل يرحب ................••............
اما مصعب اللي وصل بطلعة الروح تعطر وهو يمسج كتفه كان المفروض يحط الحمالة بس ما حب يبين تعاسة زواجه من البدايه وهو يحمد ربه انها يده اليسار
نزلوا بهدوء ودخلوا ومصعب يقول : سلام عليكم
نايف : الكبييير وصل يا رقاله
ساره : وصول الجبابره
ابتسم مصعب وهو يسلم على الكل وجهه يعرق كل ما واحد ضغط على يده
انتبه سطام : وش فيك
مصعب : ولا شي
جلسوا ومع القهوه والسوالف ضحك نايف وضرب يده وهنا لا شعورياً قال مصعب : ااااخ
الجد : مصعب وش فيك
سند : وش فيها يدك
شريفه : ليه ما تحرك يدك وجهك من ساعه يتقلب
مصعب ابتسم : ولا شي بس نايم عليها وصار لها شد بس
نايف ومازن تحولت نظراتهم لخبث وهم يناظرون
نايف بهمس : انت اللي نايم عليها ولا
مصعب ضربه في بطنه : وجع وجع يلوي بطنك
مازن : صادووووووه
مصعب : اقول اعقل انت وياه
صقر بتحفظ : جرب تطقها بتشفى
مصعب بنفس التحفظ : ايه دايم كذا ................••............
ساره بهمس للعنود : وش صاير
عنود : ولا شي
ساره: عنود اقص يدي اذا ما كان من تحت يدك
عنود : لا تنكدين علي اكثر بالله عليك
ناديه : بنات دريتوا
عنود : وشو
ناديه : اسماء حامل
ناديه : بنات دريتوا
عنود : وشو
ناديه : اسماء حامل
عنود : ماشاء اللله مبروك اسماء
جوري : مبروك يا قلبي والله فرحت لك
اسماء : عقبالكم يارب ................••............ وبعد ما انتهى اليوم الكل اتجهه لبيته والكل مبسوط ومرتاح الا مصعب اللي يحس انه ابتداء مرحله بحييييياته ثقيله وكان يحاول انه يبتعد عن عنود وهي بعد وما صدق مر شهر العسل اللي بالنسبه له نكد وعنود نفس مشاعره بس كانت هي الطرف القوي
اما عند مازن وجوررري كانوا عايشين تفاصيلهم بكل حب ولا يتغير الا انه يزيد
وصقر اللي طاااير بأسماء وفرحان فيها وهي بعد نفس الشعور
اما سطام ودانه ما ينحكى عن حبهم وسعادتهم ببعض .................••............ وعند مصعب اللي كان جالس بجناحه وهو يقرا كتابه ويحاول يسترخي فز على شي انكسر ولف وهو يسمع العنود تقول : حسبي لله ونعم الوكيل عليك
مصعب اسرع وهو يشوف سند اللي كان يلعب وطيح عطر عنود وكسره اتسعت عيونه وهو يناظرها بصدمه: انهبلتي تحسبين على طفل هذا بدل ما تبعدينه عن القزاز
عنود : ليه ان شاء الله امه ولا ابوووه والله يجيب عيال ويرميهم وانا ابتلش
مصعب وهو كاتم غضبه : اقصري صوتك يا بنت الناس افضل لك وعطر بداله مليون عطر بلا جنان وهبل
عنود : مين بيجيب العطر لا يكون انت
مصعب اللي كان حاضن سند : ايه انا عندك اعتراض
عنود بتهور : تخسي انت واشكالك تجيبه
هنا طفح كيل مصعد واتجهه لغرفة سند وهو يدخله فيها ورجع مثثثثثثثثثثل البرق وعنود اللي كانت جالسه على جوالها وهي تتأفف لكن سحبه سطام وضربه بنص الجدار وانكسر وصرخت عنود : انهبلت بعقلك انت ليش تكسر الجوال يا مريض
مصعب سحب عطوراتها واحد واحد وكسرها كلها قدام عيونها وهي مصدومه كان ساكت لكن غضبه واضح قرب وهو يحط عينه بعينها وثبت نفسها قدامها وقال بصوت زعلان وضخم ومرعب : لصبري حدود يا عنود هالمره في عطوراتك ولا تجربين زعلي ترا للحين اعطيك الحد مابي ابني مشاكل لكن كل الناس الا ولدي لو تفكرين تأذينع صدقيني لتموتين وانتي ماتدري وش اللي حصل لك بالضبط
ابتعد وهو يتنفس بغضب طلع وهو يشوف امه بخوف جايه: مصعب وش فيك يمه اسمع شي يطيح ويتكسر
تلاشى غضب مصعب وابتسم: لا ياحبيبي بس سحب سند من الطاوله قاعده عطور وانكسرت بس بسيطه
ام مصعب : صار له شي
مصعب : لا يا حبيبي تعالي نتقهوى بس جوري ما جت اليوم
ام مصعب : لا يقولون طالعين يتمشون
مصعب : الله يهنيهم ..................••............
وعند سطام علي كان عند خيلة كعادته في مثل هالوقت وقف وراكب على السطام حصانه المفضل شاف دانه اللي جايه نزل وهو مبتسم : يا هلا والله انتظرك من اليوم ماجيتي
دانه: كنت اساعد ساره تشوف كيف فستانها عشان زواج نادي
سطام: هو متى !!
دانه وهي تعطيه الشاهي : بكره شفيك سطام ناسي
سطام :: وانتي خليتي بي عقل
دانه : ما علينا من هالكلام لا تضيعني كنت بقولك شي
سطام مد يده لها : تعالي قولي سالفتك هنا معي
دانه: لا يا سطام تكفى صقر يطلع الحين ولا جدي ويشوفونا
سطام : ما عليييك صقر اصلا احسه حامل بدال اسماء جالس معها 24 ساعه وجدي هالحزه رايح لشياب
دانه ما قدرت تعترض وهي تشوفه معطيها مسكت فين وهي تركب معاه على الخيل مشى سطام نهو يقول : ايوه وش بتقولين
دانه: مدري نسيت لا لا صح تذكرت اتصل فيني ابوي يقول انه زعلان علينا ما نمر عليه كثير
سطام : اوووه والله مو فاضي وبعدين امك الله يهديها ما تخلي احد بحاله
دانه: طيب وش نسوي والله بيزعل
سطام : انا اكلمه بس تكفين امك خليني بعيد
دانه: الله يهديها
قرب سطام وهو يبوس كتفها : والله اني عشانك ودي اروح بس اني عشان ما ازعلك مابي اروح وتصير مشكله
دانه : لا ما عليك بس ابوي وش نقول له
سطام: انا بكلمه واتفاهم معاه
ساره وهي تصوت من بعيد: ياااااهووووه يا حبيبه يلا القهوه
سطام نزل وهو ينزل دانه واتجههوا لساره وجلسوت بالدوانيه ودخل صقر: سلااام عسى ما فاتتني القهوه
سطام بإستهزاء : لا يا قلبي نحتري يخلص وحمك
صقر: مسوي تذب
سطام: ادري عنك لك شهر ما نشوف الا بطلعة الروح زابن بالغرفه اطلع ياخي طفشتنا
صقر: اشوفك بكره اذا عرفت بيجي لك ولد
سطام : انا مانبي بخبل مثلك
ساره: من دون هواش كلكم رايحين فيها
صقر: بكره متى بتطلعون لزواج
سطام: والله مدري ................••............ عند ناديه كانت تجهز لبكره وهي قلبها يوجعها من فرحتها دخلت هديل وهي تنزل الاغراض : انكسر ظهري والله هيفاء : هانت باقي بكره بس
ناديه : بنات احس برعب
هديل : عادي يابنت استانسي وانبسطي
ناديه: انا مستانسه بس احس بخوف
هيفاء: وضعك طبيعي انتي عروس اكيد بتخافين
نايف : اقووووول وشوله تخافيييين انتي اخت ناييييف االلي يزعلك قولي لي عليه
هديل باستهزاء : وش تسوي
نايف : بقول ليه تزعلون ناديه
هيفاء وهديل : بسسسسس
نايف : افااا وش بس الا بغرقه بالمسدس
هيفاء شهقت :معك مسدس يا نايف
نايف وهو يدخل يده بجيبه بيطلع المسدس : افا وانا نايييف ايه معي ليه اجل انا طوفه هبيطه
ناديه: لا تكفى يا نايف ماله داعي
بسرعه سحب نايف المسدس وهو يوجهه لهديل اللي صرخت وفجاءه
.
.
بسرعه سحب نايف المسدس وهو يوجهه لهديل اللي صرخت وفجاءه سكتوا لما شافوه مسدس مويه
هديل : الله ياخذك يا اهبل
نايف:هههههههههههههههههههههههههههههههههههههههههههههههههههههههه خوافيييييين
ناديه: اجل كذا بتدافع عني
نايف: تعرفيني ما احب التتش والمشاكل
هيفاء : حسبي الله بس
................••............ وعند مازن اللي دخل بيتهم وهم يغني مثل عادته : والله وطلع لك رييييش يا زين وقمت تطيييييير
ابو مازن اللي كان ييضحك وهو يصفق له : عاش ولدنا الخبل عااش
جوري :هههههههههههههههههههههههههههههههههههههههههههههههههههههههه حلوه يا عمي
ام مازن : عز الله بتطلع لزين قرووون بدال الرريش يا مازن
مازن جلس وهو مبتسم : ماعندي مشكله يطلع لزين ريييش ولا قرون المهم يصير طولي يا ربي بس
جوري تكتفت : ايه يا حبيبي الريش يمكن يرحمني ربي فيييه ويطلع لي واطير وافتك لكن القرون اتوقع ذي من صفاتك ولا وش يقولون ياعمي
ابو مازن المبسوط ضحك وهو يشرب الفنجان: يقولون غبر يا ثوور على قرنك
طارت عيون مازن بصدمه: اافففففففففا تجمعتوا علي غدرتوا بي اااااخ ياخساره ٢٧ سنه وانا ولدك يبه
وانتي ياخساره شهر وانا زوجك
ام مازن :هههههههههههههههههههههههههههههههههههههههههههههههههههههههه ما عليك يا ولدي الثور زوج البقره
ضج المكان بضحك ابو مازن ومازن وجوري لي صدمه
مازن: يقالك ترقعينها يمه
جوري :هههههههههههههههههههههههههههههههههههههههههههههههههههههههه تنافسني فالقصف عميمه
ضحكت ام مازن: امازحكم وش بلاكم
مازن: هههههههههههه عشانك اصيو ثور الثيران بعد
جوري : اقولك وش رايك توديني لناديه والبنات ياثوري العزيز
مازن: لا عاد سمجت والله
جوري : امزح والله بس صدق ابي اروح لهم
مازن: يلا اجل بسرعه قدام لا تجي عايشه وتنكد علينا
ابو مازن: والله حرام عليكم مسكينه
مازن : وش نسوي يبه تطفش
فجاءه دق الباب وصرخ مازن: يمه جت اركضي ياجوري
ركضوا لجناحهم وهم يسمعون ضحك ابو مازن
مازن : وش نسوي يبه تطفش
فجاءه دق الباب وصرخ مازن: يمه جت اركضي ياجوري
ركضوا لجناحهم وهم يسمعون ضحك ابو مازن ................••............ وعند اسماء اللي كانت تكوي ملابس صقر دخل صقر وهو يقول : لا لا لا وش تسوييييين اتركيها انتي اتركيها
اسماء : شفييك بخلص ملابس بكره زواج
صقر سحب يدها من الكوايه : اتركيها بس اخذها الحين اي مغسله وتخلصها المهم انتي ارتاحي
ابتسمت اسماء : والله ما تعب
صقر: حتى لو ما تتعب انا ما ابيك تسوين شي اصلا انتي بس ارتاحي
اسماء جلست وهي ترجع شعرها وتناظر صقر اللي كان اهتمااامه فيها شي كبيييير ................••............
اما سطام كان جالس مع جده ويسولفووون ويضحكون
الجد : وينه صقر
سطام : من شوي راح لغرفته عاد عارف وضعه من يوم اسماء حملت
الجد : الله يتمم عليه يفرح قلبه ويشوفني عيالك بعد
سطام: اميين اميين
الجد : عاد انت شد حيلك وفرحنا
سطام ابتسم : ان شاء الله ان شاء الله
الجد : والله حنا ماندري وين الخيره فعلا قبل معارضين على زواج صقر وهالبنت قلبت صقر فوق تحت ورجعته صقر الاولي حتى مصعب معاد يحارشه
سطام: اي والله سبحان الله
ساره اللي جات : وهاذي القهوووه وصلت
دانه جت بعدها : وهذا الشااااهي وصل
سطام بضحك: عطونا الشااااهي بس
ساره : سطاااموه اشوفك لك شهرين جاحدني لا تخليني احقد على دانه
سطام : هههههههههههههههههه افااا فيها حقد اجل جيبوا القهوه
دانه : حدد موقفك لو سمحت
سطام : يوووه اجل عطوني مويه
الجد : هههههههههههههههه هاتو القهوه والشاهي عندي بس ................••............ وعند مازن وجوري اللي كانو بغرفتهم ومازن اللي جالس ينتظر جوري تلبس
مازن : يووووه من زمان عن فهد وينه مختفي ذا الرجال
جوري : اي والله اختفى حتى سطام معاد يجيب له طاري
مازن : خليني ادق عليه
دق مازن وهو ينتظر الرد بس ماجاء رد : غريبه وينه ذا
جوري : يمكن مشغول
مازن : يلا يلا
طلعوا لكن لف مازن : يوووه جت
عايشه : سلااااام
جوري : هلا
عايشه: كيفكم وين رايحين بروح معكم
مازن: واذا رايحين لشي خاص بتروحين بعد
عايشه: ههههه مافيه خصوصيه بينا
مازن : اذا لاحظتي انك تكلمين رجال وزوجته
جوري بهمس : مازن حرام
مازن طنش وهو يتحرك عايشه : انتظروني باللبس واجي
مازن : جوري قدامي بسرعه
جوري : ياخي استناها حرام
مازن: والله الحرام اللي يصير فينا بسرعه يلا
ركبوا بسرعه متحركين لبيت العمه جميله
جات عايشه بغضب ما حصلتهم ورجعت وهي معصبه
ابو مازن: شفيك يا عايشه
عايشه: مازن اقوله ينتظرني وراح وتركني
ابو مازن: يمكن مستعجل
شريفه: عطيني جوالي
شريفه: عطيني جوالي
دقت شريفه على مازن اللي طول لين رد :هلا عميمه
شريفه: مازن ارجع لعايشه تراك ناسيها خذها معك للبنات
مازن: والله انا بعدت ياعميمه وماني رايح سيده عندي اشغال
شريفه: اقول ارجع واخذه مع جوري بس
مازن ميل فمه بضيق وهو يرجع رمى الجوال
جوري : قلت لك خذها وريحنا
مازن : استغفر لله بس .................••............ وعند فهد اللي كان شغله الشاغل كيف بس يقول لسطام عن صقر كان مختفي عن الكل والعالم ومعتزل في بيتهم وهو تدور في راسه الافكار وحده ورا الثانيه
لكنه طفش وزهق وهو ينتظر الوقت يحين وصقر اللي ابتداء ياخذ مكانه بينهم ويكسب ثقتهم
طلع وهو متجهه لمزرعه الجد وههو خلاص .................••............ وعند مصعب اللي رجع للجناح واتجه لغرفة سند وهو بيده اكله جلس وهو يأكل سند ويلعب معاه رفع راسه لما شاف العنود دخلت : ابي اروح عند ناديه
مصعب ناظرها بهدوء ولف وهو يقول : سريع اجهزي
العنود : جاهزه اصلا
وقف مصعب بعد ما خلص اكل سند وهو ياخذه يغسل ويساعده باللبس ونزل ولف يلبس هو وقف وهو يحمل سند وطلع وعنود وراه
ام مصعب : مصعب جيب سند يجلس عندي
مصعب : بيطفشك يمه
ام مصعب : لا بسم لله عليه مثل النسمه
نزله مصعب لها : الله يخليك لي يا يمه
طلع متجهه لسياره وركب وهو يرتب شماغه قاطعه اتصال رفع جواله وهو مقطب : الوو
جولي :Hi Mosab ( مرحبا مصعب )
مصعب اخذ نفس :what do you want( ماذا تريدين )
جولي :How is my son ( كيف حال ابني )
مصعب :your son ! Was not your son when I left him ( ابنك !! ألم يكن ابنك عندما تركته )
جولي : I could not bear your hard life and your crazy family ( لم استطع تحمل حياتك الصعبه وعائلتك المجنونه)
مصعب :I chose you to face this fate, I warned you from the beginning and I explained to you my situation but you did not listen and now you do not want your son I'm sorry because I do not have a son for you
(لقد اخترتي أن تواجهي هذا المصير ، لقد حذرتك من البداية وشرحت لك موقفي لكنك لم تستمعي والآن أنت تريدين ابنك أنا آسف لأنني لا أملك ابنًا من لك )
قفل جواله بغضب وهو يمسح جبينه وهو متوقع ان عنود ماهي فاهمه ابد ولا تعرف الانقلش ولكن عنود اللي فهمت زين وردت بإستهزاء وهي تضحك :The son applies the actions of his father, practicing the same actions on Jolie and prevent her son like they did with a saqr (يطبق الابن تصرفات والده ، يمارس نفس التصرفات على جولي ويمنع ابنها كما فعل مع صقر) .
.
.
يطبق الابن تصرفات والده ، يمارس نفس التصرفات على جولي ويمنع ابنها كما فعل مع الصقر)
لف مصعب لها وعيونه تقدح شرار : نزلي من هنا
عنود : واذا ما نزلت
شد مصعب يدها بغضب : عنووووووووووود قسم بالله لو ماتقصرين شرك عني لتشوفين شي ما عمرك شفتيه
عنود دفت يده : بعدددددددد يدك كسر
نزل مصعب وهو يقفل السياره واتجهه لها وهو يفتح الباب سحبها بقوه ما قدرت عنود انها تقاومها دخل وهو يسحبها ولما حسها بتصارخ لف وهو يسكر فمها وطلع فيها دخلها جناحها
وهو يثبتها على اقرب جدار وصرخ في وجهها : احذذذذذذذذذرك للمره الاخيره يا عنوووووود مب شغلك اي شي يصير معي لا تحشرين خشمك في كل شي سااامعه
بعد وهو يضرب الجدار بغضب كان وده يصكها كف بس انه اخذ وعد على نفسه ما يطق احد بالاخص حرمه
عنود اللي انفجعت منه ومن عصبيته ناظرت يدها وهي تشوف علامة اصابعه بيدها لف وهي تمسح دموعها وهي تدري ان مصعب مب قليل شر واقوى من صقر بكثير لكن مستحيلل تنهزم ................••............ وعند صقر اللي كان جالس عند سيارته ويكلم بعض اصاحبه شاف فهد جاي وعيونه تنطق شراااار حس انه بينهي حياته كلها واتجهه له وهو يقول : فهد وين مختفي
بعده فهد وهو يقول : سكت لافعالك كثييير والحيييين انتهى
سحبه صقر لا إراديا لما شاف سطام طالع وهو يبعده لاخر المزرعه ضربه وداخ فهد ورجع صقر مسرع لسطام بهدوء :سطام ما نمت
سطام : لاا رايح انام احس اليوم فيني تعب ودي بس انام
صقر: ابوي نام
سطام : ايه تو طلعت من عنده نام اتوقع الكل نايم
صقر: يلا اجل بسكر البوابات
سطام وهو بالقوه يشوف من النوم: يلا اجل
اتجهه سطام لغرفته ودخل وهو يشوف دانه تجهز اغراضها لزواج قرب وهو يحضنها : وش تسوين من الحين تجهزين
دانه : ايه لاني ادري من بكره بنشغل بدلالك
ضحك سطام وهو يبوس يدها : اتركي دلالي واتركي الاشغال تعالي بنام وانتي معي
دانه ابتسمت وهي تبادله الحضن ................••............ اما صقر اللي رجع مسرع وهو متاكد ان الكل نايمين ولا شاف اسماء اللي نادت له وماسمع ولحقته وهي تشوفه يركض لاخر المزرعه وشافت فهد اللي ابتدا يصحصح وهو يترنح وقف وهو حاط يده على راسه وقال بصعوبه بتكمل علي انا بعد .
.
.
أنت تقرأ
{بلا ميعاد}
Actionالرواية منقولة 🤍 الكاتبة :اديم الراشد حساب الكاتبة: riwait_221 اتمنى الرواية تنال اعجابكم 🤍✨
