{بلا ميعاد}

بارت 15

وعند البنات اللي كانوا ينتظرون سطام وهم يبون يشوفون فرحته بعيونه وماهي الا ساعه ودخل سطام ونزل ووقف قدام ام دانه وهو يقول :خالي ينتظرك هناك نايف وصلهم
نايف : انااااا
سطام : نايف
مشى نايف وهو وده يفقع وجهه ديمه
واتجهه سطام للبيت وقابلته ساره اللي حضنته وهي تقول : حمدلله للي رد لك فرحتك
حضنها سطام وهو مبتسم : ما بعد الصبر الا الفرج
عنود اللي قربت وهي تبتسم له وتهمس بإذنه : بغيت تطير دانتك من يدك
خبط سطام على كتفها وهو يضحك وابتدوء يتحمعون عليه يباركون له وهو بس يبي يوصل لدانه وقفته شريفه :وين بتروح
سطام : بكلم دانه
دخل وهو يشوفها جالسه بغطاها وواضح بكاها ماعرف وش يقول الا انه يقول : امك برا
فزت دانه وهي تشهق : اكيد هي معصبه بعد
سطام : مدري عنها بس ابيك تكونين هاديه ولا تخافين محد بيسوي لك شي جهزي نفسك وخليك تمثلين انك ما تعرفينهم للحين  دانه : سطام انتبه من سعيد
سطام : ما عليك المهم محد ضايقك من اهلي
دانه : لا ولا يهمني
سطام : زين خليك كذا
دانه بتردد : سطام
لف سطام : امري
دانه: اخاف يعرفون اهلي باللي صار
سطام من باب انه يبي يريحها ويخليها تنسى الماضي : وش صار لك ! غير انك رجعتي لي
دانه فرحت لكن رجعت تقول بضيق : اخاف يودوني المستشفى
سطام : لا تخافين مارح اعطي احد فرصه بحل الامور بسرعه وتنتهي ولا تخافين سرك في بير
طلع وهو يتركها تتجهز وشاف جميله جايه وراها ام دانه  وديمه اللي شبه يركضون ودخلوا لدانه اللي كان ودها تحضن امها بفرح بس عشان تحمي نفسها مازالت تمثل انها ما تعرفهم
ام دانه : يمه دانه بنتي وش فيك ليه ما تردين علي
ديمه : لا يكون سطام هذا مسوي لك شي
العنود بحده : انتي هيه احترمي نفسك واحمدي ربك انها جت بيد سطام اللي كان محافظ عليها حتى من الهوا الطاير واحترمي نفسك ودانه فاقده ذاكرتها مارح تعرفكم
ام دانه رجعت وهي تحضنها : بسم لله عليك يا يمن بسم لله عليك يا بنتي انا امك يا دانه
دانه كانت تناظرها ببكى والكل حزين على حالتها .
.
.
ومر الوقت وسطام رايح جاي يسأل عن وضع دانه واخر شي رمت العنود الفنجان من يدها وهي تصرخ : خلاااص سطام خلااص وش فيك انهبلت كذا اثقل ياخي نقولك بخير وجالسه وهالسلقه اختها خلاص
سطام : انا اقول ما ضغطوا عليها
ساره : لا عنود واقفه لهم
سطام : والله تشكرين يالعنود
العنود : عشان كذا خلني اكمل جميلي والا ترا بانفجر وافجر في دانه معي
هديل : الحين سطام انت صدق ما كنت تدري انها دانه يعني اذكر اكثر من مره شفت دانه يعني ما عرفتها
سطام : والله انا للحين مدري
جوري : تسمح لي ابرر لك
العنود : يووووه جت فيلسوفة الحب والصدف
سطام : والله اني غاسل يدي منك ومن مازن بس قولي نسمع لك
جوري : بنسى الطقطقه علي وبقولكم عشانك كنت حاط في مخك وقلبك صورة دانه القديمه ومخلص لها ما قدرت عينك تشوف غيرها حتى يوم تغيرت ما انتبهت لانك تبي نفس الشخص اللي عينك عليه ومتعود عليه ومن طرف ثاني هذا يدل يدل ان نيتك صافيه ومعتبر دانه هاذي امانه حتى على نفسك
سطام وهو رافع حاجبه:والله يجي منك صراحه اقتنعت
العنود :وانا بعد
مازن اللي كان جاي ومعاه القهوه وواقف برا: وانا بعد يا لببببى وش ذا الفلسفه الخطيييييره
جوري اللي فزت وحمرت وضحك سطام وهو يقول : يا لليييييل الله لا يعطي العدو خير يوم زوجناكم بعض
مازن : ادخل
سطام: تعال
دخل مازن وهو يحط القهوه وقال بمزح: صح انك قصيره وان عقلك هه هه مدري كيف بس يطلع منك
جوري : انت وبعدين معك معجبك طولك اللي كأنك هُبل ( صنم )
مازن بصدمه : افااا هبل مره وحده
العنود : ممكن ادخل
مازن : لا
جوري : الا تدخلي
العنود : انتي الحين تقصدين هبل من اي جهه الشكل ولا الاسم والا الصفه
جوري : جميع ما سبق
سطام:هههههههههههههههههههههههههههههههههههههههههههههههههههههههه يووووه يا مازن طقطقت عليك رايح جاااااي
مازن : ياخي خلها خللللها تنرحم المسكيينه توها تستجمع قواها
هديل : اقول والله ان ما رديت عليها انك هبل بجميع ما سبق
جوري : يعني باقي شاكييين !!! سطام: الثانيه يا مازن
مازن اللي انقهر وقال : خلوها تستانس ماشا ( شخصية كرتونيه ابحثوا عنها اذا ما تعرفونها )
شهقت جوري وسط ضحك الكل : وش قصدك
مازن وهو منحاش : اقصد طال عمرك انك 1٪ جسم 99% لسان وعيون
هنا انهاروا الكل من الضحك وانحاش مازن وججوري اللي عصبت وهي تحلف فيه .
.
.
اتجههوا الشباب للمجلس وكان سطام على الباب وقال خاله بود : تعال يا سطام تعال جنبي خلني اشبع منك
ابتسم سطام وهو يجلس بجنبه وقال نايف بمزح :يارب اذا كان حظي بينام مثل حظ سطام ويصحى يلقى خطيبته عنده ويتراضى هو وخاله وتطلع هويته والدنيا تضحك يارب نوم حظي
مصعب : ههههههههه ما شفت احد يتحلطم كثر
نايف : ياربي ان كان حظي بيصير مثل حظ مصعب واخذ مثل عنود يارب جعل حظي يموت مره وحده
الكل :هههههههههههههههههههههههههههههههههههههههههههههههههههههههه
مازن : هيييين الله لقول لها والله لخليها تدفنك
سطام : انت انقذ نفسك وبعدين نتفاهم
دخل صقر وهو يقول : سلام عليكم
الكل : وعليكم السلام
سطام وقف واتجهه له : وين وديت سعيد
صقر:لبيتهم
سطام : وشوله ما خليته يتعفن
صقر: خلاص اخذ درسه ولا تخاف مارح يطلع بحياتك ابد
جلس سطام وهو مبتسم لصقر اللي فعلا اثبت وجودت رغم المصاعب
الجد : الحين دام الله جمعنا ورجعت المياه لمجاريها ليه ما نسوي زواج سطام مع الشباب بعد شهر
سطام : مالك لوى يا جدي بس انا اعتذر
ابو مازن : ليه  ياسطام
سطام : انا والله مابي احرم احد من فرحته والشباب اكيد يبون يفرحون امهاتهم فيهم وانا خاطر لفارس ما رح اسوي زواج كبير وفيه حفل بختصر زواجي بعشاء عايلي بينا وبأسرع ما يمكن بعد اذن خالي واذنكم
ابو مازن : الحين قضينا من مازن جيت انت
سطام: الله يخليك لا احد يضغط علي صيعت من عمري كثير ومابي احير خالي بعد
ابو دانه : بس يا سطام الحين وش بيقولون الناس
سطام : ما علينا من الناس يا خالي وصلنا لذا المرحله من ورا الناس لين هنا وكفايه
الجد : طيب كلم دانه وشوف وش تقول
سطام : اكيد
ابتدوا يتفقون على المهر وعلى الزواج والكل فرحان لسطام ويدرون انه من فرحته بيجتمع في دانه ما يهمه حفل وزواج ................••............ وبعد العشاء اصر سطام على خاله ينامون عنده وطبعا المزرعه كانت مليانه ناس وزحمه وبعد الهدوء وبعد ما ناموا الكل انسحب سطام من فراشه وهو يتجهه لشباك غرفة دانه فتحها بهدوء وهو يشوف امها عندها واختها
كتم نفسه بضيق لكن انتبهه لدانه اللي صحت وهي مصدومه من وجوده اشر لها تجي وانسحب بسرعه وقف وهو يساعدها تنزل من الشباك وسكرها وهو يتجهه بعيد دانه : وش جابك
.
.
.
ابتسم سطام وهو ياخذ نفس : جيت ابي افتح عمى عيوني
دانه انحرجت وهي اول مره تشوف سطام بذا الفرحه
سطام : اول شي بسأله ومن وين حصلتي ذا الاسواره كيف وصلت لك
دانه ناظرت يدها وحضنتها : تتذكر هذاك صاحب الذهب اللي كنا نروح له مع ابوي اللي كان يعرفك
سطام : ايه
دانه :بعد ما حصل اللي حصل وانفصلنا رحر مع امي عشان نبيع كل الذهب اللي جبتوه لي طبعا بإراده من امي وبعد ما لهت امي قال لي صاحب المحل انك سويت عنده سواره بس رجعت بعتها وكانت بأسمي وطلبت من امي تشتريها لي وطبعا وافقت عشان تنسيني اياك ما عرفت انها بتأسرني بها معك
سطام : ياللله والله اني بعتها وخاطري فيها لك ولا توقعت انها بتوصلك
دانه : وصلت فالنهايه
سطام : المهم انا كلمت خالي زواجنا بعد اسبوع
دانه رفعت راسها بقوه : بذا السرعه
سطام : ماعندي وقت اضيعه ولا ابي اطول في ذا السوالف وبيكون مختصر ادري بيضيق صدرك ما فرحتي بعرسك بس مالي خاطر اسوي زواج وفارس باقي ما عرفت قاتله ولا ابي انتظر بعدك زياده
دانه ابتسمت : اللي تبيه يصير
سطام : اصلا بيجلسون اهلك هنا طول الاسبوع
دانه : بس امي بترفض
سطام : اذا رفضها عشاني بطلع انا لمزرعة فارس وبعطيكم المهر وانتم تصرفوا وطبعا العنود بتكون معك
دانه اللي كانت تراقبه بحب لكل تصرفاته اللي تجبر الخاطر شافته وهو يصد: كيف امك ما ضغطت عليك هي واختك الملسونه
دانه ابتسمت : لا طبعا لاني فاقده الذاكره وعنود ما تقصر
ابتسم سطام: زين خليك كذا وبعد الزواج بنقول انك تذكرتي
دانه : طيب
سطام : يلا ارجعي قبل يفقدونك
ساعدها سسطام ترجع ورجع هو لفراشه ونام براحه مفارقته سنيييين
وطبعا دانه بنفس فرحته واكثر بس مو قادره تسوي شي تعبر فيه ................••.
وعند صقر اللي اتجهه لغرفته وهو يحس انه اليوم قدر يثبت لسطام اشياء كثير دخل وهو ما يبي يشعل النور ويصحي اسماء اللي متاكد انها نايمه لكن شافها جالسه وهي تنتظره وقفت وهي متجهه له تساعده
صقر : مانمتي !! اسماء : لا انتظرك تجي تاخرت مو بالعاده
صقر اللي ما توقع تقبلها له بذا السرعه بس ما فكر وهو يقول : كان عندي شغل
رجعت اسماء ببيجامه جديده وهي تعطيه : ما تعبت ان شاء الله
صقر مازال في ذهول :شوي
ابتسمت اسماء وهي تحاول تكافح وتبني حياته من حطام صقر اللي كان مفتون ببتسامتها ووقفها وهو يقول : كيف وضع دانه اليوم
اسماء اللي جلست بعمد قباله ومسكت يده وهي تشرح له تفاصيل اللي صار وصقر اللي ما سمع شي ابد وعينه على يدها وانطلاقتها وضحكتها وهنا دب الخوف في قلب صقر للمره الأولى .
.
.
.
مر الاسبوع بحماس الكل وسطام اللي انتقل من اليوم الثاااني لمزرعه فارس اللي ماكان مرتاح فيها كثير بسبب خيالاته في فارس وصاروا العيال يروحون ويجون عليه وكان وجود سطام فالمزرعة اكبر تسلية لمؤمن اللي كان ينتظر تاريخ عودته لديرته
ودانه اللي كانت تتجهز بأبسط الاشياء بسبب قرارات امها اللي كان زواج دانه من سطام ما يرضيها ................••............ (((((((في يوم زواج سطام )))))) في طرف المزرعه كانت عنود واقفه وهي تنتظر وتكتف اول ما شافت مصعب متقدم وهو مبتسم كعادته
مصعب : سلام
العنود : وعليكم السلام
مصعب جلس : امري يقولون تبيني
العنود اخذت نفس : ايه في شغلك يعني محد يقدر يسويها غيرك يعني مازن ما يعتمد عليه كل شي يقوله لسطام وانا محتاجه اخلص هالشغله وسطام ما يدري
مصعب قطب حواجبه : وش ذا الشغله  اللي مخبيتها العنوووود على سطام
العنود جلست وهي تقول : اسمع ابي منك تجيب لي حريم حجزتهم عشان اليوم بس ما يدلون الطريق ويبون احد يوصلهم ويدفع حقهم
مصعب : حريم ايش !!؟ اشرحي بالتفاصيل عشان افهم
العنود اللي كانت ماهي طايقته بس عشان تخلص امورها : شوف انا حجزت ميكب ارتست وطاقمها ومصوره بعد وحجزت كمان فستان لدانه كهديه مني وابي اجيبها بس مابي سطام يدري لانه ابيها له مفاجاءه هو ودانه
مصعب : هالاشياء مو المفروض دانه مخلصتها وبعدين وس دخل سطام فيها
العنود بقل صبر :ام دانه هالزفت ما جهزتها كويس يعني اعتبرتها تمشية حال واغلب مهر سطام اللي اعطاه دانه جابته فيه خرابيط لهم ودانه مسكينه مو قادرت حتى ترد وطبعا قالت لها زواج عائلي تجهزي بالبيت واللبسي لبس عادي يعني كنها طالعه زواج عادي مو زواجها اتمنى انك فهمت مدى حساسية المووضوع
مصعب اللي كان يدري ان اصعب شي ان الانسانه ماتتجهز لزواجها وانها تكون بسيطه بس قال وهو يبي عنود تشرح : يعني احس عادي
العنود فقدت صبرها : شلووون عادي يا انسان كيف تبيها تكون عروسه كذا كيف بتتجهز للانسان اللس تحبه ويحبها بذا المنظر وكأنها مغصوبه عليييه
ابتسم مصعب : خلاص وصلت المهم وين عنوانهم وكم فلوسهم وش طريقتهم
عنود : برسلك تفاصيلهم واتس وكل شي حتى اللوكيشن بس انتظر اعطيك الفلوس
مصعب : فلوس ايش يا ينت الناس خلي فلوسك لك
العنود اللي تكرهه ذا الحركه : مستحيييل ما رح تاخذ الفلوس ما راح اطلبك وانتهينا
مصعب اللي عارف انها مضطره له : بكيفك والله ما اخذ هالفلوس وبراحتك انا ما رح يضرني شي
العنود اللي رجعت بغضب : اذا بتسوي حركتك هاذي عشان تذلني ..
.
.
.قاطعها مصعب بحده : وش اللي يخليني اذلك فكري بعقلك بلاش جنان مافيه فرق بين فلوسي وفلوسك خلي فلوسك بتحتاجينها واعتبري هديتك وصلت وانتهى ارسلي التفاصيل وخلي السالفه تعدي على خير
العنود : طيب
مصعب : دقيقه دقيقه خذي سجلي رقمك ما اعرفه العنود : بملي عليك سجله انت
مصعب : يا حركات البزران هاذي ترا جوالي ما يعض
اخذت الجوال لما حست ان الوقت تأخر وسجلت وقالت : خذ
مصعب : انتي سجلي الاسم
العنود : وش اسجل !؟ وقف مصعب وهو يدور : لحظه افكر
وبعد شوي قال : امممم نسميك عنود العنيده
ابتدت عنود تكتب وقفها مصعب لما قال : لا لا لا لا انتظري بغيييير خلينا نكتب زوجتي العنيده !! ناظرته العنود بحده وابتسم وهو يتكي على كتفها وهو يحط يدها على يدها وواصبعه على الكيبورد : ولا اقولك لازم نحط لك اسم يليق بك وش رايك في نكتب فالجوال
وكتب وهو يتكلم : قوية كالحرب
ولف له وهو يراقبها وهمس : و ناعمة كالسلام في الواقع
ارتعشت عنود بقوه ورمت الجوال عليه وراحت وتركته وهي تقول : بتوصلك البيانات فالواتس
ضحك مصعب وهو بس يبي يهد حيلها وسجل الرقم بنفس الاسم
واتجهه لسيارته وهويشوفها تأخرت لين ارسلت البيانات .................••............ عنود اللي دخلت وجلسر برعب وهي تهوي نفسها
ام مازن :عنود وينك من زمان اصوت لك
عنود : هنا يمه
ساره : وش فيك
عنود : ولا شي
هديل : تكفين عنود قومي كفخي ديمه قهرتني مو راضيه ندخل لدانه
عنود : اتركوني منها الحين سطام ماجاء
ناديه : جاء نايف وقال بيروحون يحلقون
عنود : زين
دخلت اسماء : صباح الخير
الكل : صباح النور
ابتدت اسماء تحضر فطور صقر ببتسامه والبنات يناظرونها بفرح
عايشه : والله كنا نتوقع تطلعين من عند صقر مكفخه
اسماء لفت ببتسامه : شدعوه صقر مو وحش
جميله : الله يهنيكم يا حبيبتي
اسماء( والله وحش واكثر بس مضطره اني اداري الوحش ) : امين
ناديه : ماشا اقصد جوري وش وضعك مع هبل باقي متزاعلين
العنود : الحمدلله تزاعلوا ورحمونا
هديل : ايه طبعا ما عاشو صراع السلاطين
العنود : مسويه تذبيييين انتي وجهك
شريفه : اتركوا الكلام وقوموا ساعدو ساره فالتنظيف
قاموا البنات وابتدوا مع ساره
.................••............ وعند دانه اللي كانت واقفه قبال المرايه تتأمل فستانها اللي كان سيء بنظرها وكانت امها متعمده تهلقها بعيون سطام تجمعت دموعها وهي تناظر المكياج اللي كان اسوء من الفستان وهي ما تعرف تتصرف معاه ناظرت ديمه النايمه وامها اللي تكلم وماهي معطتها اهميه ضاقت وهي ماتبي تكون بذا المنظر قدام سطام بكت وهي تدعي ان الله يساعدها
وعند سطام اللي كانوا فالحلاق وطبعا مع فهد اللي للحين مو مستوعب زواج سطام اصلا مايدري كيف اصلا بيهضم هالزواج مايدري كيف بيشرح لسطام ان صقر هو اللي اغتصب دانه اللي تكون بنت خاله والحين زوجته كان فهد شارد طول الاسبوع وصحى على سطام اللي يقول : فهدووون انادنيك اي سنه وشوله ما ترد ترا لك فتره مب عاجبني وش فيك
فهد : لا يارجال مافيني شي بس عشان فاقد فارس
نزل راسه سطام بضيق : الله يرحمه
نايف : لحظة يا كابتن اليوم فرح شبعنا حزن تكفون الله يرحم فارس وكلنا فاقدينه ونبيه معنا لكن هذا تقدير ربي خلاص روقوا
مازن: اول مره ينطق صح بس هذا الصدق
فهد : اي صادقين انبسط انت
رجع سطام وهو ما نسى فارس بس يبي اقل شي يفرح بيومه ................••............ وعند مصعب وصل بعد ما اخذ كل شي اتصل على عنود اللي جات واخذت كل شي بفرح ومعاها الميكب ارتست والمصوره والفستان
قال مصعب بصوت عاالي : الله يعافيك ما سوينا شي واجبنا
العنود لفت بأستغراب وبعدها قاللت : مشكور
ابتسم مصعب واتجهه للدوانيه جهة الرجال .................••............ ودخلت العنود ووقفوا البنات : عنود من ذي
العنود : اصبروا شوي بقولكم
اتجهت لغرفة دانه ودقت الباب وفتحت ام دانه بعدتها عنود بقوه ودخلت وهي تاخذ دانت واتجهت فيهز لغرفة ساره
دانه : عنود : وش تسوين
العنود ؛اجلسي دقيقه
قفلت الباب وهي تقول للميكب : هاذي العروس تقدرين تبدين وانتي يالمصوره خليك جاهزه بالتفاصيل
دانه : عند وشو ذا
عنود : وش تشوفين
دانه: ما فهمت
العنود : اسمعي هاذي بتسوي لك مكياجك وشعرك وكل شي بيصورونك ولا تخافين جبت لك فستان ما رح تطلعين ناقصه بزواجك وبتفرحين مثلك مثل الباقين .
.
.
العنود : اسمعي هاذي بتسوي لك مكياجك وشعرك وكل شي بيصورونك ولا تخافين جبت لك فستان ما رح تطلعين ناقصه بزواجك وبتفرحين مثلك مثل الباقين
دانخ اللي كانت تحاوووووول تصدق لا شعوريا حضنت عنود وهي تبكي وعنود اللي كانت متوقعه ذا الشي بادلتها الحضن وهي تقول : ما معنا وقت اجهزي بسرعه
ابتعدت دانه وجلست وهي تشوفهم يشتغلون حواليها وانهارت تبكي وتحاول تهدي ................••............ طلعت عنود وهي تقول : هديل دانه تعالو معي نرتب غرفة سطام ودانه
واتجهت لام دانه اللي وقفت بحده : وين اخذتي بنتي
العنود بعبط : خطفتها
هديل اتجهت لديمه : يلا من غير مطرود بنرتب الغرفه
ديمه : اتوقع احنا اللي بنرتب غرفة اختي
العنود : واللي يرحم والديك تقومين تطلعين بس شفناك وش سويتي لاختك قومي تسهلي
ام دانه : بعد بتطردونا
العنود : اعرف انك تدورين الزله عشان يحتاس الزواج لكن اطلعي تكفين لو نفجر فيك مارح ينلغي الزواج
طلعت ام دانه بغضب وهي تصارخ وقفتها شريفه وهي تقول : اللزمي حدودك واجلسي احسن لك
ديمه : انتي هيه لا تصارخين على امي
شريفه دقت بعصاها الارض وصرخت: اقصري صوتك يا بزر احسن لك واجلسي
جلسوا وهم مغتاضين والبنات اللي كانو مروقين بقوه ................••............ العشاء جاء سطام بهدوء بدون مزامير وازعاج دخل المزرعه واستقبله جده اللي كان كاشخ بحب وهو يحضنه بفرح ابتعد سطام لما حس بجده يبكي: افا ياجدي تبكي ما عاش وللله من نزل دموعك
الجد : والله ما نزلت الا فرحة بك يا ولدي
سطام اللي اخذ طرف شماغه وهو يمسح دموعه : اذا تبيني افرح لا تبكي
الجد بمزح وهو يمسح دموعه : لا تخرب شماغك بدموع شايب
سطام : لا ابووووووه شماغ ما يفتخر بدموعك
ابو مازن : بس بس خلونا حنا نسلم بعد
سلم ابو مازن وابو دانه وهم يباركون ووقف مصعب وهو يقول : قبل تكتب عقد قرانك
اخذ البشت اللي جابه هديه لسطام اللي ما لبس بشت وهو يلبسه سطام : العريس بدون بشته مب عريس
حضنه سطام وهو يسلم عليه
نايف : حركة حلوه يا مصيعب تبي تكسب سطام بصفك عشان ما يوقف مع عنوود ضدك
مصعب : يووووه كيف كشفتني
الشيخ : نبدا
الكل جلسوا وابتداء الشيخ يكتب العقد ووقع سطام ووقعوا الشهود .
.
.
وقف مازن وهو يقول : بودي لهم الكتاب
طلع مسرع قبل يوقفه احد اتجهه للمطبخ وهو ينادي ساره اللي اخذت منه الكتاب وقفها وهو يقول : بالله سوير نادي جوري
ساره : طيب
وقف مازن ينتظر الجوري وساره اللي اخذت الكتاب لدانه : عنود خذي الكتاب لدانه
عنود وقفت واخذته وراحت وقالت جوري بغضب : عنود تكفين بنشوف دانه
عنود: معصي محد بيشوفها قبل سطام حتى انا ما شفتها
ناديه : يا كذابه يا عنود
عنود دقت الباب وعطت المصوره الدفتر وهي تقولها وين توقع دانه وقالت لها تصور كل شي ورجعت
ساره : والله من جعدها ما تبي احد يشوفها
هيفاء: مدري من الام بالضبط
ولكن عايشه اللي  ركضت تبي تشوف اذا فتحوا الباب بس ركضت عنود وهي تدفها : عااايشه يا سامجه خلااااص قلنا محد بيشوفها الا سطام
عايشه : ما بتموت اذا شفتها
العنود : انا بموت انا
شريفه : عايشه خلصنا
اخذت عنود الدفتر ودته لمازن اللي كان كاشخ لكن كشر اول ماشاف العنود : وينها الجوري
عنود : مافيه جوري اذلف يلا
سكرت الباب وهو مصدوم ولكن جت ساره وهي تقول : جوري تقول ماشا ما تسمع زين تعرف كل راسها عيووون ولسان
مازن: اححح زعلانه لذا الدرجه
ساره : الله يعينك
مازن: وشلون اراضيها
ساره : مدري
راحت وتركته وراح يودي الدفتر وهو يفكر
وابتدو الكل يباركون لسطام وصار وقته يدخل لدانه لكن وقفه صقر اللي قال : سطام انت خلاص يعني بتدخل مدري متى اشوفك لكن خذ
حط في يده مفتاح سياره وهو يقول : هديتك موجودن جهة البوابة الخلفيه رتبتها لك وتقدر تنزف فيها عريس
سطام انصدم ورجع المفتاح وتوه بعترض بس قال صقر : والله ما ترجع هدية اخو وش فيك
الجد: اقبلها يا سطام
سطام: ماكان له داعي الكلافه
صقر : تستاهل كل خير
مازن : دام بديتوا اجل خذ فكرت وش بهديك ما توقعت اني بحصل افضل من عمرة في بيت ربي تستفتح بها حياتك من جديد هاذي تذاكر محفول مكفول بس روح وكل التفاصيل موجوده عندك
سطام اللي يحس انه اختنق : والله ما تقصر بس كذا كثيييير
نايف : لا يا لبببى باقي ماجاك الكثييير دامهم سلموا اجل هاذي عنوان الفندق اللي بتقضي فيه ليلتك خذ زوجتك وروح وتراك محفول ومكفول اسبوع كااامل مالك الا تستانس
سطاام : يا جماااعه والله انكم فضلتوا علي لكن والله انا مو محتاجها
اابو مازن: مو محتاج بس بيهدونك لا تردها بخاطرهم
فهد تقدم وهو في قلبه غصة : والله احترت وانا افكر وش بهديك والشباب ما قصروا لكن فكرت في شي ممكن يكون يختصر عليك اشياء عشان كذا بعطيك ذا الظرف بس ما بيك تفتحه الحين
سطام اخذ الظرف وهو يحتضن فهد بحب يسلم عليهم كلهم واتجهه للباب رايح لدانه
.
.
.
وقف سطام وهو يستقبل السلام من الكل وتهاني وهو يشوف ام دانه اللي تخزه ولا فكرت حتى تروح مع بنتها هز راسه بأسى وهو يلتفت للعنود اللي قالت : ما عليك منها ادخل لغرفتك دانه هناك
سطام : زين
تقدم وهو يحس مكسور قلبه على دانه اللي اكيد امها معذبتها فتح باب الغرفه ودخل وهو متوقع يشوف دانه بشكل يعرفه يعني لكن انشل تمام وهو يناظرها واقفه بخجل بأخر الغرفه لاشعورياً جلس وهو يحس انه بيطيح من خقته
وقف وهو يتنحنح ويستجمع نفسه يحس انه يسحب نفسه سحب مشى لها وهو بشتت التوتر : ماشاء الله تبارك الله ماشاء الله تبارك الله
لاحظ رجفة دانه وهو مو افضل منها ماعرف وش يسوي لكن تقدم وهو يسلم عليها بهدوء ورجع : مبروك
دانه كانت ساكته خجل ورعب وخوف وكان وسواس ان سطام معاد يبيها وهو يعرف باللي صار لها
سطام اللي ماحس الا هو يحتضنها ببشته وهو يقول : اللهم لك الحمد اللي فرحتني ذا اليوم واللي جبرت قلبي الحمدلله اللي رجعك لي وهو عالم اني مت وحييت وانا احتريك
دانه حست انها بتبكي وحس سطام وابتعد وهو يقول : تكفين الاا البكى والله ان بكيتي لطلع
ابتسمت دانه وهي تحس به يمسح على ظهرها وهو يقول : ابي اوعدك ما دام ربي جمعنا ما يفرقنا الا ربي مابيك تتذكرين من الماضي السيء شيي مابيك تتأثرين به وتأثرين على حياتنا فيه اللي راح راح والايام الحلوه جايه
دانه رفعت راسها وهي تناظرها بخوف : انت تدري اني مالي ذنب فالما... سطام قاطعها بسرعه وهو يقول : مالك ذنب في شي ابد بالعكس هااذي فرصة من ربي جمعنا فيها وانسي ذا الخرابيط خلاص انتي ما زلتي الدانه الغاليه العفيفه
ابتعدت لما سمع صوت الباب وطلت عنود وهي تصرخ : يووه يا ربي ماشاء الله وش ذا الكياته
دخلوا الكل بعدها وهو يحضنون دانه وسطام مستغرب من صدمتهم بعد بدانه اللي تغيرت وكانت طلتها هاديه صح بس تأسر
ام مازن :ماشاء الله تبارك الله الله يهنيكم
جميله وهي تحصنهم : الله يحفظكم يارب من كل شي
جوري : والله ياعنود معك حق تخبينها
ناديه : سطام اقراء عليها تكفى
هديل : اثاريك مزىزه تشلعين القلب
كفخها سطام : اقول توكلي على الله يلا
هديل : ايييه يحق لك عاشرت غيري وسلاااك
سطام : عنود تصرفي
عنود : تمام الوضع تحت السيطره احنا بنطلع وانتم صوروا
طلعوا ودخلت المصوره ولف سطام على دانه: من جابها
دانه : عنود
ابتسم سطام وهو يسمعها تقولهم بتبدا ومكان سطام يحتاج احد يوصية كيف يصور لانه تلقائياً من خقته على دانه تطلع معاه الوضعيات وبعد التصوير طلعوا دانه وسطام اللي اول ماشاف السيارة ضاق صدره بس مايبي يخرب على نفسه
.
.
وسطام اللي اول ماشاف السيارة ضاق صدره بس مايبي يخرب على نفسه وراح يساعد دانه وتحرك على الفندق ................••............ وعند مازن اللي ما صدق انتهى الزواج وبسرعة ركض وهو ينادي ساره : سوير تكفين جيبي لي جوري لا تقولين مازن يبيك قولي لها اي شي ثاني
ساره : وش اقول لها يعني
مازن : مدري المهم خليها تجي
ساره : زييين زييين
راحتت ساره للجوري وهي تقول : جوري روحي بالله جيبي باقي الاغراض اللي عند الرجال بس روحي من الباب الخلفي عشان العيال عند الباب هذا
جوري : زين
طلعت جوري وهي تغني بخفيف وشهقت برعب لما حست احد سكر فمها وشالها بسرعه
ابتعد مازن ونزلها وهو يمسك كتفه بألم على كثر ما ضربته : وش فيك انتي كسرتي كتفي
جوري : ليتني كسرت راسك بعد
مازن : وشوله اناديك ولا تجييين
جوري : ما يتسوعب عقلي كله عيون
مازن ابتسم : افاااا وللله زعلتي نمزح يا بنت الناس انا هذاني ما زعلت وانتي مشبهتني بصنننم صننننم  ولا زعلت
جوري : لا والله من اللي بدأ
مازن: عادي يعني نطقطق زي زمان وش فيك اخذتيها بحساسيه
جوري : ماعاد احنا زي زمان
مازن ابتسم وهو يتكي على الجدار وعينه بعينها : اجل كيف صرنا
جوري اللي وقفت وهي ترفع يده ويدها لوجهه واشرت على الدبله : صرنا كذا وصار يزعلنا الحكي
مازن اللي سحب يدها وهو يبوسها :ولا تزعلين انا اسف بس انا احب امزح معك ينشرح صدري واستانس حتى لو زودناها شوي نعرف وش في قلوبنا لبعض ولا تبين نصير نفسيات
ابتسم جوري بخجل : طيب ما قلت شي نمزح بس اقل مو عند عايشه اللي ما تخلي احد ما تقوله ولا عند اسماء باقي غريبه
مازن : من عيوني خلاص
ابتسمت جوري وسحبت يدها بتروح وقفها مازن: وييين وييين
جوري : بروح اخذ الاغراض من المجلس
ضحك مازن: انا الاغراض
جوري : شلون
مازن: كذبت عليك سوير عشان تجين وبعدين لا عاد اشوفك تزعلين علي ولا تقفلين الجوال
جوري ضحكت وجلست وجلس مازن ويلاطفها ويمزح معاها ................••............ وفي المجلس كانت ساره والعنود ينظفون دخل مصعب مستعجل ورجع بقوه لكن قالت ساره : مصعب تعال مافي احد
مصعب  دخل وهو مرتبك : ساره احصل عندك ثلج
ساره : اييه بالفريزر
مصعب لف على العنود : عنود ممكن تجيبينه ع... قاطعته عنود بحده : جيبه انت ولا على يدينك نقش الحنا
سكت مصعب وبان ضيقه على وجهه وقال : وين هو فيه يا ساره
ساره : لا خلني اجيبه انا
مصعب : لا بروح انا بس انتبهي لسند فالمقلط مسخن بروح بسرعه وارجع
طلع وهو يسرع للمطبخ
ساره : عنوود خير وش ذا الا سلوب
.
.
.
ساره : عنوود خير وش ذا الا سلوب
عنود : وش اللي خييير لايكون تبيني اخدمه
ساره : حرام عليك تارك ولده مريض وجايريطلب منك مساعده وهذا اسلوبك
عنود : والله عاد انا ماني مسؤوله عنهم
ساره: اقل شي ساعدي من باب الانسانيه هذا وهو ساعدك وجاب لك الميكب ارتست والمصوره ورجعهم وما طلع منه الا ابشري وهو مبتسم
عنود : والله تعرفين ما احب احد يتخدم فيني وخصوصا اذا شخص ما اطيقه
ساره : دام ما تطيقينه وشوله موافقه علييه
عنود : اوووه يا ساره
طلعت وتركتها وهي تشوف مصعب مره مسرع ودخل المقلط
اما عند مصعب اللي كبرت في نفسه كثير وزعل جلس وهو يكمد سند بضيق ................••............ وفي عند صقر اللي صار ما يقدر يبعد ابد ابد عن اسماء اتجهه للغرفه ما حصلها فيها واتجهه للبنات وشافهم جالسين واسماء معهم وسكتوا اول ما شافوه وفزت اسماء بتوقفهم لكن وقفها وهو يقولها : اجلسي وين بتروحين
اسماء : معك
صقر ابتسه بخفه : لااا بنسهر مع البنات اليوم اتوقع اليوم نفسياتهم تعبانه لا سطام ولا دانه موجودين
هديل لا شعوريا : من مات يا جماعه
دقتها ناديه وسكتت ولف صقر : وين باقي البنات
ناديه : هاذي عنود جات وساره  بعد وجوري مدري وينها
عايشه : ماعليك منهم المهم دامك جيت يا صقر قلنا انت وش تشتغل اشوف عندك فلوس بس وش مصدرها
حول صقر عينه لها بحده : اعمال حره
عايشه : يعني كيف
صقر : بيع وشرا
عايشه : يعني في ايش
صقر : اي شي
عايشه : يعني هي تجيب ذا الفلوس هههههه والله احسك تمشي وتكفخ وتذبح اللي ما يشتري منك
اسماء حست صقر بدا يعصب وقالت بسرعه : صقر  ناديه زواجها تحدد دريت
فهم صقر انهت تبي تشتت غضبه ولفروهو يبتسم لناديه : ماشاء الله مبروك متى
ناديه بصدمه: يبارك فيك بعد شهرين
صقر: الله يتمم لك
عنود اللي كانت جالسه بضيق
صقر: اتوقع عنود اليوم محد متضايق كثرها توأمها مب موجود
عنود ناظرت فيه نظره طويله ساكنه : طبيعي اتضايق انسان له فقده واذا دخل مكان يمليه حياه
صقر حس بدقتها وهن يشوف اصلا الجو متوتر بوجوده
وقالت اسماء اللي تبي تدخل صقر مع البنات : بنات تخيلوا صقر يعرف ينوم تنويم مغناطيسي
عايشه :ههههههههه ايوه قولي كذا يبيع ويشري
هديل : بالله كيييف
اسمااء لفت على صقر : بالله صقر وريهم
صقر اللي كان ماعمره قال لاحد بس انه قال لاسما من باب انه يسولف معها ويعرفها اكثر
هديل : ايه تكفى انا نومني
الكل صار يناظر صقر اللي كان شوي مستصعب السالفه لكن قال : زين  استندي على شي عشان ما تطيحين .
.
.
جلست هديل زين وقف صقر وجلس قبالها وهو يقول : لحد يتكلم وخلكم هادين
ولف لهديل بنبره هاديه : اسمعي ركزي في الفراغ اللي بين حواجبي وخليك مركزه وثابته واذا عندك موضوع في مخك تحسين بتفكرين فيه خليه في مخك طيب
هديل حست برعب لما ركزت بعيونه وثبتت نظرتها بين حواجبه صقر : خليك مركزه طيب
هديل : طيب
ركزت هدييل وكان صقر يتكلم معاها بصوت رخييم وخافت ولا شعوريا قفلت هديل عيونها وابتدت ترتخي على الجدار وصقر يتكلم وهو يقولها تاخذ شهيق وزففير وقال بهدوء : تخيلي معي لو فيه مغناطيس يسحب لطرف ومو قادره توقفييينه
لا شعوريا  بدت هديل تميل لين فزت على طيحتها على طرف
وابتسم صقر وهو يقول : عسى موضوعك خلصتيه
ضحكت هديل برعب : يممممه صار لازم ننتبه منك
الكل كان مستغرب ووقف صقر وهو يقول : انتبهي طيب
اتجهه لاسماء وهو يمد يده لها وقفت اسماء معاه
وهو مبتسمه شوي ان هديل بدت معه لانها جريئه وبتساعد صقر يدخل معهم
هيفاء : نومك صدق او تطقطقين
هديل : والله يا بنات حسيت كذا اني مقدر اتحكم
عنود : يمه اصلا انا دخت معك
دخلت جوري وهي تدور على علاج بثلاجه
ناديه : انتي وينك من اليوم ولا مع الحب
جوري : ماني فاضيه الحين مين معاها علاج فيفادول اطفال
هديل : شتبين فيه
جوري : سند تعبان وبشوف اذا فيه ولا لا
عايشه : انا معي خذيه
عنود اللي كانت تراقبها بصمت وهي تحس انها مو مسؤوله ................••............ وفي طرف ثاني عند العرسان وصل سطام وهو مصدوم من فخامة الفندق نزل ودخل وهو يشوف دانه المربوكه هنا حرفيا ما عرف كيف يتصرف مايبي يخوفها ولا يبيها تحس انه عايفها
نزل بشته وهو يتجهه لها : دانه نزلي عبايتك على ما اجيب العشاء
نزلت دانه بإرتباك ووصل العشاء وتعشوا وسطام يحس انه مقيد كان لا شعوريا يسرح بوجهه دانه
ابتسم لما حس انها شرقت عطاها المويه : بسم لله عليك
دانه بعد ماشربت قالت بهدوء: شفيك تناظر
رجع سطام لوراء : بأستوعب وين عيوني من ٤ شهور ما شفتك ماعرفتك
دانه وقفت : هذا اذا دل على شي يدل انك سريرتك نظيفه وقلبك حافظ للامانه
بعد سطام الاكل ووقف وهو يغسل ورجع لدانه اللي بدلت بقميص يناسب جمالها
ابتداء سطام يكح بصدمه اخذ المويه وهو عيونه متعلقه فيها لا شعوريا  ما حس بنفسه الا يقول : يوووووووه يا ربي .
.
.
ابتداء سطام يكح بصدمه اخذ المويه وهو عيونه متعلقه فيها لا شعوريا  ما حس بنفسه الا يقول : يوووووووه يا ربي
انتبه لنفسه وهو ينزل اكمامه لف وهو يبدل ملابسه ورجع هو يحس انه مسييير مو مخير معاد لعقله مجال يفكر استسلم لقلبه اتجهه لدانه وهو يحتضنها همس في اذنها: كنتي بعيده عني6 سنين لكن ما بعدتي عن قلبي وعيني كل شي يرجعني لحبيبتي بكل قوه ورغم اني شفتك وعرفتك ك دانه الغريبه المريضه وكثير قالوا فرصه يا سطام تنسى دانه الاولى بس حتى انتي نفسك ما قدرتي تبعديني عنك جمعني القدر فيك ( بلا ميعاد)
دانه بربكه : سطام بقولك شي ! بس ما تزعل
سطام : تكلمنا بما فيه الكفايه وزعلنا لين شبعنا ! مو وقته الحين................................🌚😅)
................••............ ومن بكره الصباح في المطبخ وكانوا البنات يجهزون الفطور دخل مازن: صباح الخير
الكل : صباح النور
مازن : سوير بالله وانتي تحضرين خبي فطور لمصعب
ساره: وينه مصعب
مازن:نايم
ساره: صحووه طيب
مازن : لا مسكين من نص ساعه نام سند تعب عليهه واخذه للمستشفى وتو رجع ونام
جوري دخلت وهي تقول : بنات لا احد يروح غرفة سطام سند نام هناك تعبت وانا انومه
مازن : يممممه يا زين الحنونييين
عنود وهي تعطيه الخبز: خذ وتوكل
ابتسمت جوري وهي تسمع تعزيز البنات وحش بعضهم وفتحت جوالها وهي ترسل لمازن ( واخجل اذا جات عيني صدفه في عينك واصير
مربوك وحاير في امري ومن فرحي ابغى اطير )
رفع مازن جواله وابتسم ابتسامه عريضه وكمل وهو يغني بصوت عالي معاه الخبز والشاهي
توحشني وانت بجنبي واشتاق لك لو تغيب و احسد عليك حتى نفسي و اخشى يمسك غريب
ابتسم وهو يشوف رسالة جوري اللي ردت وهي تضحك وكملت (و انا الذي كنت اهرج والكل حولي سكوت صرت اتلام واسكت واحسب حساب كل صوت )
وكان مو هامه احد ولا احد في جوه وطلع من المطبخ وهو يغني بكل صوووته وبكل ابتسامه (والله يا احلا عمري فعيوني مالك مثيل تساوي الروح وتغلى وتكون عنها بديل)
نايف اللي كان جالس وهو يناظره بطرف عين: والله ياخالي سند اذا بأيدك في شي كنت اتمنى اني أيدك وانت رافض مازن
مازن: خييير انت وش عليك
نايف: ذبحنا ذبحنننا قبل بالقوه نفرقهم متطاقين والحين ذبحونا بالحب
ابو مازن: هههههههههههههههههههههههههههههههههههههههههههههههههههههههه بنزوجك بعد لا تضايق
نايف: لا تكفى مابي اصير مسخره
الجد: ما كلمتوا سطام
نايف انسدح على رجل جده بضيق : ايييه يا جدي سطام الحييين غارق في شبر موييه يلعن ابو الحب
الجد : ههههههههه وش بلاك انت وش ضارك
نايف: جدي تعال اسمعني بتزوج انا وانت مع بعض .
.
.
نايف انسدح على رجل جده بضيق : ايييه يا جدي سطام الحييين غارق في شبر موييه يلعن ابو الحب
الجد : ههههههههه وش بلاك انت وش ضارك
نايف: جدي تعال اسمعني بتزوج انا وانت مع بعض
مازن: الله لا يسيء خاتمتنا صابر طول عمره فالاخير يتزوج معك
الجد : هههههههههههههه لا تكفى انت تزوج وانا كذا مرتاح
سطام اللي دخل وهو يقول : يا كثر حلطمتك
الكل فز بفرح وهم يسلمون عليه
مازن: وش جايبك يا عريس
سطام وهو يبوس راس جده: عجزت اصبر من غير ما اشوف الوجهه الحلو
الجد: والله اني اشتقت لك من الحين الصبح مب زين من دونك
نايف: يا جدي الله يخليك الحين دور لك وجهه تصبح عليه سطام الحين صار مب لك الحين فيه وجهه شباب يصبح عليه الشايب ما ينفع بس طعني وتزوج وتشبب
مازن :هههههههههههههههههههههههههههههههههههههههههههههههههههههههه الله يغربل العدو
سطام : الله لا يعطيك عافيه انا استغني عن حياتي انا والله لو تصير الوجيه مليون ما استغني عن جدي حبيبي
شريفه دخلت : سطام حياك الله
راح لها سطام يسلم عليها : وش جايبك وين زوجتك
سطام : تركتها فالفندق انا جيت بسلم على جدي وبطلع اعتمر
الجد : الله يقبل منك
الكل : الله يتقبل
سطام: اجل بدخل اسلم على البنات واطلع
مازن : انصحك لا تدخل ودانه مب معك بيذبحونك
ضحك سطام وقبل يتحرك وقفه نايف : يااااا ربي يا ريحة المعرس الجديييييد يا الله
مازن قرب وهو يشم سطام : يوووووه يا ربي متى تصير ريحتي
ابو مازن سحبه وهو يطقه: اسكت فشلتنا
دفهم سطام وهو يضحك واتجهه للمطبخ ببتسامه المشهوده
وقف وهو يقول : اشتقتوا ليي
كلهم لهم وركضوا له بفرح وهم يحضنونه جميله : وش جابك يا معرسنا
سطام : جيت ابي اسلم على جدي واشوفه واخذ كم غرض وبطلع اعتمر
جوري : لله الله كشخه وحركات وريحة عرسان
سحبها سطام من شعرها وهو يقول :ياختي تزوجي  انت وهبل حقك وريحينا اذيتونا بالريحه تزوجوا وريحونا
عنود : اسكت تكفى فاتك غزل غثيان
ساره: وينها دانه
سطام: تركتها فالفندق بتجي لها امها وبرجع بسرعه
عايشه : وش تبي امها من الصبح
سطام: عايشه امها وبعدين ما لقيتي حل للقافه
الكل :ههههههههههههههههههههههههههه
سطام: يلا اجل باخذ الاغراض واطلع تبون شي
الكل : سلامتك
................••............ وفي الفندق صحت دانه وهي تدور لسطام ما حصلته وابتسمت وهي تبدل وتكشخ ورتبت الغرفه وهي تنتظره يجي وتعرفه يصحى بدري سمعت صوته وهو داخل يكلم ونزل الجوال وهو يقول : ياااا حبيبي صباح الخير
دانه : صباح النور وين رحت
سطام وهو يدخل الفطور: رحت لجدي سلمت عليه واخذت الاغراض وطلعت ويسلمون عليك
دانه: ليش ما صحيتني اروح معك
سطام: ما حبيت ازعجك ولا صدق عجزت اخرب جمال نومك واصحيك
دانه اللي احترت واحمرت وضحك سطام وهو يقول : يلا بنفطر ونطلع نعتمر
دانه: على طول
سطام : احس اني ودي اروح اشكر ربي بكل قدرتي
دانه : حمدلله دايماً وابدا
سطام : لا تعالي وش كنتي بتقولين امس
دانه نزلت ملعقتها بهدوء:يعني بس ما تعصب ولا تزعل
سطام : اعصب عليييك !! دانه: ايوه
سطام: معصي اعصب وازعل على كل هالخلق الا انتي
ضحكت دانه : اسمع طيب
سطام : قولي
دانه  تتذكر ما كنت انت وفهد تدورون على دانه خطيبتك وتسوي برنت عنها واشياء
سطام: ايييه
دانه: انا اخذت اوراقك مرتين وشققتها ورميتها
سطام بصدمه : وشووووو لييييه
دانه: يعني انا دانه وخفت تعرف وتحوس الدنيا
سطام: يامجنونه كنتي بتختصرين علينا
دانه: يعني والله عجزت اخليك كذا متعلق بأمل على الفاضي
سطام : من قالك اني قطعت الأمل اصلا كنت اي شي يقابلني يخصك انبش فيه بس يوم صرتي قريب ماعرفتك
دانه: خلاص يعني صار ماضي وانتهى
سطام : ايييه ذكرتيني ان فيه وحده خبله الله لا يبلانا اشغلتنا بدار الرعايه
دانه ضحكت باحراج : وش اسوي كنت خايفه عليك وخايفه منك ياخي ما تعرف وش كنت امر فيه
سطام : يعني انتي من جدك كنتي بتهربين يعني تتوقعين اني ما بدور علييك
دانه : يعني كنت خبله
سطام : دامها اعترافات في اعترافات والله اني كنت خبل بعد
دانه : ليييه؟! سطام : تتذكرين يوم قلت بلغت عن وجودك
دانه: ايه
سطام : كنت مفكر اذا جو اهلك ازوجك واحد يعني كنت اعرفه وخططت وانتهيت وبقولك بس انتي انحشتي
دانه شهقت بصدمه : انت صادق
سطام : يعني قبل لا اعرف انك دانتي حبيبتي وروحي
دانه : سطام تستهبل كيف يعني بتزوجني وبدون مدري
سطام: لا وش بدون ما تعرفين انا فكرت انك ممكن تهربين وتحوسين حياتك وخفت بعد من جنانك طبعا ما طرا لي الا ذي الفكره
دانه: ليتك ما فكرت
سحبها سطام وهو يجلسها: اسمعي القصت طيب
حكى سطام لها عن مخاوفه وان ماكان حتى يقدر يتزوجها
دانه: حتى ماكان لك حق تخيل لو صار شي وزوجتني صدق
سطام ضحك وهو يحضنها: لاالحمدلله كنتي لي وظليتي لي
دانه: يا شين بعض افكارك
سطام : قومي قومي اجهزي احسن
راحت دانه وهي للحين مو مستوعبه فكرة سطام اللي تصنفها غبيه ................••............ وهي طرف ثاني صحى مصعب وهو يترنح اتجهه لديوانيه ما حصل الا نايف ومازن
مازن: صحييت
مصعب :  ايه وين الناس
نايف : راحوا عند واحد من ذا الجيران
مصعب: تكفى نايف دور لي اي دواء
نايف: وش بك
مصعب : مدري شكله سند اعداني
مازن قرب وهو يقيس حرارته: اوووف حار و الله
نايف :زين انتظر
طلع نايف متجهه لساره: سوير نبي بنادول
جميله : بسم لله من يبيها !
نايف: مصعب تعبان يمه الظاهر سند اعداه
ام مصعب فزت: بسم لله علليه ولدي وش فيه
نايف: لا تخافين مسخن بس
رجعت ساره وهي تعطي نايف الدواءواخذه وراح والكل راح معاه
ولفت ساره بغضب للعنود : مو ناويه تتحركين وتروحين
عنود : وشوله اروح انا لا يكون انا امه
ساره: لذا الدرجه وضعك صعب
عنود : مب مشكلة وضعي اذا هو مريض
وقفت وطلعت وهي متضايقه من ساره وهي من وجهة نظرها تشوف انه حتى لو ساعدها هي مو مجبره تسوي له شي ................••............ عند مصعب اللي تفاجئ بالكل جايين واللي يسأله اللي يلحفه واللي يتطمن عليه واللي يعطيه الدواء وكان مصعب فاقد ذا الاحساس من 10 سنييين
ابتسم بصوت مبحوح وقال: لا تخافون انا بخير شوية سخونه وتعدي
ام مصعب : والله انك نار يمه
مصعب : لا يمه بس عشان كنت متلحف وعرقت بس
جميله: نايف خذوه للمستشفى
مصعب : ماله داعي ساعتين واصير كويس
جوري : خذ اشرب هالحليب يساعدك بعد
ناديه : لا لا جيبي له عسل وليمون احسن
نايف قرب وهو يهمس لمصعب : ولا نجيب العنود
ابتسم مصعب وهو يقول : وخروه عني وبصير بخييير
نايف : هاذي جزاتي
جميله: نايف ابعد عنه
صقر دخل وهو يقول : وش فيكم وش ذا التجمع
نايف : حبيبك مريض
احتدت النظزات بين صقر ومصعب وجلس صقر وهو مطنش ومصعب اللي جلس وهو يتلحف : اجلسوا لا توقفون كذا بتكتموني
صقر : لا احد يكتمه الدلوعه
ردت عنود من عند الباب وهي متكتفه : هههههههههههه سحبان الله دايماً طريقة غيرتك وحقدك من اللي احسن منك مكرره وممله انصحك تجدد صرت قديم
تحولت عيون صقر لها بغضب وحده : من متى صرتي تدافعين وصار لسانك طويل
عنود طنشته وجلست وهي تسكر اكمام عبايتها
ومصعب اللي اعجبه ردها بس ما عطاه اي اهتمام الانه فعلا ضايق منها
................••............ وعند سطام ودانه اللي وصلو الحرم وابتدوا ياخذون عمرتهم ودانه اللي كانت من بداية عمرتها لنهايه وهي تبكي فرح وتضحك فرح اذا شافت سطام اللي كان مثبتها معاه بكل قوته ولما صار يهرول فالمسعى كان كل شوي يلف عليها ويتطمن انه يشوفها خلصوا وجلسوا يصلون ويدعون وهي تشوف سطام اللي كان يدعي بفرح بعيونه واضح وبعد ما صلى ركعتين وسلم وطاحت عينه عليه ابتسم وهو يقول : خلصتي
دانه : ايه
سطام : بتجلسين ولا نرجع الفندق
دانه : لا نرجع احس تعبت
رجعوا وجلس سطام يكلم جده ودانه كلمت البنات وبعد ما سكروا قالت دانه : سطام
سطام : عيونه
ابتسمت دانه : الحين بسألك شي
سطام : وشو
دانه: شكثر تحب العنود
سطام ضحك: وش جابها لبالك
دانه : يعني جاوب وبعدين اقولك .
.
.