{بلا ميعاد}

بارت 11

دانه وقفت وهي تقول : ما صار بس بيصير
سطام: لا لا ما رح يصير لو اضطريت اني احط امن في كل مكان لا تخافين بحميكم بكل ما اقدر
دانه رفعت راسها وهي تناظره بإنكسار : تحميني من اهلي !؟
سطام بسرعه: اكيييد مس... وشو اهلك ! وش قصدك
دانه بصوت متقطع : سطام ابي اطلب منك توديني لدار الرعايه
جمدت ملامح سطام بصدمه: وشو ! وشش تقولين انتي انهبلتي وش دار الرعايييه وش ذا الحكي
دانه : امس لما طحت اوجعني راسي حسيت انه بيتفجر لكن فجاءه بديت اتذكر كل شي عني اهلي وبيتنا عيال عمي وابوي والكل لكن تذكرت بعد اني ما عدت انا يا سطام
انهارت وسطام واقف بصدمه ما عمره فكر وش بيصير لو دانه تذكرت اهلها هنا بالضبط وقف كل الدم اللي فيه ولا عاد قدر يفكر ولا عاد يسمع انا بكي دانه
لا شعوريا جلس : ودامك عرفتي اهلك وش لك في دار الرعايه
دانه :انت ما تعرف اهلي كيف يفكرون ما تعرف ابوي وعيال عمي انت ما تقدر تتخيل وش بيسوون فيني اذا حصلوني
سطام : وش بيسوون
دانه : اقل شي يذبحني سعيد
سطام : من هذا سعيد
دانه : سعيد اكبر عيال عمي وهو المفروض اني اتزوجه وطبعا عايلتنا متشددين حتى السوق ما اروح له جوالات بس اتصال للجامعه بس اشياء مستحيل تتخيلها هذا ابووي وسعيد اشد من ابوي
انصدم سطام وهو يناظرها بهدوء وكملت دانه : اذا حصلوني بيحطون كل شي براسك وانت مو ناقص مشاكل كفايه اللي سببته لك من يوم ما جيت
سطام وقف وهو يمسح جبينه : لا لا مستحيييل شيلي هالفكره من بالك مستحيييل اني اخليك تروحين واذا حصلوك وش بيصير يعني
دانه: سطام بيذبحونك والله
سطام: اذا حصلوك الف حلال يحلها كل شي محلول انتي شيلي هالفكره من بالك واياني واياك تفكرين كذا انتي صصرتي وفينا وبحميك قد ما اقدر لكن اتركي هالتفكير وانسي اللي صار وكل شي يتعدل
دانه: شلون بكمل حياتي انت شايف وش صار فينا طول هالفتره وانا بدون اي شي
سطام : بتكملين مثل ما كلمت حياتي انا لا تخافين وقومي تعوذي من ابليس وانسي كل شي وتجاهلي ذاكرتك وانا بحلها انتي لا تشيلين هم
دانه وقفت بعد اصرار سطام وهي تمسح دموعها: انا اسفه على كل شي سببته لك
سطام ابتسم وهو يرميها بعلبه بمزح : محد طلب اعتذارك
ابتسمت بحزن وانسحب ولكن سطام قال : دانه لا تقولين لاحد خليه بينا
دانه: طيب
رجعت لغرفتها وهي ما تدري وش تسوي بس متاكده ان سطام بيكون معها في كل شي .
.
.
رجعت لغرفتها وهي ما تدري وش تسوي بس متاكده ان سطام بيكون معها في كل شي
اما سطام حس بصداع ما عرف كيف بيحلها ما عرف وين يوديها ودامها تذكرت اهلها اكيد ان اللي امس من اهلها
وقف وهو ينفض يدينه بضيق اول ماشاف سيارة عمه ابو مازن اتجهه لهم وهو يحاول يبين طبيعي
سطام: هلا عمي  ابو مازن : هلابك يا ولدي
سلم عليه واتجهه لمصعب وهو يسلم عليه بهدوء ورجع : خير وش اللي جابك يا عمي
ابو مازن: جايين لابوي نبي نتطمن عليه
سطام: تفضل تفضل
تردد مصعب بس قال: صقر موجود !
سطام: لا ادخل
دخلوا للجد واتجه سطام لساره وهو يقولها تصلح القهوه وطلع يدور على صقر وما حصله رجع اخذ القهوه وهو يصبها لعمه ومصعب وقال الحد بهدوء : سطام اخذ مصعب للاسطبل فرجه على خيلنا
سطام حس انها تصريفه وقال: مصعب تفضل
اخذ مصعب وهم ساكتين واتجهو للاسطبل ولف الجد على ابو مازن؛ انا ناديتك ابك تساعدني في موضوع
ابو مازن : ابشر يبه
الجدر: انا مابي اخسر سطام بعد فوق خسايري ولا ابيه يجيب لنفسه البلاوي والمشاكل ابيك تروح للقسم وتبلغهم ان عندنا بنت مفقوده واذا احد سأل عنها يجيون يستلمونها من عندنا
ابو مازن : ابشر يبه ليش وش صار؟!؟
الجد : انا كنت راضي فيها عشان سطام حطها بوجهه ولا قدرت ارده ودامها تشافت معاد لقعدتها داعي
ابو مازن: شايف منها شي يبه ؟! الجد بهدوء : ماني متطمن وانت تدري وش عاقبة الامر على سطام
ابو مازن : ابشر بس ليه ما نقول له
الجد: لا بيرفض عشان كذا قلت لك تروح انت
ابو مازن: بس يا يبه بيزعل وانت تدري بزعله اقشر
الجد : ما عليك انت روح والباقي علي
سكت ابو مازن بحيره اما الجد اللي شاف ان الانسب يسلم دانه لاهلها
................••وفي الاسطبل كان سطام يتنقل بين الخيل وهو يفرج مصعب عليها
مصعب بضيق : ادري مضايقك لا تواخذني بس انت شايف صرفونا
سطام ابتسم : لا افا عليك انت ولد عمي مهما كان قولي كيف حياتك ان شاء الله كويسه
مصعب حس انه وده يفضفض وجت فرصه : والله يا سطام مدري وش اقولك بس انت تعرف كيف الظغط النفسي يتعب مهما كان النظره السوداويه للحين بعيون الكل
سطام : يعني هي بتمر صعوبات لين تقدر تدمحها
مصعب : اووون لا تسألني عن الصعوبات
سطام : مقدر والله اقولك غير الله يعينك كلنا ناشبين في ذا الصعوبات
مصعب بنظره عميقه : انت كأنك ضايق ! عسى ما شر
سطام: ابد مشاكل الدنيا
مصعب : تاكد اني بكون لك ستر وغطاء
لف له سطام بهدوء: ما تقصر
قطع عليهم صوت صقر الغاضب: انت وش عندك هنا
قبل يتكلم مصعب تدخل صقر : صقر احشم المكان
صقر : انت خلك على جنب
سطام : وشو !!!!! صقر لو سمحت اطلع من هنا
مصعب : سطام معليش خليه يقول اللي عنده
صقر: ماشاء الله طلع لسانك
مصعب : شوف يا صقر كلنا كنا جهال وما نعرف الصح من الغلط ايه غلطنا لكن ما كنت ابي اخليك تشيل كل شي على راسك بس ابوي ما عطاني فرصه في ظروف سريعه دخلني المستشفى وانت تدري بالمعاناة ولا يمدي شفيت الا سجلني بجامعه وربطني بدراسه ومسؤليه حاولت اوصل لك بس انت اختفيت
صقر: منتظرني اصدقك ؟!
مصعب : معك حق تسوي اللي تسويه اللي راح من عمرك مو شوي لكن تأكد انه مو ذنبي
صقر اللي بسرعته المعهوده ركض وهو يسدد لمصعب لكمه رجعته لورى بقوه
مسكه سطام قبل لا يطيح وهو يصرخ في صقر: انهبلت انت
صقر : احمد ربك اني معاهد ابوي ولا كان ذبحتك من الوريد للوريد ولا فكرت فيك
سطام اللي عصب من تصرف صقر: ابعععععد من هنا دام النفس عليك طيبه
صقر : ما وقفنا هنا يازفت ما وقفنا
واح ورجع سطام مسرع لمصعب : تعورت
ضحك مصعب : حتى لو تعورت ما تساوي شي صدقني عند العذاب اللي اعيشه
سنده سطام وهو يحط المنديل على خشمه النازف
وابتدا فعلا يحن عليه وعلى حالته ................••
اما عند صقر اللي رجع لابوه مسرعه وفتح الباب : يبههههه هالحيوان وش يسوي هنا
ابو مازن: صقر وش بلاك نزل صوتك وانت تكلم ابوي
الجد : وش فيك ياصقر
صقر: مصعب وش جابه
ابو مازن:جاي يسلم على جده
صقر: عساه ما سلم يذلف من هنا الحين
ابو مازن: صقر احترم نفسك
دخل سطام وهو يجلس مصعب واتجه لصقر وهو يشده من ياقته : لما تكلم جدي كلمه بهدوء واحترم نفسك والا اذلف من هنا
صقر: من انت عشان تطردني من بيت ابوي
سطام: اذا ما احترمته لا تنتظر منا احترام
صقر: من انت عشان تطردني من بيت ابوي
سطام: اذا ما احترمته لا تنتظر منا احترام
الجد: تعوذوا من ابليس خلاص تعوذوا من ابليس
وبين كل هذا الصراخ استوقفهم صراخ ساره ترك سطام مصعب بأرضه وركض وهو اول ما طرا له دانه والكل ركض حتى مصعب
سطام اللي كان ينط من اي شي يجي قباله لما وصل عند غرفة دانه فتحها بخوف وهو يصرخ :دانه فزت دانه برعب وخوف:وش فيه
ارتاح سطام لما شافها بخير ولا شعوريا تقدم لها وحط يده على كتفها بدون ما يستوعب انه دخل بدون لا تتغغطى: خفت صار لك شي
دانه: لا بس سارن ليه تصرخ
تركها مثل المقروص ورجع لساره اللي كانت تصرخ بهستيريا والكل بيهدونها بس ما قدروا
سطام :ساره وش فيك سااااره وش فيك
ساره وهي ترجف وعينها معلقه بالباب:شي كبير كان هنا كان هنا يا سطام ويطالعني يفجع يا سطام يخوف يخووووف ورجعت تبكي
وركض مصعب وصقر وسطام يشوفون وش فيه وكل واحد يدور ولا فيه اي اثر رجعوا وجلس سطام قبالها:ساره حبيبي وش شفتي كيف شكله تعرفينه
وقبل لا تنطق بأي معلومه صرخت من جديد وهي تأشر للباب :هذا هو
ولفو الكل لكن مافيه شي حضنها سطام بسرعه وهو يسمي عليها : ساره ناظريني هنا لا تناظرين هناك
اما صقر ومصعب اللي كانوا يحاولون يحصلون شي
وقرب الجد وهو يقراء عليها والباقين استنفروا يبون يحصلون اي دليل
مصعب : ايش شافت يعني ؟! صقر تلقائي : بسم لله الرحمن الرحيم لا يكون جني
لف مصعب بإستغراب انه رد عليه  وانتبه صقر اللي ناظره بكرهه وصد عنه
اما ساره اللي كانت متمسكه بسطام وهي خايفه من المنظر اللي شافته
ودانه اللي زاد خوفها ان فعلا يكون من اهلها
................••............ اما عند فارس اللي كان جالس بعيد شوي عن البيت وهو يحاول ان ما احد ينتبه مد يده لجيبه وهو يحاول انه يحصل جواله سحبه وهو يلمس الارقام واتصل على هالرقم (عيوني ) ابتسم ابتسامه واسعه لما سمع صوتها: اتصلت بوقتك كنت بطق؟! فارس باستغراب : بسم لله عليك وش فيك.؟
****: صاير عندنا شغله يا فارس مسببه لي ضغط
فارس :يا عيوني يا عنوده هدي على نفسك لا تموتين من الضغط الزايد ؟! كم مره قايل لك خذي الموضوع بهدوء
العنود : لو تدري بتنجلط بالنيابه عني
فارس : خير اللهم اجعله خير
العنود : تخيل مصعب ساكن عندنا
فارس بصدمه: نعععم وش يبي عندكم
العنود : ابوي جابه لين تنحل اموره
فارس : لا والله الله مكثر الفنادق وشوله ما انثبر في واحد ولا ناسي ان فالبيت حريم
عنود سكتت شوي وبعدها انفجرت تضحك: يوووه يا فارس الموضوع وين وانت وين
فارس : انا وين ؟! عنود : انا خايفه على مازن وانت غيران هههههههه.
.
.
فارس: لا تخافين مازن عاقل ويدل دربه انا الحين همي انتي لا ينط ذا المصعب يدخل في طريقي
عنود بضحك لا مبالي : لا مستحيل ارقد وامن بس خايفه صدق يسحب مازن
فارس : لا لا هاذي مستحيل مازن فطين
عنود : كان صقر افطن ؟! وش صار فيه الحين !؟تدمر
فارس : خذيها مني مستحيل مازن حذر اما صقر ما كان عارف وش نواياه
كملت عنود مع فارس نعيها على مصعبب اللي مقلقها وجوده وابتداء فارس يقلق بعد؟! ................••............ اما عند مازن اللي نزل من سيارته متجهه للمقهى اللي اتصل به نايف يقابله فيه دخل وشافه جالس بضيق استغرب : نايفوه وش فيك من اين ظهرت الشمس عشان اشوفك ضايق
نايف: اجلس بس مالي خلق
مازن: اووووه كلام كبييير اش فيه ؟!
نايف اعتدل وهو يمسح جبينه : ناديه
مازن: شفيها ؟! نايف : انخطبت
ابتسم مازن: طيب وش بك ضايق
نايف: من الواجب اقول لاعمامي بس امي رافضه وناديه والكل وانا محتار
مازن : ايييييه هذا همك!
نايف : وش تنصحني فيه ؟
مازن : شوف يا نايف انا مابي اتفلسف بس اعمامك اللي انت بتحط لهم احترام اول شي عشان تحط لهم اعتبار لازم يكون راعين لكم ويدرون بأحوالكم واخباركم ومنصفين لكم ويكون لكم سند فالدنيا ويكونون اباء بدال ابوك الله يرحمه ..بس ! كل هذا مب في عمامك وانت تدري وش سووا بعمتي جميله وفيكم عشان ها الكم فلس! بالله عليك هذولا ينحط لهم اعتبار ؟! نايف: انا فاهم بس ودي ابر ابوي بهم
مازن بشده: تبي تبر ابوك بره في رعايتك لامك وخواتك وحمايتك لهم حتى من الهوا الطاير بر ابوك بكل شي بس صدقني لو ابوك يدري باللي سوووه حتى التفكير بهم يعتبره حرام
اخذ نفس نايف: هذا قولك
مازن : قولنا كلنا
نايف سكت بتفكير وقال مازن: من خاطبها؟!
نايف: جيرانا
مازن: توكل على الله واستشير ناديه وبلغ جدي والله يسهل
نايف ابتسم: والله فكيتني من مشكله
ابتسم مازن:نعين ونعاون يا نويف ................••............ اما عند فهد اللي كان مع واحد من اصحابه وهو يحاول يطلع اي شي عند دانه ( خطيبه سطام)
ابتسم لما حصصل معلومات تنفع ضرب كتفه بحب : ربي يسعدك يا سامر لو تدري كيف انقذتني
سامر: خير صاير معك شي ؟! ولا من حبيباتك
فهد : يعني تقدر تقول مشكور ولا تنسى بينا
سامر: عندي لا تخاف
طلع فهد بفرح وهو يدق على سطام بس مارد ركب سيارته وهو متحمس انه يجمع سطام ب( دانه من جديد) ................••........ وعند سطام اللي كان يحاول يشتت تفكير ساره ويسولف معها بأي شي ينسيها ودانه اللي جالسه بعيد تراقب بهدوء
وبرا كان الجد واقف هو ومصعب وابو مازن
الجد: لا تنسى الحين تمر وتسوي للي قلت لك .
.
وعند سطام اللي كان يحاول يشتت تفكير ساره ويسولف معها بأي شي ينسيها ودانه اللي جالسه بعيد تراقب بهدوء
وبرا كان الجد واقف هو ومصعب وابو مازن
الجد: لا تنسى الحيييييين الحييين تمر وتسوي لللي قلت لك
ابو مازن: ابشر
الجد: مصعب ياولدي لا تواخذنا
مصعب : سهالات يا جدي ما حصل شي
ابو مازن: فتره وتعدي
الجد: ان شاء الله
ركبوا سيارتهم متجهين للشرطه ومصعب مستغرب من ذا البنت وش خوف سطام عليها واول ما صرخت ساره ما راح الا لها وغير كذا وش قصة الشرطه والجد .................•• اما سطام اللي كان مشوش خايف على اهل البيت وخايف من اهل دانه ولا يدري وش يسوي ما صدق هدت ساره وجات دانه تهديها شوي طلع وهو يفتش في كل مكان بالمزرعه بس ما استفاد شي
تنهد بضيق وهو يضرب جبينه: اموت واعرف من اللي يعلب معي
انتبه لثوبه اللي كان عليه دم من مصعب ورجع متجهه للغرفه دخل غرفة ساره وهو ينزل ثوبه دخل الحمام يغسل سكر المويه ووقف وهو عينه على الظل اللي مر  بحراره من وراه جمد بمكانه سطام لما حس بثقل خطواته على الارض من خلفه بهدوء غمض وهو يقول ( بسم الله الرحمن الرحيم )
وفيه لمح البصر حس ان كل شي خلفه اختفى
اخذ نفس بهدوء وطلع وهو يقنع نفسه انه يتوهم
طلع لما سمع صوت جده يقول : سطام تعال فهد يبيك
طلع سطام لفهد وهو يسلم عليه فهد : فيك شي
سطام : لا بسس سوير تعبانه شوي
فهد: سلامتها
سطام : الله يسلمك
فهد مد له اوراق : خذ كل شي يرجع حياتك صار هنا
اتسعت عيون سطام بفرحه:وربك
فهد ببتسامه : وربي
حضنه سطام بفرح وهو يقلب بالاوراق : والله يا فهد لو اعطيك عيوني ما تكفي
فهد : مابي عيونك خلها تحتاج تشوف الحب فيها
ابتسم سطام ولف فهد: يلا بروح تبي شي
سطام اللي كان منشد مع الاوراق :الله معك
راح فهد وجلس سطام بفرح وهو يناظر الاوراق وقطع عليه اتصال فارس ورد بفرح وهو متجهه لغرفته : هلا فروس
فارس :اووه الصوت رهيب
سطام : لو تدري وش بيدي
فارس: وشو
سطام: معلومات عند دانه
فارس : اي دانه ؟!
سطام: دانه خطبيتي السابقه
فارس : بالله علييك مبروك
سطام : بدري بشوف اول وش سبب بعدها عني وهل هي تدري ؟! فارس: انتبه طيب
سطام : لا تخاف
فارس: طيب تعال عندي شوي ندردش مأمون اشتاق لك
سطام: هههههههههه والله ودي بس مقدر صاير معي من شغله مقدر اترك البيت
فارس: وشو!؟
سطام حكى له وهو ينزل الاوراق بدرجه بدون ما يحس باللي يسمعه ولا يشوفه
اما عند دانه اللي رجعت لغرفتها بهدوء وسمعت سطام اللي يتكلم وعرفت عن مين يتكلم اوجعها قلبها لما قال ( خطيبتي السابقه )
معناته للحين يذكرها وبدون ما تدرك انتظرته لما طلع واتجهت للدرج مسرعه اخذت الاوراق بسرعه وطلعت ابتعدت وهي تقطعها بغبنه وضيق وقهر في ثواني حوالتها لرماد ورمتها ورجعت وهي تمسح دمعتها وتكتم حلطمتها من تفكير سطام بخطيبته
رجعت وهي تاخذ طريقها لساره اللي كانت نايمه على رجول جدها وجلست بهدوء بدون ما احد يحس انتبهت لسطام اللي دخل واتجهه لساره وهو يجلس على ركبته قبالها مسح على شعرها وهو يسأل جده عن حالها  نزل يبوس راسها وبعدها وقف وهو لف لدانه ببتسامه: دانه لا هنتي اذا مو تعبانه صلحي لها شي تشربه اذا صحت
دانه بدون ادراك وشعور : ابشر
وابتسم وطلع وهو يقول : ولا تنسينا بعد
وكانت تصرفات سطام تأيد دانه على اللي سوته وقفت  دانه وهي تقول : بعد ابشر
طلع سطام متجهه للاسطبل وهو كله حماس لدقيقه اللي بيعرف فيها ردة فعل دانه ( خطيبته )من فراقهم ................••انا عند ابو مازن اللي كان محتار بينه وبين نفسه مايدري يطيع ابوه ويروح لشرطه ولا يخاف انه يسبب مشاكل لسطام ويتخرب عليه اوراقه اللي من سنين يبي يطلعها
كان يصارع افكاره وقطع عليه صوت مصعب : عمي فيك شي ؟!
ابو مازن ناظره بهدوء : لا لا بس كمل طريقك لا تروح لشرطه
مصعب : معليش يا عمي بس وش كان لك عند الشرطه
ابو مازن احتار يقوله ولا يسكت بس قرر انه يقول عشان يقرر وقال لمصعب كل شي وكل القصه وختمها بقول : وانا محتار اخاف اسكت وهالبنت تجيب لنا مشكله واخاف اقول واخرب حياة سطام اللي ما صدقنا تنتهي معاناتها
مصعب بهدوء: عمي يمكن انت ما تثق فيني ولا برأيي بس اذا تبي نصحيتي اشوف كفايه على سطام مصايب دامه قال بيتصرف اتركه يتصرف وهو اكيد يدري ويعرف وش بيسوي وسطام فطين
ابو مازن: محشوم يا مصعب وانت فيك الخير لكن انا خايف على سطام لو احد يدري ان فيه بنت عندنا ما نعرفها رحنا فيها
مصعب : انا اقول قول لجدي انك بلغت وانت تقول ان سطام ينتظر اوراقه تنتهي وبيبلغ هو بنفسه واترك الامور تمشي
ابو مازن بحيره:هذا قولك
مصعب : اذا تثق بقولي
ابتسم له ابو مازن: لله يهدي ابوك ويريح باله
مصعب : امين ................••في طرف ثاني كانت الجوري من حزنها وكآبتها بتموت ما كانت تدري وش بتسوي سحبت جوالها وهي تبكي على حياتهم اللي مع ابوهم تبكي الصخو اتصلت بالعنود بضيق وهي تشهق ردت عنود وانفجرت جوري تبكي : عنوووود زين انك رديتي بموت يا عنود احس صدري بيتفجر من الضيق مدري كيف اتصرف في حياتنا هاذي كل مالها تصعب
وابوي يصعبها زود ما ادري وين اروح في كل مكان مشاكل حتى ولده ما سلم منه امي وانا تعبنا كنت ما اهتم لوجود مصعب بس الحين صرت احتاجه احتاج احد يسندني قدام ابوي احس بأنهار من تصرفاته ضيق علينا جميع السبل امي بتموت من ضيقها من كلامه وتصرفاته تخيلي حارمها تكلم مصعب تعبت والله يا عنود ماعدت اتحمل
................••............ في الطرف الثاني دخل مازن البيت واتجهه لغرفت عنود لكن ماحصلها سمع صوت جوالها ورجع شاف اسم (الجوري ) ابتسم بخبث وهو ناوي يطقطق عليها رد ولكن الصدمه كانت كلامها طول عمره يشوفها انسانه تحب الفله والضحك والعناد والاستهبال ولكن لاول مره يسمع بإذنه معاناتها وانهيارها وصوتها الضاحك اللي تبدل بصوت باكي مكسور وحزين جمد مازن ولا قدر حتى يرد يتنفس ولكن انصدم لما سمع صوت عمه من جوال جوري يصرخ : يا جوري الزفت
انقطع صوتها لما سكرت السماعه بدون ما تدري من اللي رد
اما مازن اللي سكر بصدمته ونزل الجوال وطلع متجهه لغرفته بسرعه ................••............
اما مصعب اللي وصلوا ونزل ينتظر عمه يشوف له الطريق وسمع صوت عمه يقول ادخل يا مصعب روح للمجلس ببدل واجي لك
اتجهه للمجلس وجلس بتعب وهو ماسك خشمه اللي كانت يوجعه رفع راسه لما تسكر باب المجلس واعتدل بصدمهه لما شاف بنت لابسه عبايتها واقفه وهي متكتفه
عنود اللي كانت ما تعرف تشوف الخطر وتسكت قفلت الباب وهي تناظر برعب وتحدي لكن مجبوره تنقذ بيتهم من الهلاك اللي تسميه بنظرها(مصعب)
مصعب:من انتي ؟!!!
عنود: مب شرط تعرف لكن اللي لازم تفهمه انك تقوم الحين وعااجلا وتقش قشك وتطلع من ذا البيت
................••............
اما عند صقر اللي كان ما فيه شي بالدنيا مضايقه قد وجود مصعب كانت يمشي بين المزارع ولا هو مدرك انه جالس يدخل مزارع الناس من كثر ما هو مندمج ويفكر استوقفه صوت ينشد بنعومه وصوت هادي واضح فيه عذاب الدنيا لف يناظر وطاحت عينه على “اسماء”
ارتد لوراء بقوه قبل تشوفه وهو يراقبها بهدوء ولا فوت اي تفاصيل من المنظر وهو يسمع صوت المختلط بصوت المويه اللي تسقي فيها الزرع لكن قطع عليه صوت العصاء خلفه لف ولكنه جمد لما شاف فارس متجهه له وهو يتخبط بعصاه وقال:اسماء وش ذا الروقان
نزل صقر بجسمه وهو ينسحب بهدوء بحيث ان فارس ما يحس فيه وطلع وهو يتإكد انه في مزرعة فارس وهل هاذي اخت فارس!؟ ولا زوجته
................••............
٠
٠
وعند مصعب اللي كان وجود عنود مرعبه قال بهدوء وهو صاد : دام هذا كلامك معناته انتي العنود
عنود بحده: هذا مو شغلك اقصر الشر يا مصعب واطلع من ذا البيييييت بكرامتك والا صدقني تطلع ووجهك بالقاع
رفع مصعب حواجبه بغضب من طريقة كلامها ووقف وهو يسحب المنديل ويحطه على خشمه : انا ما راح ارد علييييك وبعتبر كلامك هذا شي ما سمعته واذا انا جالس هنا جالس عشان خاطر عمي واحب اوجهك لك نصيحه من شجاعتك الغبيه هاذي ما بتوديك لخير
انسحب بسرعه وفتح الباب وطلع وهو كارهه هالاهانه للي يتعرض لها ومحد راضي يستوعب انه تاب وتاب الله عليه اتجه لغرفته بضيق ودخل وهو رافع راسه
وركضت له جولي بخوف :Musab !! What happened to you, are you okay?
( مصعب !! ماذا حدث لك ، هل انت بخييير )
مصعب وهو مسكر عيونه بغضب :I'm fine but I have been exposed to the sun for a long time
( انا بخير ولكن تعرضت لضربة شمس )
جولي وهي تبعد يده :Do  a saqr who did this to you
(هل صقر من فعل هذا بك!؟)
مصعب وقف بإنزعاج واتجهه للحمام: No, Jolie, Saqr did not do anything me
(لا يا جولي صقر لم يفعل اي شي لي )
سكتت جولي واتجهت لسند الصغير وهي تسكته اما مصعب اللي قفل الباب بإختناق وضيق ما عاد يدري وش يسوي والاغلب انه بيستسلم ويرجع لامريكا ................••............ وفي طرف ثاني كان مازن جالس بهدوووووء وهو يتردد في اذنه صوت جوري ومعاناته وضيقها واكيد هالظروف بتضغط عليها وتوجع قلبها تحرك بتعب لما سمع صوت امه اللي فتحت الباب :مازن وش فيك ما نزلت تتقهوى مع ابوك
مازن ببتسامه باهته : بنزل يمه الحين
ام مازن : فيك شي
مازن اللي وقف بسرعه: لا بس تعب الدوام
ام مازن: اجل انتظر الغداء وتغداء ونام لك شوي
مازن: زييين
نزل وهو ماله نفس شي وهو يفكر وش الطريقه اللي بيحل فيها مشاكل جوري ويريحها من عمه الظالم اتجهه للمجلس وهو يسلم على ابوه وجلس وهو يفكر ................••............ اما عند نايف اللي دخل بيتهم ببتسامه واتجهه لغرفة امه بشغف وهو يسلم على راسها: سلام يا حلوة اللبن .
.
اما عند نايف اللي دخل بيتهم ببتسامه واتجهه لغرفة امه بشغف وهو يسلم على راسها: سلام يا حلوة اللبن
جميله: عساك بلغت اعمامك
ابتسم نايف: افا بس انا اسوي شي ما تبينه يا غناتي  دامك انتي وناديه راضين ابشروا بعزكم
جميله : يمه يا نايف لو اعمامك فيهم خير صدقني ما اردك عنهم بالعكس بس انت تذكر وش صار فينا بسببهم
نايف : خلاص يمه بننسى ونكمل حياتنا وبكلم جدي واقوله واشوف راييه
جميله: ايه يا حبيبي الله يسعدك
ابتسم نايف وطلع وهو فرحان لناديه ومرتاح ................••............ وعند سطام اللي رجع بسرعه للغرفه وهو مستانس انه بيبدأ رحلت البحث عن دانته اللي بالنسبه له مفقوده فتح الدرج ولا حصل شي قطب حواجبه بأستغراب ورجع يفتش ويفتش ويفتش مافيه فايده وقف وهو يرجع شعره : بسم لله الرحمن الرحيم انا متاكد انها هنا
رجع يحوس ويحوس ويفتش في كل الغرفه ولا لها اثر رجع لصااله وبأستغراب ابتداء يفتش وقف لما ما حصل شي واتجهه لغرفة ساره دق الباب وجاه صوت دانه: ادخل
تقدم سطام واتجهه لساره بحب وهو يبوس راسها: كيفها حلوتنا
ساره بذبول :احسن
دانه/: شوية دلع
سطام : يحق لها تدلع براحتها
ابتسمت ساره وقال سطام بحيره : بنات اليوم جبت ظرف فيه اوراق احد شافه
ارتبكت دانه بس هدت نفسها: والله من الصباح انا مع ساره ولا  تجرأت اروح لاي مكان
ساره: وانا ما خرجت
سطام بحيره: وين راح
ساره: وش فيه الظرف
سطام بهدوء : فيه حياتي
وقف وطلع وهو مصر الا يدور عليه ولف البيت كله يدور ولا حصل ارتمى بغضب على الكنب : مين بياخذه يعنييي
دخل صقر : وش فيك ؟!
سطام بغضب: شفت ظرف ؟! صقر: ظرف ايش ؟
سطام: ظرف
صقر: لاااا
سطام طلع بضيق واتجهه صقر لغرفة ساره يتطمن عليها وبعدها انسحب لغرفته وهو يفكر من تكون هاذي اسماء ................••............ اما عند فارس اللي ماكان يدري باللي صار بين العنود ومصعب وكان وجود مصعب مضيق صدره بقووووووه كان يسمع سوالف اسماء ولا هو معاها ولا يدري بأي شي من  حكيها قلبه مع عنود وتنهد وهو يقول بصدره( ما عاد بدري يا فارس العمر يركض ومصعب موجود ولو بنتظر مشاكل اهلها تنتهي ما انتهت تغانم الفرصه قبل تطير عنود وتظل انت مكسسسور الجناح )
اخذ نفس وهو مقرر يكلم سطام بموضوع عنود كان الوقت مناسب او لا المهم عيونه لا تنأخذ منه ................••............ اما مصعب اللي كان الضيق في صدره متقسم بين اهله والعنود وكلامها وصقر هالثلاثه شدوا عليه الخناق وابتداء خلقه يضيق غمض عيونه بقوه بإنزعاج من صوت سند الباكي وهو يصرخ في جولي :why is he crying!? (لماذا يبكي؟؟)
(لماذا يبكي؟؟)
جولي( I do not know he is sick )
( لا اعرف انه مريض على الاغلب)
مصعب(My head hurts me I do not want to hear any sound )
(رأسي يؤلمني لا اريد سماع اي صوت )
جولي(What do I do, does not stop crying)
(ماذا افعل انه لا يتوقف عن البكى)
مصعب (Give him medicine! If he does not recover, we will go to the hospital)
(اعطيه الدواء، وان لم يسترد عافيته سنذهب الى المستشفى)
خرجت جولي وهي ضايقه فوق هم الغربه واختلاف الحياة هم مصعب اللي تغير وانقلب حاله ................••............ وفي طرف ثاني طرف طاغي عليه الحزن من حالة بيتهم الكئيبه اللي تحولت لبكى وحزن رفعت راسها جوري على صوت رساله في جوالها طنشت وهي مالها خلق شي بس شدتها بداية الرساله اللي كان مطلعها( ما دفعني اكتب هالرساله الا اني عز علي دموعك وانكسارك)
بسرعه فتحتها برعب ودقة قلب غريبه وكملت وهي كان الحروف تنكتب بقلبها( لإول مره احس بهجة الدنيا طلحت بعيني والابتسامات صارت مصطنعه وخلفها وجيه وقلوب مكسوره لاول مره احس اني فقدت جزءكبيييير من قلبي هذا اذا ماهو قلبي كله ..عمري ما تمنيت ولا تخيلت انك تعانين وهالدنيا بتصير ظلام من بعذ ما تضيق عيونك بالدموع اسمحي لي يا جوري اخذك من عذابك اسمحي لي اعيش معك بسلام واسمحي لي اهديك الراحه للي محد فالدنيا يستاهلها كثرك.......والحين بطلبك (تتزوجيني؟!)..مازن
رمت جوالها وشهقت برعب كل شي كان تتخيله الا هالعرض في مثل هاليوم في مثل هالوقت ما استوعبت مازن ما غيره،؟؟ يطلبني هالطلب
ركضت وهي تقفل الجوال برعب وتلحفت وقلبها يسابق انفاسها بخوووف من هالموضوع اللي انفتح من دون سابق انذار
.................••............
انا مازن اللي كان رامي جواله بعيد وهو يراقبه بصمت وينتظر الرد بعد ماقرر قراره الغريب المرعب بنظره وش بتكون عواقبه لكن ما عرف كيف رتب كلامه وارسله كيف جاته الجرأه انه يطلب هالطلب منها
غمض عيونه برعب وحماس وخوف وهو مايدري وش سواا بس متاكد انه قرار شجاع
.
.
.
ونرجع لسطام اللي وقف بتعب بعد ما دور الين تعب سحب جواله وهو يتصل على فهد وجاه الرد بصوت نايم : هلا
سطام : فهد قوم صحصح واسمعني
فهد جلس بتركيز: وش فيك وش صاير معك
سطام : اسمع عندك نسخه ثانيه لظرف
فهد : لا لييييه وين ظرفك
سطام بضيق: لا تقولها
فهد : وش فيييييك
سطام: مدري يا فهد اختفى
فهد : وشو وين اختفى
سطام: مدري بس اختفى
فهد : دور زييييييين
سطام : ما حصلت
فهد : مين اخذه ؟! سطام: مدري اصلا محد شافني وانا اخبيه
فهد : هدي هدي وارجع دور من جديد بهدوء
سطام : هذخاا اللي بيصير وانت حاول تطلع نسخه
فهد : زيين
سكر سطام وهو يتنفس بغضب وهو غافل عن العيون اللي تراقبه بصمت ................••اما دانه اللي كانت تراقبه وهي ما تبيه يدور على اي شي ولا يرجع لذكرى خطيبته القديمه رجعت لساره اللي كل ما تغفى تفز من الخوف دخلت جنبها بالسرير وهي تفكر وش تسوي عشان تبعد سطام عن موضوع خطيبته ................••ومن بكره كان سطام مستمر في انه يدور ويفتش وقرر يطلع نسخه ثانيه ودانه مراقبته ومستعده تتلف مليون نسخه ونسخه
وعند مصعب اللي من اول ما صحى اتجهه لجولي وهو يقول لها تجمع اغراضهم بيطلع من هنا
واما عنود اللي كانت حريصه انها تطفش مصعب وتطلعه من هنا
وفارس اللي من اول ما صحى وهو ينتظر سطام يجي عشان يفاتحه بموضوعه
واما ساره اللي كانت تحاول تتمسك بإيمانها وتطرد من تفكيرها الاشياء المرعبه اللي تشوفها
واما جوري اللي كانت تحس ان قلبها بيوقف من التفكير في مازن ومازن نفس الوضع .................••طلع مصعب متجهه لبيت ابوه وقف ونزل دق الباب وهو ينتظر ابوه يفتح وكانت هاذي بالنسبه له اخر المحاولات
فتح سند الباب وسرعان ما رده ولكن وقفه ذراع مصعب اللي قال بصوووت مكسسسسوووور : يبه خلاااص الله يخليك خلاص كفايه كفايه اتعبتني يبه ما يسوى علي حرمتني امي واختي وابوي وراحتي وعائلتي تعبت والله تعبت من المشاكل والهموم والنظرات وكل شي ايه اخطييييت بس كان خطاء في الطريق الصح يبه انا جاي بوقف هنا وقفتي الاخيره وبطلبك طلبي الاخير سامحني يبه انا ولدك الوحيد اللي تعبت عشانه لا تهدرني كذا
نزل راسه لما انهارت دموعه على اخر المطاف اللي كان ماسكها وحريص انه يكون قوي لاخر المطاف : اذا ما سامحتني اسمح لي اسلم على امي وجوري وبرجع لمكاني اللي جيت منه بس لا تطلب مني اطلق جولي واترك ولدي
سند بغضب : سلم على امك ولا عاد اشوفك لا انا ولا هم
غمض مصعب بضيق ودخل ودخل وهو يسحب رجوله ركض لغرفة امه اللي فزت بشوفته وهي تحضنه
امه اللي فزت بشوفته وهي تحضنه كتم مصعب دموعه وهو يحاول يبين لها انه بخييييير ورفع راسه وهو يبوس راسها وشاف جوري اللي قربت بهدوء وهي تحضنه وماكان يتمنى مصعب انه يوادعهم للمره الثانيه بس مجبور ما عاد له حيله يتحمل كل ذا عشره سنين عشاها في عذاب بذنب مراهق ما عليه رقابه
ام مصعب : قولي يمه انك بتجلس هنا
مصعب مد يده يمسح دموعها : لا يمه جيت بسلم عليك واطلع جات لي وظيفه انتظرها وبروح لكن برجع لك
جوري : كيف ابوي دخلك
مصعب : دخلت بدون ما يعرف بس ادعوا لي
ام مصعب : اجلس شوي عندي يمه
مصعب جلس عششان خاطرها وحاول انه يهديهم وبعدها طلع بعد ما تأكد انهم مو محتاجين شي ................••............ اما عند العنود اللي اتجهت لغرفة جولي بعد ما تأكدت ان مصعب مو فيه ودقت الباب بهدوء
العنود :Hi Julie, how are you today?
( مرحبا جولي كيف حالك اليوم )
جولي وهي ترتب الشنط: I'm trying to be okay, me and my son
( احاول ان اكون بخير انا وابني)
العنود بإستغراب : Has anything bad happened?
( هل حدث اي شي سيء )
جولي بحزن : I do not know whether the situation we are going through is good or bad
( انا لا اعرف اذا كان الوضع الذي نمر به جيد ام سيء )
العنود :Tell me what your concerns are, I can help you
( قولي ماهي مخاوفك يمكنني مساعدتك )
جلست جولي بضيق وهي تشرح لها وضعهم اللي صار متأزم ومصعب اللي بيطلع من هنا ولا تعرف وين بياخذها
ابتسكت عنود بداخلها بفرح وقربت من جولي وهي تواسيها وبسرعه طلعت بفرح وهي تدور على رقم فارس بتبشره بالخبر
لكن الغريب انه ما يرد سكرت بفرح وهي متوقعه ان عنده شغل ................••............
اما عند صقر اللي كان من يوم ماصحى وعقله تعلق ب أسماء جلس في مكانه المعتاد سحب سكينه وهو يقطع فيها اوراق الشجر وهو متعمق فالتفكير وكان ميقن ان عمره فات وصار الوقت اللي لازم انه يتزوج فيه وبما انها اخت فارس الاعمى وهو صديق سطام اكيد ان معاه مجال للزواج وقف وهو متخذ قرار انه بيروح يكلم فارس ويخطبها لنفسه رجع سكينته بجيبه ورتب شكله وطلع متجهه لمزرعة فارس وقف وهو يصوت : يا اهل المكان يا فارس
طلع مؤمن المشمئز من وجهه صقر : اهلا اش يبغى
ناظره صقر من فوق لتحت وطنشه ورجع يصوت : يا فارس
مؤمن : انا هنا كلام
فارس : مييين يصوت
صقر تقدم له : صقر
برد وجهه فارس ورد بهدوء :هلا هلا يا صقر
صقر انتظر شوي وهو وبعدها قال: بنتكلم على الباب
فارس : تفضل تفضل
دخلوا وجلسوا ووفارس مو طايق صقر وصقر فهم هذا الشي على وجهه لكن اصر انه يكمل موضوعه .
.
.
فارس : مييين يصوت
صقر تقدم له : صقر
برد وجهه فارس ورد بهدوء :هلا هلا يا صقر
صقر انتظر شوي وهو وبعدها قال: بنتكلم على الباب
فارس : تفضل تفضل
دخلوا وجلسوا ووفارس مو طايق صقر وصقر فهم هذا الشي على وجهه لكن اصر انه يكمل موضوعه
صقر : انا يا فارس جايك بموضوع خير
فارس بهدوء :خير اللهم اجعله خير
صقر بهدوء وهو يقلب جواله بحضنه :انا جاي اخطب يد اختك اسماء على سنة الله ورسوله
فارس بردة فعل سريعه : نعععععم
صقر : وش فيك قلت شي غلط
فارس با نفعال : انت من راسك لرجولك غللللط
صقر رفع حواجبه بصدمه:احشم نفسك يا فارس
فارس :انت بأي وجهه ان شاء الله  جاي تخطب بعد افعالك
صقر بهدوء : افعالي !!! ضحك فارس بإستهزاء :على مين ناوي ترميها ذا المره مصعب  ولا فهد
صقر تنحنح وقف : معليش بس اقدر اعرف وش افعالي عشان ارميها على احد
فارس بهدوء: تحب ابداء ب دانه ولا فهد ولا افعالك اللي مخباه
احدت نظرة صقر ولمعت عينه بغضب وابتسم بهدوء : تمام ما دام عرفت كذا حنا تمام وحلوين كثيييير بما انك عارف افعالي على قولك معناته عارف عقوبة اي احد يعكر مزاجي
فارس بإستهزاء : ماهي مشكله نتعلم
صقر: بخليك تفكر وارجع لك يا يا اخو زوجتي
طلع وترك فارس وراه مستهزئ فيه وسحب جواله وهو يرسل لسطام “ ابيك ضروري لازم تجي “
ورجع لرقم عنود وشاف منها رساله صوتتيه تقول ( فارس وينك اتصل فيك ماترد ، اول ما تشوف الرساله دق علي في خبر عن مصعب لازم تدري به)
طاح قلبه وخاف دق وماردت وهنا دقت في قلبه دقة الخوف ان فعلا مصعب قطع طريقه وارسسل وهو يقول ( ‏الله خذا عيوني وجابك يالعنود
‏تكفين لا توخذ اعيوني مرتين)
وكانت بصوت خايف ومرعوب ................••............
اما صقر اللي فقد اخر مراحل صبره وابتداء يعرف انه ممكن ينكشف دام فارس عرف وصار الوقت اللي لازم يشوف له حل فيه
................••............ اما مصعب اللي رجع بحزن للبيت واستوقفه عمه بغرابه : مصعب فيك شي؟
مصعب :عمي بكلمك بموضوع
ابو مازن ؛تفضل يا ولدي
مصعب : عمي انت ما قصرت معي بالعكس كنت لي سند ويعلم الله ان فضلك علي كبير لكن جاء الوقت اللي اتركك براحتك
٠
٠
مصعب : عمي انت ما قصرت معي بالعكس كنت لي سند ويعلم الله ان فضلك علي كبير لكن جاء الوقت اللي اتركك براحتك
ابو مازن : وش تقول انت ، انا ما سويت شي انت ولدي بعد
مصعب : انا رحت لابوي وكلمته في موضوعي وما رضى ابد يسمع حاولت فيه لما انهد حيلي بالقوه سمح لي اكلم امي والجوري وانا يا عم جات لي وظيفه برا وبرجع اخذها واكمل هناك ماني قادر اتحمل كل هالظغط
ابو مازن: لا يا مصعب لا تستلم ترا مهما كان ابوك له حق يزعل ولا تروح وهو ضايق منك صدقني ما بتتوقق في حياتك
مصعب : ياعمي انا تعبت وولدي تعب وزوجتي بعد معاد لي حيل ابد اكمل واخسرهم وابوي ما بيتنازل
ابو مازن : اصبر لا تستعجل وانا بكلم ابوك
مصعب : ما عاد ينفع يا عمي انا اخذت قراري
ابو مازن : طيب اسمعني يا ولدي وتعود من ابليس خلني اكلم ابوك يمكن يفيد فيه
مصعب : ياعمي ما رح ينفع
ابو مازن : محاوله اخيره
غمض مصعب : سو اللي تشوفه خير
ابو مازن : تعوذ من ابليس الحين وروح ارتاح وانا بروح له
مصعب وقف بهدوء ونزل يبوس راس ابو مازن وانسحب بهدوء ................••اما عند سطام اللي اخذ النسخه من فهد وهو هالمره حريص انها تكون معه دخل وهو مدخل كل الاوراق في جيبه وقف قريب المطبخ وهو يصوت عشان تنتبه دانه ودخل بعد ما قالت ساره: تعال يا سطام
سطام : ساره كيفك اليوم
ساره: احسن
قطب حواجبه سطام لما طاحت عينه على يدها : وش فيها يدك
ساره سحبتها منه بهدوء : مدري شكلي كذا مشخت يدي وانا نايمه
سطام: وش اللي مشختيها يا ابنتي ولو اظافر نمر
ساره ضحكت بهدوء وهي تطمن قلبها لان هي ما تدري وش ذا الاثار  اللي على جسمها
لف سطام لدانه اللي تناظره بهدوء : اوووه وين وصلتي انسه دانه
رجعت دانه لوراء بفشله : ابد قريب
سطام : والله اذا جلستوا كذا بتجيبون لي الكآبه عشان كذا حضروا انفسكم بنطلع لاسطبل
ساره : بس..
قاطعها سطام: عذرك مرفوض معك ٥ دقايق تجهزون فيها
انسحب وطلع وابتسمت دانه وهي تسحب ساره: خلينا نروح نستانس شوووي
ساره: طيب بشوف جدي اذا جاء من عند الجيران او لا
دانه : انا بروح اتجهز
طلعت بسرعه وهي تدور بعيونها على سطام شافته طالع وعليه لبس الخيل وبيده اوراق
سطام : للحين ما جهزتيييييي
فزت دانه بضحك: رايحه خلاص اجهز
ابتسم سطام وراح لجده قابلته ساره: جدي مو فيه
سطام: زين يلا انتظركم
................••وفي طرف ثاني كان صقر واقف بعيد وينتظر لحظه رح تنقذه رفع المسدس الصامت اللي بيده وهو يمسحه غمض عيونه : انتم اللي جبرتوني
فتح عيونه وشاف فارس طالع من المزرعه وهو متجهه لمزرعتهم وبكل احتراف دقق وصوب رصاصته لقلب فارس
فتح عيونه وشاف فارس طالع من المزرعه وهو متجهه لمزرعتهم وبكل احتراف دقق وصوب رصاصته لقلب فارس اللي شهق شهقته الاخيره وطاح بمكانه بدون ما احد يدري
لف صقر بضيق وهو يمسح المسدس واتجهه لبير بعيد ورمى السلاح فيه وابتعد بدون ما يرف له الجفن
................••............ اما عنود اللي فزت برعب من خوفها اللي  داهمها وركضت لجوالها رفعته بخوف وهي تشوف رسالته الاخيره وهنا زاد خوفها دقت ودقت ولكن بدوووون فايده ابتدت توتر وترجف وهي تبي تعرف اذا هو بخير هو لا ................••............ اما في طرف ثاني كانت جوري تناظر جوالها وهي تقرأ ردها لاخر مره ( ما كنت اتوقع انه في يوم ينعرض علي هالسؤال منك ولا عرفت ارد غير اني اثق فيك كثير  وجوابي لك “ موافقه “ ) بسرعه ضعطت الزر قبل تغير رايها وقفلت الجوال ورمته بعيييييد وهي تتغطى بلحافها بخوف ورجفه ومشاعر ماهي مفهومه
................••............
اما عند مازن اللي من ايام وهو مو قادر يتحمم في نفسه وتوتره فتح عيونه على صوت الرساله سحب جواله وهو ينتظر الرساله من زمان فز وجلس وهو يقرا مره واثنين وثلاثه لكن ما استوعب الا بعد ما طاحت من السرير بدون ما يحس في نفسه وقف بسرعه بحماس وغمض بفرح وبسرعه “ يا اعز واغلى من يرد الجواب “
بسرعه ركض وطلع يدور فالبيت على ابوه
ام مازن : شفييييييك يمه شفييييييك
مازن: وينه ابوي وينه
ام مازن : مب فييييه راح لعمك ليييه يمه لا تخوفني
مازن وهو مبتسم: ولا شي يمه خييير خييير ان شاء لله
رجع لغرفته بفرح وهو وده يطير على كثر مواقفه الخايسه مع جوري وعلى كثر ما وده انه يمقلبها مايدري ليه فرحان ذا الكثر ................••............
اما عند سطام والبنات اللي كانوا مستانسين وهم يشوفون سطام يحاول يضحك ساره ويغير جوها
لف وهو يقول : خلوكم هنا بدخل شوي وبجي
ساره راحت للخيل وهي مبسوطه فيه اما دانه اللي بدون ما تحس ساره لحقت سطام وهي تشوفه يدخل الاوراق تحت أكل الخيل تركته لين طلع وبسرعه اخذتها وطلعت بدون مايحس ورجع سطام وشافهم مع الخيل وبدون ما يشك ان دانه اخذت شي لكن في لحظه مفجعه دخل مأمون المفجوووع اللي يصرخ ويبكي واتجهه لسطام وهو يتمسك فيه بصراخ : فارس مووووت فارس موووت
جمد قلب سطام وهو يحاول يفهم اللي يقوله مأمون من بين انهياره وبكاه اللي عم المكان .
.
.
جمد قلب سطام وهو يحاول يفهم اللي يقوله مأمون من بين انهياره وبكاه اللي عم المكان
بالقوه تحرك سطام وركض للباب وهو ما يدري اصلا كيف بيوصل والصدمه كانت شوفته لفارس غريق بدمه ما صدق ابد وقرب بخوف ورعب وصل له مد يده بهدوء وهو يجس ونبضه ولكن هنا استوعب لما شافه ساكن صرخ وهو مرعوب ؛فااااااااااااااااااااااااارس
واختلط صراخ سطام ورعبه مع بكى مؤمن المنهار وابتدوا يتجمعون الناس والكل مفجوع
وقف فهد اللي جاي على الصراخ بصدمه وهو يشوف سطام حاضن فارس ويصرخ ومؤمن مو احسن من حالته ركض وهو يبعد سطام عن فارس ضرب خده وهو يناديه ولكن من دون ايجابه وماهي الا دقايق ووصل الاسعاف اللي أعلن عن اصعب الاشياء وقال ( المصاب توفى ) وسحب الغطى على راسه وانهاروا الكل فهد اللي ما تحمل كثير وطاح مغمى عليه اما سطام اللي كان شبه مجنون على كثر ما صرخ ضمه الجد وهو يحاول يهديه ولكن بدون فايييده كان الموضوع صادم و يوجع كثير .................••............ اما عند ابو مازن اللي وصل لبيت سند ودخل وهو ساكت وبعدها تكلم بهدوء : سند انت راضي ان ولدك يروح ويبعد عنك بعد ما قرن عينك فيه
سند : طووول عمره بعيد وش يفرق
ابو مازن: حرام عليك يا سند اللي تسويه حرام
سند : انت وش جاي تبي
ابو مازن: ابي اساعد مصعب انت ما تشوف حالته تكسر الخاطر وهو حاير بين رضاك وبين ولده
سند بعد تفكير لف له وقال: انت تبي تصلح صح؟!
ابو مازن : اكيد
سند : تزوجه عنود بنتك وانا راضي عليه
انصدم ابو مازن وهو يناظره بصدمه ورد سند : هذت طلبي يتزوج عنود ولا لا اشوفه
ابو مازن: يا سند ولدك متزوج
سند : هذا كلامي
طلع وترك ابو مازن في صدمته وقف وهو مصدوم وطلع من البيت متجهه لبيته بحييييييييييييره ................••اما مصعب اللي كان ما بين نارين طلع وهو مز يبي نقاشات كثير اخذته رجله للحوش الخلفي وجلس وهو ضايق بس فز اول ما سمع تمتمه وبكى تقدم بهدوء وهو يناظر في اخر الحوش شاف عنود منهاره وهي تبكي برجفه ................••
اما عنود اللي كانت تدق على فارس وما يرد اتصلت على ساره تبي تحاول تاخذ اخباره بس صدمها بكى ساره وهي تنقل لها الحادث اللي قدامها ورمت عنود جوالها وهي تبكي بصدمه رجعت رسالته الاخيره في ذهنها وطاحت تبكي بصدمه وانكسار ................••وفي طرف مصعب اللي استغرب وجود عنود وبكاها القوي اللي يخوف دق قلبه برعب وهو يسمعها تكلم اللي بالجوال وتصرخ: كييييف مااااات كييييف ؟! انهد حيل مصعب ما قدر يستوعب خاف لايكون احد قريب منه
ما عارف يروح او يجلس بمكانه بالقوه ابعد نفسه وصوت بكى عنود يرن بقلبه
طلع ووصل للباب وهو يسحب جواله ما شاف اي شي يدل ان فيه احد مات
ولكن قطع الشك عنده لما شاف عمه واقف جنب باب سيارته وهو يقول ( لا اله الا الله انا لله وانا إليه راجعون )
حس مصعب بدوخه ولا شعوريا ركض :عمممي وش فيك من مات
ابو مازن بحزن : فارس قتلوه
وقف مصعب شوي وهو يتذكر بصدمه وارتاح نوعا ما بس حزن عليه على طول تذكر سطام وضاق صدره
ابو مازن: مصعب يبه صوت على مازن يجي بنروح لهم سطام حالته صعبه
مصعب : طيب
بسرعه نادى على مازن وبلغه ومازن بدووووره انهاار
ابو مازن ما كان افضل حال منه وقال بصوت مخنوق: مصعب لا هنت مر على نايف بعد
مصعب : طيب
لف ابو مازن على مازن وهو يحضنه بهدوء : مااااازن يا ابوي تعوذ من الشيطان وقول انا لله وانا  اليه راجعون مايصير
مارد مازن اللي في كل مره يرتفع صوت بكاه اكثر الى ما تحول لنووووح اخرجه من السيطره
وصلو لنايف اللي كان واقف على الباب وكأن قلبه حاسه تقدم اول ماشافهم وانقطع صوته لما شاف وضع مازن قرب بهدوء وفتح الباب بصوت مرعوب :مازن وش فيك
مازن مارد من انهياره وقال ابو مازن: فارس يطلبك الحل
مسك نايف الباب قبل لا يطيح بصدمه:كيف؟ ومتى ؟
ابو مازن :جيب شماغك وتعال وحنا نقولك
عجز نايف يستوعب ولف وهو مصدوم دخل بيتهم وهو يسمع نداء امه ولا كأنه يسمع سجب شماغه ووجهه شاحب وطلع ركب وهو في صدمه عظيمه وسط نحيب مازن وحوقلة ابو مازن
................••............ اما عند سطام اللي انجن كان ماسك جثة فارس وهو رافض يتركها وهو يصرخ فيهم:ما ماااااات ما مات فاااارس ما مااااااااااااات
قرب صقر ببرود وهو يسحبه:سطاك خلاص الله يخلييييك ادع له بالرحمه
دفه سطام بغضب وهو يصرخ : ابعععععععد عني ابعععد
فهد كان جالس عند رجول فارس وهو يراقبه ودموعه سيووووووول رفع عينه يناظر صقر وهو خايف انه يكون السبب
لمعت عين صقر بحده وفطن لطواري اللي براس فهد وقرب وهو يشد على كتفه : فهد تعوذ من ابليس وقوم الله يرحمه
كان فهد يرجف مثل الريشه وهو يناظره ما يدري يصدقه ولا يكذبه
اقتحم الجو  صراخ اسماء اللي ركضت وهي تصرخ: فااااارس لااااااااااا
دق قلب صقر ولف وهو عيونه تلمع لها وتدخلت ساره اللي ناداها الجد وبالقوه ابعدو اسماء ودخلوها وهي تصرخ واخذوا الاسعاف فارس بالقوه منهم وراحوا فيه
وقف سطام وهو يحضن فهد ببكى ومحد فيهم راضي يصدق اللي صار
وصل ابو مازن ومصعب اللي نزلوا كلهم واتجهوا لهم يهدونهم وصقر اللي اول ما شاف مصعب كأنه شايف جني احتدت ملامحه واتجهه وهو يسحب سطام من مصعب اللي كان حاضنه ويحاول يهديه ولكن بعده سطام وهو يجلس على الارض بحزن
وانتشر الخبر بين كل الناس