لا أريد من هذه الدنيا سوى عائلة صغيرة وضحكة من القلب تنسيني تعب كل الايام السابقة 🥀
رحيل:ماما
اسماء: اوبا اهيا ماما جات
رحيل: معادش تمشي وتخليني راني نتغشش برشا
اسماء: عيشلي لي تتغشش مني تنجم تتغشش من امك؟ فسرتلك قداش من مرة انو انا زادة عندي بو وعندي واجبات وخدمة ونهاري ديما مليان ونحاول كل يوم نخصص وقت نشوفك فيه ونعدو احلى وقيتة مع بعضنا
رحيل: باهي ماما ميسالش اما مطولش عليا
تبسملتها وباستها من خدها تشمشم ومستحلية ريحت الاطفال والبراءة لي فيها
اسماء: شنوة كنت تعمل قبل ما نجي ياروحي
رحيل: كنت نرسم شوف هاذي انتي شادة يد بابا وهاذي انا بجنبكم ايجا عاوني باش نكملوها
اسماء: محلاها هيا نكملوها فيسع ونمشو نحضرو العشا مع بعضنا وبابا باش يعاونا مش هكا بابا؟
كان واقف يخزرلها كيفاش تحكي وتلعب مع رحيل وشايخة عليها محلاهم مع بعض اسماء دور الام خارج عليها عاللخر ورغم كل المشاكل والحكايات الداخلة بعضها لي تعاني فيها الفترة هاذي اما ديما لاهية بروحها وملي عرفها مشافهاش مهنتلة ولا هاملة روحها بالكل اليوم لابسة فولارة في صومون و جيلي فالابيض طالعة لتحت الركبة على بشرتها البيضاء هبال و سروال جين فيه تقطيعات مبين طايها الحلو و صاك نفس الكولار متاع الفولار و صندال طالو مش عالية برشا ما فاق من سرحتو كان على صوتها قرب منها طبع بوسة خفيفة على خدها يتبسم ببلادة
خليل: بالطبيعة نعاون حبي
اسماء: يعيشك ياروحي رحيل اسبقنا للكوجينة نبداو العشا
هزتلها براسها باهي وهبطت من حملتها هزت كراستها واقلامها وهبطت تجري فالدروج اسماء دوب تأكدت منها هبطت تلفتتلو تقحر هزت يديها قرصتو بالقوي من جنبو قريب نحاتلو لحمة
خليل: احح شبيك يا متوحشة
اسماء: قداش من مرة قتلك متبوسش
خليل: نورمال خليني نذوق عسل مرتي المزيانة
غمزها بطرف عينيو وضحك مغزرلها ومعصبها قحرتلو وضربت ساقها عالقاع بغزول حابة تشدو بين يديها تريشو كي الدجاجة
اسماء: ههههه اكذب الكذبة وصدقها بايبي على قريب باش يتقلب السحر على الساحر وكل واحد يرجع لدورو الحقيقي
رجعتلو الغمزة متبسمة بإنتصار وعطاتو بالقفا هابطة لعند رحيل لي تستنا فيها تبسم على جرأتها وردود افعالها وتمشا هابط بعدها مذابيه يقضي اكثر وقت معاهم باش تبقالهم ذكريات حلوة يتفكروها... طيبو مقرونة بالصوص بيشامال وسلاطة مشوية و كيك.. العشوية تعدات محلاها مع رحيل العسلة وفازاتها وبلادة خليل لي تجنن اسماء تعشاو مع بعض وقامت ماشية بعد طرح بكا من عند رحيل ما سكتتها كان بالسيف وزادت وعدتها انو غدوة تعدي معاها نهار كامل
أنت تقرأ
سنتحد مهما كذبنا (كرونيك كاملة باللهجة التونسية)
Short Storyحــــصـــــريـــا و لــأول مــــــرة: سَــنَـتـَحـد هـما كـذبـنـا بــقــلــمــي: رنــيـــمـ بــن زيــد ممنوع النقل دون اذني أو اقتباس اي فكرة من الكرونيك ♕وما أنا إلا فتاة بريئة لا اجيد كذب ولا خداع وليشهد العالم أنك صرت لعنـتي وفي كل مرة رأيتك ف...
