Unicode
အခန်း ၃။ အကြီးမားဆုံးနောင်တ
______________
နောက်ဆုံးတွင်တော့ လီစစ်မင်၏ခွင့်ပြုချက်ဖြင့် အနှီကောင်လေးမှာ လီစစ်မင်အခန်းတွင်လာအိပ်ခွင့်ရသွားသည်။ သူက သူ့အခန်းဆီမှစောင်နှင့်ခေါင်းအုံးပြန်ယူကာ လီစစ်မင်အခန်းဆီချက်ချင်းပြန်ရောက်လာ၏။
"မင်း ကြမ်းပေါ်မှာအိပ်လို့ရတယ်။"
လီစစ်မင်က ကောင်လေးကိုတစ်ချက်ကြည့်ကာဆိုပြီးနောက် ကုတင်ပေါ်ပြန်လှဲကာ မျက်လုံးတို့ကိုမှိတ်လိုက်သည်။ ကုတင်က သူတို့နှစ်ယောက်စာလုံလောက်သော်ငြား လီစစ်မင်တွင် ကောင်လေးကို ကုတင်ပေါ်ခေါ်ဖို့စိတ်ကူးမရှိ။
ကောင်လေးက လီစစ်မင်အိပ်နေရာနှင့်မလှမ်းမကမ်းရှိကြမ်းပေါ်တွင်အိပ်ရာခင်းကာ လှဲချလိုက်သည်။ သို့သော်ငြား သူက မအိပ်ဘဲ လီစစ်မင်ကိုသာမသိမသာကြည့်နေ၏။ လီစစ်မင်ကိုကြည့်နေသည့်သူ့အကြည့်တို့က လွမ်းဆွတ်မှု၊ မြတ်နိုးမှုတို့ဖြင့်ပြည့်နေသည်။
ခဏအကြာ၌ ကောင်လေးက သူ့လက်တစ်ဖက်ကိုမြှောက်ကာ လေထဲမှနေ၍ လီစစ်မင်၏ခေါင်းကို လက်ဖြင့်ပွတ်ပေးသည့်ဟန်လုပ်သည်။
"ဝမ်အန်း ရှစ်ရှုန်း။"
ရန်ဝမ်ရှု လက်ပြန်ချကာ မျက်လုံးတို့ကိုမှိတ်လိုက်သည်။
ကျွန်တော့်ဘဝမှာအကြီးမားဆုံးနောင်တက ရှစ်ရှုန်းပါပဲ။ မိုးနတ်မင်းက ဒီနောင်တကိုပြင်ဆင်ဖို့ အခွင့်အရေးပေးတယ်ထင်ပါရဲ့။
သူ့လက်ထဲမှဓားက လီစစ်မင်၏နှလုံးတည့်တည့်ဆီထိုးဖောက်ဝင်ရောက်သွားသည်ကိုမြင်လိုက်ရသည်၌ ရန်ဝမ်ရှုလန့်သွားရသည်။ မတိုင်ခင်က သူ ဓားကိုလမ်းကြောင်းပြောင်းဖို့ကြိုးစားသော်ငြား အချည်းနှီးသာဖြစ်ကာ ဓားက လီစစ်မင်ဆီတိုးဝင်သွားဆဲဖြစ်၏။ ရန်ဝမ်ရှု ဓားကိုအလျင်အမြန်ပြန်ဆွဲနှုတ်ကာ မြေပေါ်ပစ်ချလိုက်သည်။
"ကြည့်စမ်း၊ မင်း သတ်လိုက်တာ။ သူ့ကို မင်းလက်နဲ့ မင်းကိုယ်တိုင်သတ်လိုက်တာ။"
သူ့နားထဲတွင် ထိုအသံတစ်သံကိုသာထပ်ကာထပ်ကာကြားယောင်လာသည်မို့ ရန်ဝမ်ရှု နားနှစ်ဖက်ကိုလက်ဖြင့်အုပ်ကာ မျက်လုံးတို့ကိုခပ်တင်းတင်းမှိတ်ရင်း တတွတ်တွတ်ရေရွတ်မိရသည်။
ŞİMDİ OKUDUĞUN
The Greatest Villain
Tarihi KurguA high mountain lotus has its charm. People want for it even in the cost of their lives. Start Writing Date : 23.5.2021 Re-publish date : 28.4.2022 Not written in English.
