عيون
الحلقة الثانية
خش فادي لحوشهم لقى امه ابتسم : شن الاخبار
نعيمه : وين متأخر يا فادي اول مره اديرها
للكاتبه ريان الزوي
فادي مسك امه مع كتوفها ويمشي بيها : تعالي نحكيلك
نعيمه ابتسمت على حركات : ولدها انشالله خير
فادي : خير خير غير وين وفاق
نعيمه : وفاق تقرا يا ماما نسيت والا شن ؟
فادي : لالا ما نسيتش ، رقد على رجل امه : اخخخخ لو نحكيلك شن صار معاي ؟
نعيمه : شغلتني يا وليدي كنك احكي
للكاتبه ريان الزوي
فادي : اخخخ اخخخ ، و حكالها ، هذا اللي صار
نعيمه ابتسمت بخفه : انت عشان هكي شاغل بالك ساهله يا ماما انت عدي تريح و انا بكره نمشي معاك ونحلو القصه
فادي ابتسم وغمض عيونه : يعني تشوفي في القصه ساهله ؟
نعيمه ابتسمت ومسحت على شعره : اكيد مادام امك معاك
فادي ضحك و تليفونه رن
نعيمه : رد عليها هالضيق هذي
فادي ضحك على امه اللي ما تحبش وصال : باهه 😂.
نعيمه ضحكت : تصبح على خير
فادي باسها على راسها : وانتي بخير يالغاليه♥️
وعدا يرد على وصال بس فصل الخط
غسل و غير دبشه و رن عليها
وصال متضايقه : معقوله يا بيبي من بدري نرن عليك
فادي : اول شي يا وصال ما نحبش كلمة بيبي ثاني حاجه توا نحكيلك شن صار معايا
وصال : باهي حبيبي احكيلي
فادي حكالها : و هذا اللي صار
وصال غارت و دمها يغلي : و انت شن دخلك بيها انشالله لو انحرقت قدامك
فادي : من جدك تحكي انتي ؟ لو لقيتي حد طايح عالطريق شن اديريله ؟
وصال : نفوته شن نبي فيه نجيب في المشاكل لروحي
فادي : هذي انتي مش انا انا تفكيري غير تفكيرك عقليتي غير عقليتك
وصال انصدمت : فادي ما كنا انا وياك واحد والا امك لاعبه في عقلك
للكاتبه ريان الزوي
فادي عصب عالآخر : توا نحكي انا وياك شن دخل امي الله ينعن #### حتى انا فاضي نحكي معاك و سكر
وصال انصدمت بعد سكر عليها في نفس الوقت ندمت ان قالتله امك بس كانت ما تحبش امه لأنه امه ما تبيش ياخذها .
( طبعاً وصال بنت عمت فادي ) (والدكتور جهاد يقعد واخذ اخت وصال "نوره )
—————————————————————-
