عيون
الحلقه الخامسه
صالحه : لازم فادي يخطب دعاء على فكرهه غلط يقعدو مع بعضهم هكي وهي محرم عليه
نعيمه انصدمت : ككيفف عليش قصدي يعني ضروري
للكاتبه ريان الزوي
وصال : ماما شن تقولي انتي
فادي و دعاء و جهاد و نوره ووفاق ساكتين مافيش واحد فيهم تكلم يسمعو بس
صالحه : اءوكك مش فادي و وصال يبو بعضهم خليهم ياخذو بعضهم بس دعاء خلوها تجي عندي
فادي هنا تكلم : عليش تجي عندك يا عمتي
وصال : وخليها تجي عند ماما خير ما تقعد معاكم و تاخذها
صالحه : انت عادي تزوج وصال بس دعاء حتقعد عندي و نعيمه ووفاق يبنها يجن يشوفنها شن رايك يا نعيمه
نعيمه : ماعنديش مشكله اهم شي تقعد دودي في امان و تلقى راحتها والا يا دعاء ؟
كلهم بحتو فيها لقو دموعها نازلات وفاق : كنك يا دعاء
دعاء مسحت عيونها : لا ما كنيش
وصال : شن رايك في راي ماما
دعاء تضايقت : ديرو اللي تبوه
فادي بحت فيها : شن يصير توا
نعيمه : كيف ماقالت عمتك صالحه بكره نجو نطلبو وصال مادام تبيها و تحبها و نعجلو في الفرح و تزوجو و دعاء تقعد مع عمتك صالحه لين ترد ذاكرتها مع ان مش هاين عليا نسيبها نعدها كيف بنيتي والله
فادي تضايق لسبب مش معروف بس سكتت وجهاد بحت فيه عرفه متضايق بس ما تكلمش
للكاتبه ريان الزوي
نوره قعدت تعيط فجأه : اييي
جهاد : كنك بسم الله نورتي كنك ؟
صالحه : بسم الله على بنيتي
دعاء فجأه : انتي حامل ؟
نوره وهي تتألم : لاء
دعاء لاحظت حاجه : معناها لازم اديري صوره
جهاد : ليش ؟
دعاء : خليها ادير انشالله خير
نوره : يعني مرات نطلع حامل
دعاء : انقولو نشالله و قعمزت راسها دايخ
نعيمه : دعاء بسم الله كيف عرفتي ؟
دعاء وهي ماسكه راسها : مش عارفه طلعت مني فجأه
فادي مسك يدها بدون قصد كان خايف عليها : راسك ؟؟ تذكرتي حاجه دعاء ؟
دعاء توجعت لأنه ظغط على صبعها وفاق : صبعها يا فادي ركز
فادي مسك راسها رفعه فوق ويبحت فيها : اسف مش قصدي
دعاء طبست راسها متحشمه: حصل خير
وصال : فادي شن رايك تبعد عليها
