عيون
الحلقه الثامنه
نمشو لوحدين حكيناش عليهم واجد نوره وجهاد
جهاد ماسك نوره و مضبطها❤️: حبيبي كنك ساكته
نوره تنهدت : جهاد يعني انا بنموت ؟
جهاد زاد ظغط عليها و عيونه انحمرو : اششش اشش يا نورتي شن التفكير السلبي هذا
رفع وجها عنده : حبيبي اذا كان تفكيرك سلبي وانتي حتى العينه مازال ما طلعت كيف تبي تقعدي بعد تطلع العينه ، و اضبطها : وراس عيوني اني ما نحب نشوف دموعك ولا نشوفك زعلانه اس
نوره : جهادي
جهاد ابتسم : يا عيون جهادك
نوره : نحبك راهه يا دكتوري
جهاد باسها على راسها و ضحك : نموتت في أمك
نوره ضرباته ع كتفه : ايش دخل امي موت فيا انا
جهاد : ما نموت في امك لأنها جاباتك ليا
نوره ضحكت : امهمممم ، حبيبي دزلنا على وجبه عنديش نيه ندير غداء
جهاد : حاضر من عيون حبيبك
رن عالدليفري و طلب وجبه و جت و تغدو .
——————————————————-
دعاء كانت تبي تحكي مع فادي بس معاش حصلاته خذت تليفون وفاق
فوفو نبي تليفونك نكلم فادي
وفاق : باهه يا عين بس مش حيرد عليك تلقيه يحكي مع وصال
دعاء : نجربو بالك يرد
وفاق : باه
رنت دعاء على فادي وهو كان مشغول يحكي مع وصال
______________________
وصال : حبيبي تسمع فيا ؟
فادي : اه اها اها نسمع فيك
وصال : من يرن عليك فادي
فادي : هذي وفاق مش عارف شن تبي
وصال : قوللها توا نحكو بعدين
فادي : باه نسكر ثواني
وصال : لا خليني عالخط و رد
فادي : افف اففف باهي
رد فادي عليها : فوفو مش فاضي بعدين نكلمك
دعاء : انا مش وفاق عالمهم بعدين نحكو و سكرت
(حست بحاجه غريبه و كإن زعلت يعني عشان قاللها مش فاضي وهي عارفته يحكي مع وصال )
فادي حس نفس الإحساس ( نرد عليها والا لا ؟ وصال لاحق عليها ! لالا توا اديرلي يوم اسود مش وقتها !)
وصال : شن صار حبيبي كنها وفاق
فادي : اه لا هذي دعاء مش وفاق
